1Tesalonicenses 2:14 - Northern Tepehuan Bible

¹⁴ Gïr susukurhi, kïï maatï aatïmï sai gïn aaduñi soimaaxi gïn taatamiturhiña. Kaxkïdï kïïga maatiga maaxi sai buaboitudai aapimï Diuxi ñokidï. Ix mai buaboitudamudai aapimï xadïrï pomaaxi gïn taatatuldana ïgai di. Ïïpïandukai dïgabusai aapimï ïmadï go gaa buaboitudadami ix makïdï gïn ïmpaidiña Judeïrï. Ix makïdï uraba daraka Diuxi dai Suxi Kristo tudu. Go judidiu soimaaxi taataturhi ïgai tomaxi ïr aaduñdï ïgai. Dai podukai aapimï ïpï bia gïn aaduñi ix makïdï soimaaxi gïn taataturhi buaboidaitai aapimï.

Tepehuan Northern: Diuusi ñiooquidʌ utuducami oodamicʌdʌ

¹⁴ Giñaaduñi aidʌmʌsi vaavoitu aapimʌ gʌnaaduñi soimaasi gʌntaatatuli, ʌpan duucai ʌjudidíu ismaacʌdʌ Judeeʌrʌ oidaga ismaacʌdʌ gʌnʌmpaidi siaa duutudaragai Diuusi vʌʌtarʌ vaavoitudaitai Suusi Cristo. Ʌgai ʌgai vaa aaduiñdʌ soimaa taatamituldi ʌʌpʌ.

1Tesalonicenses 2:14 Referans Kwoze

1Tesalonicenses 3:4

Baasïkioñdïrï ka podukai gïn aagidiña aatïmï tudu. Dai xibi ka maatï aapimï saidi ïr buaboi ix makïdï gïn aagidi aatïmï. Ka soi gïn buididimi jaa tudu ix dukai gïn aagidi aatïmï.

2 Tesalonicenses 1:4

Dai ojoidi aatïmï ix aagidagi go gaa buaboitudadami aipakoga óídakami xïï kïïga buaboitudai aapimï ïpï. Aagidiña aatïmï sai apia buaboitudai aapimï tomax dukai tomaxi soi taadakana aapimï dudatai soi gïn buididitai jaa. Podukai aagidiña aatïmï bïïxi go gaa buaboitudadami ix makïdï gïn ïmpaidiña aipakoga.

Galatas 1:22

Aidïpïrï mai kia gin maatïkana go odami Judeïrï óídakami ix makïdï bïïna daraka Suxi Kristo, ix makïdï gïn ïmpaidiña ami aipakoga Judeana tudu. Maiti gin tïïtadai ïgai kia kaxkïdï.

1Tesalonicenses 1:6

Dai aapimï sïïrhikïdï kïïga ibuayi ïpï. Ibuayi aapimï ïpïandukai aatïmï ïmadï Gïr Nukadakami tudu. Daiñi, kajioma aatïmï sai jaa maiti ipïrhidi ix buaboitudada aapimï dai bhaiyoma soi gïn buididiña buaboitudakai aapimï. Dïï gia kajioma aatïmï ïpï sai tomax dukai maiti gïn daadagitoiña aapimï ix gïn maitiagi go soi ïrhiaragai xïxkadï soi gïn buididiña jaa. Saidi as gïn soikïiña Diuxi Ibhïadï sai bhai gïn ïrhidiña aapimï bhaiyoma. Podukai tudu ibuayi aapimï ix dukai ibuayi aatïmï ïmadï Gïr Nukadakami Aatïmï ïpï maiti gïr daadagitoiña ix gïr maitagi go soi ïrhiaragai tomaxi soi gïr buidadagi jaa.

2 Tesalonicenses 1:1

Aanï ïr Pabora daidi gïn otoxdi idi ojai aapimï buaboitudadami ix makïdï Tesalonikana gïn ïmpaidiña. Dai tanai gin ïmadï daraka go Silbano ïmadï go Timoteo ïpï. Gin susukurhi, aanï ïmadï go Silbano dai go Timoteo maatï sai aapimï kïïga urabaka Diuxi gïr Oga ïmadï Suxi Kristo Gïr Nukadakami.

1Tesalonicenses 1:1

Bhaiga aapimï buaboitudadami ix makïdï gïn ïmpaidiña ami Tesalonikïrï. Aanï Pabora ïmadï go Silbano dai go Timoteo gïn otoxdi idi ojai. Gin susukurhi, kïïga maatï aatïmï sai aapimï buaboitudadami uraba daraka Diuxi gïr Oga ïmadï Suxi Kristo Gïr Nukadakami. Dai ipïrhidi aatïmï sai maatï taatana aapimï xïï kïï tuiga ïgai gïn buidïrï dai sai gïn maakana ïgai ibhïxtaragai gïn ibhïdagïrï.

1 Korintios 7:17

Gin aaduñi, ix maaxkatadai aapimï aidïxi tukamïrï gïn báí Diuxi mai kia buaboitudakai podukai gï agai ix biyagi aapimï.

