1 Juan 4:18 - Northern Tepehuan Bible

¹⁸ Gin aaduñi, Diuxi ïmadï aatïmï aipakoga gïr ojoigïdai dai kaxkïdï mai tipu duadimudagai gïr bïïtarï. Xadïrï duduadikuiña aatïmï gïr oigïdatai Diuxi tudu. Dïï gia xi ïmoko ïbhiadagi Diuxi gobai itïiya ïrhidi sai ïgai po gï ïrhidi sai Diuxi gïgïbitulda agai. ¿Ïma dukai ix tuixidï ïbhïidiña ïgai Diuxi? Ix ïbhiadagi ïmoko Diuxi gobai itïiya ïrhidi sai mai kïïgakïrï oigïdai ïmoko tudu.

Tepehuan Northern: Diuusi ñiooquidʌ utuducami oodamicʌdʌ

¹⁸ Tomasioorʌ sioorʌ cʌʌga oigʌadagi Diuusi ʌgai maiʌʌbʌidi isDiuusi soimaasi taatatuldiagi. Dai sioorʌ ʌʌbiadagi Diuusi cʌʌga gʌmaatʌ ismaiquiaa cʌʌga oigʌdai.

1 Juan 4:18 Referans Kwoze

2 Timoteo 1:7

Dai maiti gï agai ix duadikudagi aapi gaatabuadatai. Daiñi, maiti gïr maa Diuxi tïgibudagai ix duadikudagi aatïmï dai bhaiyoma gïr maa ïgai Diuxi Ibhïadï. Dai Diuxi Ibhïadïkïdï biakana aatïmï gubukarhigai sai gïr oigïdaiña aatïmï aipakoga dai sai mai dagitona aatïmï ix gïr tïanïdagi ïïgi gïr tïgibudaga. Gobai gïr maa Diuxi.

Romanos 8:15

Daiñi, Diuxi Ibhïadï ka ayi gïr ïrana. Dai ïgai maiti gïr maakai duadimudagai ix dukai biakana aatïmï ïkioma aidïxi mos ïr pipioñi dukamikana aatïmï. Xibi Diuxi Ibhïadï gïr maa sïïrhikami xi ïr Diuxi maamaradïkana aapimï. Kaxkïdï gïr oga aagai aatïmï Diuxi.

1 Juan 4:12

Daiñi, tomarhi ïmo odami mai nïidi Diuxi tomarhi ïmo imidagai. Dïï gia ix kïïgakïrï gïr oigïadagi aatïmï aipakoga, aidï gia gï maatï sai gïr ïmadï daja Diuxi dai gïr nïijadamu odami dai bhaigakamu ïgai ix maatïkagi xïïxi kïïga oigïdai Diuxi ïgai.

Hebreos 12:28

Gin aaduñi, gobai ix makïdï bïïxkïrï bïïtarï kabaka agai ïr go utudui oidakaragai ix makïdï gïr maa Diuxi. Ami gïr utudui oidakaragïrï gïr nukadai Diuxi dai gïr oigïdaitai gïr tïanïi ïgai. Dai bïï mai ugiti agai gobai tomarhi ïmo imidagai. Kaxkïdï gï agai sai kïïga bhai gïr ïrhiada aatïmï Diuxi ïmadï sai podukai kïïga ñokada aatïmï ïgai bïïtarï dai kïïga xadutuadagi ixdukai ïgai ipïrhidi. Aa gia gï agai xi kïïga xadutuada aatïmï mos ïxi namïakatai ïgai.

Santiago 2:19

Kïïga pokaitada antaada aapimï sai buaboitudai aapimï sai oidaga Diuxi dai sai ïmaduga ïgai. Kïïgadu aba gobai. Dïï gia aanï aagai sai asta go tïtïañikarudï go diabora kïïga buaboitudai sai oidaga Diuxi dai asta gigibukïiña ïgai ïbhïiditai.

Mataibo 9:34

Dïï gia go fariseos mai bhai gïn ïrhiditadai nïiditai ixtumaxi idui Suxi daidi ikaitiña, —Go diabora ïgai dai mamaakai gubukarhigai go Suxi dai kaxkïdï bhaiga ïgai ix odamiañdïrï bubaidagi tïtïañikarudï go diabora. Go diabora ïr tïanïdamigadï go tïañikarudï tudu— ikaitiña go fariseos.