1Kr 22:5 - Northern Tepehuan Bible

⁵ Dai Dabid pobï ïrhi, —Gïr Nukadakami baakidï gï agai xi kïï gïïdukagi dai kïï tiodikagi bai bïïxi oidigi dama oidakami kajiomakana. Ka arhiïxi ïr gïdukami ka agai go aaduindagai— gï ïrhidi Dabid. —Kia arhidu gin maara Solomon. Gï aagai ix ïkiaxdïrï bhai duñagi aanï bïïxi ixtuma tïgito agai gobai bañidaragai bïïtarï go baaki dukami uxi dai ojodai maaxi— gï ïrhidi ïgai. Kaxkïdï Dabid ïkiaxdïrï bhai dui naana maaxi Gïr Nukadakami baakidï bïïtarï.

1Kr 22:5 Referans Kwoze

VUAANA 13:1

Dai bhodïrï ka karhioga ayitadai go Kïïgakïrï Bubaidaragai Bagimi dai kïïga maatïkatadai Suxi sai ka miadaimitadai ix imiagi ïgai tami oidigi damaiñdïrï dai aiyagi xako daja Ogadï. Dai kïïga oigïdaitadai ïgai mamaatïrdamigadï dai xibi iduña agai ïmo maaxidaragai ix maatïka gobai xïï kïïga oigïdai.

VUAANA 3:30

Gï agai tudu ix bïïx tasai tïkabioma tïkabioma namïakagi Diuxi Maradï nai aanï bïïx tasai dumarhioma dumarhioma biyagi. Ïmo bhai ïrhiaragai gobai aanï gin bïïtarï tudu— itïtïdai Juan.

VUAANA 9:4

—Xibi gï agai ix kabami gin aaga aataduñagi aanï dai ibuadagi go naana maaxi maaxidaragai ix makïdï gin tïjai Diuxi bhaigobai gin otosakai. Kaxkïdï tudu ix dukai daibuskïi tasai dai odami ka mai bhaigakana ix gaatabuadagi ka aïkai tukagi, podukai ïpï ugitimu gïr oidakaraga tami oidigi daama dai aidï ka mai bhaigakamu aatïmï ix ibuadagi ix tumaxi Diuxi ipïrhidi— itïtïdai.

Lukas 21:5

Dai ami go gïï kiupiana gaatagataidai mamaatïrdamigadï Suxi daidi ikaititadai, —Agia xigiamaaxi go gïï kiupai— ikaititadai. —Xïï xigiamaaxi go ojodai ixtukïdï duñixi gobai dai go naana maaxi oidaragai xigiamaaxkami ix makïdï maa óídakami ix tukïdï xigiamaaxtudi go kiupai— ikaiti go mamaatïrdami gaatagaitai. Daidi Suxi potïtïdai,