Hechos 17:13

Dai aidïxi máí go judidiu Tesalonikïrï óídakami xi Pabora aagidi Diuxi ñokidï Bereïrï ïpï bai gamo iji dai xixorhitu go oidakami ami ïpï.

Hechos 11:19

Aidï abhiadïrï xi go judidiu muatadai go Tibañi, gïn aaga soi buimi ïgai go gaa buaboitudadami ïpï. Dai ïïmoko go gaa buaboitudadami dïgabuna bopoi aidï. Ïïmoko iji Fenisiamu dai jaa Chipreamu dai jaa Antiokiamu. Ga aagada iimïitadai ïgai Diuxi ñokidï dïï mosïka judidiu aagidimi ïgai dai jaa odami gia cho.

Hechos 9:31

Dai aidï chïki tasai xioma óídakatadai go buaboitudadami Judeïrï dai Galileïrï dai Samarhiïrï mai tipukatai buidïrï bïïtïkami. Kïïga xadutudaiña ïgai Diuxi dai Diuxi Ibhïadï gamaakaiña gubukadagai xi ïgai bamioma kïïga muidaimi.

Hechos 9:13

Daidi Ananias itïtïdai aidï, —Gin Nukadakami gin oigïdañi dïï muiyoko kajiomakana aanï xïï idi kïïrhi kabami soi buididiña gï aaduñi Jerusalenïrï óídakami.

Hechos 9:1

Dai aidïpïrï go Saulo bui ñokaitadai go buaboitudadami kïïdaitai ïgai dai asta kodadan kaititadai. Gaagaimi ïgai ixdukatai naato ugititudagi go buaboitudadami dai mïï dibiji go bhaitï kïakamigadï dadaxdadami judidiu.

Hechos 8:1

Daidi go Saulo ami dajatadai ïpï aidïxi gï muatu go Tibañi dai bhai aa mïx muagi. Dai gokiïrï dada kïkïïrhi kïïga xadutuadadami Diuxi dai yaasa tukugadï Tibañi. Kabami susuanïitadai ïgai soi gïn ïrhiditai. Dai aidï tasïrï aidïxi gï muatu go Tibañi go Jerusalenïrï óídakami bui surhi go gaa buaboitudadami ïpï dai soimaaxi taataturhimitadai. Dai go buaboitudadami aipako iji abhiadïrï. Jaa iji Judeamu dai jaa Samariamu. Mosïkaxi Suxi ojotosadï anaaxi bii Jerusalenïrï.

Hechos 8:3

Dïï go Saulo apia soi buadatadai go buaboitudadami tomaxi aipako ijitadai ïgai. Kiikidïrï bapaakïiña ïgai dai tïrhiusumaitai bubaidiña kïkïïrhi ïmadï oki daidi gamaamaixaiña.

Hechos 13:50

Dïï gia go judidiu ami Antiokiïrï bui surhi go Pabora ïmadï Bernabe. Aatagidi ïgai chïki oki ix makïdï óídakami kïï xadutudaiña dai aatagidi kïkïïrhi ïpï ix makïdï baamioma gatïanïiña ami kiikiïrï dai abïnaki sai bui surhigïna ïgai go Pabora ïmadï Bernabe. Podui ïgai tudu daidi adaji ïgai abhai oidigiañdïrï.

Hechos 14:2

Dïï go gaa judidiu ix makïdï maiti ipïrhi ix buaboitudagi ïgai maa aatagi go ix makïdï maiti ïr judidiu sai ïgai kïïdaidana go buaboitudadami.

Hechos 14:4

Dïï go Ikoniïrï óídakami aipako gïn bupui ñokaitadai. Ïïmoko kïïga ñokaiña go Pabora dai Bernabe bïïtarï dai jaa kïïga ñokaiña go judidiu bïïtarï.

Hechos 14:5

Muidukatadai go Pabora bui ñokadami modukai judidiu ïmadï ix makïdï maiti ïr judidiu dai ïgai mïï aataga ïmadï dudunukami dai gaaga agai ixdukatai maikarsagi go Pabora dai Bernabe. Koda ïrhiditadai aidï.

Hechos 14:19

Dai aidïpïrï ami dada judidiu Antiokiañdïrï dai Ikoniañdïrï óídakami. Dai ïgai bui ñokaitadai go Pabora dai bhaakoitu go odami ïgai bui. Baidi go óídakami maikakarai go Pabora mua ïrhiditai. Dai bhodïrï ka maikarsakai tïbaimu ïgai go Pabora dai busaitu kiikiañdïrï maigobai dai ami bia po gïn ïrhiditai ix ka muatadai.

Hechos 18:12

Dai bhodïrï ïmo imidagai aidïxi go kïïrhi Galión ïr gïï dunukamikatadai Akayïrï bai go judidiu bïïxkatai bui bhaakoi Pabora dai bhïiyi dai mïï dunukamiïrï kïi.

1 Korintios 10:32

Maiti gï agai tudu ix ibuadagi ixtumaxi sobhikïdagi jaa ix buaboitudagi tomaxi ïr judidiukagi ïgai ix jaa ïpï, ix ka uraba daraka ïgai Diuxi buaboitudakai ix cho ïpï.