1Tesalonicenses 2:17 - Northern Tepehuan Bible

¹⁷ Gïr suskurhi, baasïki aidïxi gïn ïmadï darakatadai aatïmï go judidiu mai ojoida kaï gïr aatagi dai gïr koda ïrhiditadai. Kaxkïdï biakatadai aatïmï ix otoma iimiagi dai gïn dagitoagi. Dai kabami soigamu aatïmï aidï ïpïan dukai xi ka mai nïijada agadagi ïmoko maamaradï. Bïïx tasai gïn tïgitokana aatïmï tudu. Dïï mai xii tïbïpi ïkobai darakamu aatïmï ïrhi aanï.

Tepehuan Northern: Diuusi ñiooquidʌ utuducami oodamicʌdʌ

¹⁷ Aidʌsi guvucadacʌdʌ gʌndagito aatʌmʌ chiʌʌqui tasai aliʌsi gʌntʌtʌgitoiña aatʌmʌ. Otoma gʌraaga aatʌmʌ dai gʌnnʌidaragai dai maiquiaa istui.

1Tesalonicenses 2:17 Referans Kwoze

Kolosenses 2:5

Daiñi, tomaxi maiti gïn ïmadï daja aanï bïïxkïrï gïn tïtïitoi aanï. Dai bhai gin ïrhidi maatïkatai sai kïï buañixikami dukai óídaga aapimï dai sai kïï gubuakami kïïka gïn buaboidaraga buaboitudaitai aapimï Suxi Kristo.

1 Korintios 5:3

Aanï gia aagai sai ajïga ïgai gïgïbidaragai. Aanï ïr otosadï Suxi ix makïdï ïr Gïr Nukadakami dai gin sïïrhikamiga namïga amïka ukami xako daraka aapimï tomaxi aanï mïkaxi daja. Kaxkïdï aagai aanï sai ajïga gïgïbidaragai.

1Tesalonicenses 3:6

Dïï gia ka dibia go Timoteo amïkadïrï ïpamu dai gïr aagidi sai apia ïxi kïïga buaboitudai aapimï go Suxi dai sai oigïdai aapimï jaa aipakoga ïpï. Dai pobai gïr tïtïdai ïpï mïsai gïr tïïtïitoiña aapimï gïr oigïdaitai dai sai ix xïïxi gïn nïijada ïrhidi aatïmï sai pokaxi aapimï gïr nïijada ïrhidi ïpï. Podukai gïr tïtïdai Timoteo dibiakai tudu.

Romanos 1:13

Gin aaduñi, ipïrhidi aanï xi maatïkagi aapimï sai mui imidagai gïn dibida in ïrhidiña aanï dïï mos mai kia ixtui. Gïn soiña in ïrhidi aanï xi kïïgioma buaboitudada aapimï gïn dibidakai. Pomaaxi ibuadana aanï tudu go gaa ïmadï ïpï ix makïdï maiti ïr judidiu.

Romanos 15:23

Ka mui umigi abhiadïrï gïn dibida ïrhidiña aanï tudu. Dai xibi ka bïïxi naato aanï gin aaduindagai tami oidigïrï xako aatabuadana aanï. Ka bïïxi aipako aiturhi aanï Diuxi ñokidï tami tudu.

Lukas 22:15

Dai Suxi potïtïdai mamaatïrdamigadï, —Biakamu aanï xi soimaaxi taatagi dai sïïrhikïdï ipïrhidiña aanï xi gïn ïmadï ugiagi idi Kïïgakïrï Bubaidaragai kuadagai mai kaï soimaaxi taatakai aanï. Dai xibi ka ayi gobai.

Hechos 17:10

Dai aidï tukarï mos tukagïkai go buaboitudadami otoi go Pabora ïmadï Silas Bereamu. Dai ïgai mos ayi Bereïrï dai sïïrhi iji judidiu kiupaigadïrï.

Genesis 45:28

—Xibi gia tumaxi gin biïga— itïi ïgai. —Kaxi ïr buaboi xi kia daja gin maara Jose tami oidigi dama. Bïïxkïrï nïidamu aanï kia mai kia mukukai aanï— itïi go Jakobo.

Lukas 12:58

Dukami, xi buatuldakagi aapimï ïmai dai ïgai dudunukamiïrï gï baan kïsa ïrhiadagi gï agai xi ïpïgioma bhai duñagi ñoki ïgai ïmadï mai kia aïkai aapimï dudunukamiïrï. Tadu gï bhïiyi go dudunukami dai gï tïïgi go sandadaru bai ïgai gï maixagi.