1 Juan 4:15 - Northern Tepehuan Bible

¹⁵ Dai bïïxkatai ix makïdï pokaitadagi sai Suxi ïr Diuxi Maradï ka urabaka Diuxi dai Diuxi ïgai ïmadï daja.

Tepehuan Northern: Diuusi ñiooquidʌ utuducami oodamicʌdʌ

¹⁵ Tomasioorʌ sioorʌ pocaitiadagi sai vaavoitudai isSuusi ʌrDiuusi maradʌ aidʌ gia Diuusi ʌʌmadu daja ʌgai.

1 Juan 4:15 Referans Kwoze

1 Juan 5:5

Mosïkaxi aatïmï ix makïdï buaboitudai sai Suxi Kristo ïr Diuxi Maradï, mosïkaxi aatïmï ixtutuidi ix maitiagi go soimaaxi ix makïdï oidaga tami oidigi daama tudu.

Romanos 10:9

Ga aagidiña aatïmï sai gï agai xi odami buaboitudaitai po tïiyagi sai Suxi Kristo bïïxi adaama ïr Tïanïdami. Dai sai gï aagai xi kïïgakïrï buaboitudagi ïgai ix Diuxi duakaturhi go Suxi. Xorai pobuadagi gia kïïgakïrï bubuaki agai.

Mataibo 10:32

—Kïïga maatï aapimï sai Diuxi gïn nukadai tudu dai kaxkïdï gï agai sai mai duduadikuitai aagada aapimï óídakami buitapi sai gin urabaka aapimï. Ayimu ixtuigako aagada agai Diuxi gin Oga xorai biaka agai gïgïbidaragai dai xorai mai biaka agai tudu. Dai aidïpïrï aagidamu aanï gin Oga xorai ïgai daidi ïr gin aaduñi. Aagidamu aanï sai xorai maaxiko aagaiña saidi gin buaboitudai saidi ïgai ïr gin aaduñi tudu.

1 Juan 4:2

Gïn aagidamu aanï ix dukatai maatïkagi aapimï ix bhai Diuxi Ibhïadïkïdï ñokai ïgai. Daiñi, gï agai ix gatïtïïgiadagi ïgai goka ñoki. Gï agai ix gatïtïïgiadagi ïgai saidi Suxi Kristo ïr Diuxi otosadï, dai gï agai ix gatïtïïgiada ïgai ïpï sai kïïga gï tukugatu Suxi gïr ïpïan dukai. Ix podukai gatïtïïgiadagi ïgai aidï gia gï maatï sai Diuxi Ibhïadï podukai aagidi ix gatïtïïgiadagi ïgai.

1 Juan 3:24

Dai toma xorai ix makïdï ïïgiadagi Diuxi sïïrhikamigadï ïgai kïïga biakana urabaragai Diuxi ïmadï. Diuxi gïr maa Ibhïadï saidi gïr ïmadï dakana tudu. Dai ka biakatai aatïmï Diuxi Ibhïadï gokïdï maatï aatïmï saidi ka kïïgakïrï uraba bii aatïmï Diuxi bïïxkïrï bïïtarï.

Filipenses 2:11

dai biakamu xi aagadagi sai Suxi Kristo adaama ïr Tïanïdami. Podukai aagadamu ïgai bïïxi óídakami buitapi tudu dai podukai maaxitudamu ïgai xïïxi ïr gïdukami Diuxi gïr Oga.

1 Juan 4:12

Daiñi, tomarhi ïmo odami mai nïidi Diuxi tomarhi ïmo imidagai. Dïï gia ix kïïgakïrï gïr oigïadagi aatïmï aipakoga, aidï gia gï maatï sai gïr ïmadï daja Diuxi dai gïr nïijadamu odami dai bhaigakamu ïgai ix maatïkagi xïïxi kïïga oigïdai Diuxi ïgai.

1 Juan 5:1

Gin aaduñi, toma xorai ix makïdï buaboitudai sai go Suxi ïr go gïï Tïanïdami ix makïdï otoi Diuxi tami oidigi daama ïgai kaxi ïr maamaradï Diuxi. Ix buaboitudai ïgai sai Suxi ïr go Kristo agaikïdï tudu. Diuxi ïr Ogadï xorai podukai buaboitudagi tudu. Dai kïïga maatiga maaxi sai xorai oigïdadagi ïmo gaoga sai oigïdada agai maamaradï ïpï.

Lukas 12:8

Daidi Suxi oi aatagidï dai potïtïdai ïgai mamaatïrdamigadï, —Daiñi— itïtïdai. —Aanï ïr otosadï Diuxi ix makïdï ïmo kïïrhi busai dai aanï pokaiti sai xorai maaxiko aagadagi jaa buitapi ix gin buaboitudai, aanï ïpï maaxiko aagadamu Diuxi tïtïañikarudï buitapi xi ïgai gin buaboitudai.

2 Juan 1:7

Daiñi, xi gïn oigïdadagi aapimï aipakoga gobai gïn soiñamu sai mai oijadana aapimï go bupuirumadami ix makïdï aipakoga ajiopai oidigi daama. Muidu ïgai tudu. Pokaitiña ïgai sai mai ïmo odami dukai dibia Suxi Kristo tami oidigi daama. Yaatabogami ïgai tudu daidi ïr buidïrï bïïtïkami ïgai Suxi Kristo.

VUAANA 6:56

Odami ix makïdï ugiagi gin tukuga dai iiyagi gin ïra gin bïnakami bipiïyi dai aanï bïnakami biïyi ïgai ïpï.

1 Juan 2:23

Bïïxi odami ix makïdï pokaitadagi sai Suxi Kristo maiti ïr Maradï Diuxi ïgai mai urabaka Diuxi. Dïï gia xorai maaxiko aagagi sai buaboitudai ix Suxi Kristo ïr Maradï Diuxi, ïgai gia urabaka Diuxi.

1 Juan 2:24

Gin aaduñi, gï agai sai gïn tïgito ajiopada aapimï Diuxi ñokidï ix makïdï kaïkana aapimï aidï abhiadïrï xi buaboitu aapimï. Ix apia buaboitudada aapimï gobai aidï gia biakamu aapimï urabaragai Diuxi ïmadï dai Diuxi Maradï ïmadï ïpï bïïxkïrï bïïtarï.

1 Juan 3:23

Diuxi gïr tïjai sai buaboitudaiña aatïmï Maradï, sai buaboitudana aatïmï Suxi Kristo tudu. Dai gïr tïjai sai gïr oigïadagi aatïmï aipakoga ïpï. Gobai ïr go sïïrhikami ix makïdï gïr maa Diuxi tudu.

Hechos 8:37

Daidi Pirhi itïtïdai, —Pïx kïïgakïrï buaboitudai, aidï gia kïïgadu gobai— itïtïdai. Daidi go dunukami itïtïdai, —Aanï gia buaboitudai sai Suxi Kristo ïr Diuxi maradï— itïtïdai.