Mataibo 27:54 - Tepehuan Northern: Diuusi ñiooquidʌ utuducami oodamicʌdʌ

⁵⁴ Tai amaasi ʌtʌaanʌdamigadʌ sandaaru ʌʌmadu ʌgaa ismaacʌdʌ nuucadacatadai ʌSuusi aidʌsi tʌʌ ʌgai isgigivuli dʌvʌʌrai dai tʌʌ vʌʌsi ismaacʌdʌ ʌpʌdui sʌʌlicʌdʌ duduaadimu, daidʌ icaiti: ―Baivaavoi idi cʌʌli sʌʌlicʌdʌ ʌrDiuusi maradʌcatadai ismaacʌdʌ tʌvai tʌvaagiaiñdʌrʌ ―ascaiti.

Northern Tepehuan Bible

⁵⁴ Daidi kabami duduadimu go kapitañi ïmadï sandadarugadï ix makïdï nukadakatadai go Suxi. Nïiditadai ïgai aidïxi gigiburhi oidigi dai bïïxi ixtumaxi daibusai ami ïpï kaxkïdï. Daidi ikaitiña ïgai, —Idi gia ïr buaboi saidi ïr Diuxi maradï— ikaitiña.

Mataibo 27:54 Referans Kwoze

Markos 15:39

Daidʌ ʌcapitán romanu ismaacʌdʌ vuidʌrʌ cʌaacatadai ʌSuusi tʌʌgacai isducatai iiña ʌgai dai isducatai muu icaiti: ―Sʌʌlicʌdʌ qui ʌrDiuusi maradʌcatadai gocʌʌli ―ascaiti.

Mataibo 27:36

Dai ami daraajatai nuucada.

Mataibo 27:43

Goovai povʌʌlidi siDiuusi nuucada. SiDiuusi sʌʌlicʌdʌ oigʌdai cʌʌgacʌrʌ vuusaidana tuduidʌ sivi. Gocaasi gʌraagidi goovai saidʌ ʌrDiuusi maradʌ ―ascaiti ʌgai.

Hechos 27:43

Dʌmos ʌgʌʌ tʌaanʌdami cʌʌgacʌrʌ vuusaida ʌliditadai ʌPaavora cascʌdʌ maidagito mʌscoodagi. Dai tʌjai vʌʌscatai ismaacʌdʌ susuligicui sai ʌʌpʌga suudarʌ suuligʌna dai aʌna dʌvʌʌrai.

Hechos 27:1

Aidʌsi povʌnʌʌli ʌgai isgʌrootosagi Italiamu mʌtai tʌʌgi ʌPaavora ʌʌmadu ʌgaa maamaisapicʌdʌ ʌmo tʌaanʌdamigadʌ sandaaru Julio tʌʌgiducami. Ʌgai ʌrtʌaanʌdamigadʌ sandaarugadʌ ʌgʌʌ baitʌcʌaacami Augusto.

Hechos 23:23

Taidʌ ʌgʌʌ tʌaanʌdami vaí gooca sandaaru tʌtʌaanʌdamigadʌ dai tʌjai sai bai duuna gooca siento sandaaru gʌntaataracʌdʌ ajioopadami, dai vaicoobai dan baivustaama sandaaru caapayu daama ajioopadami, dai goo siento sandaaru ismaacʌdʌ vuu ajioopai lalansa sai iimʌna ʌʌmadu ʌPaavora Sesareeamu aidʌ tucarʌ tustaamʌrʌ.

Hechos 21:32

Tai ʌgai otoma vaidacai gʌsandaaruga ʌʌmadu ʌtʌtʌaanʌdami dai voopoigitai tʌapai ami siaaco daraajatadai ʌoodami. Dai aidʌsidʌ ʌoodami tʌʌ ʌgʌʌ tʌaanʌdami ʌʌmadu sandaarugadʌ camaigʌʌgʌ vaamioma ʌPaavora.

Mataibo 8:5

Aidʌsi mosaayi ʌSuusi Capernauumʌrʌ tai miaadʌrʌ cʌquiva ʌmo sandaaru tʌaanʌdamigadʌ. Ʌgai ʌrromanu dai daañimi,

Mataibo 4:3

Taidʌ ʌDiaavora miaadʌrʌ cʌquiva siaaco daacatadai ʌSuusi nʌida ʌliditai sabai iduiñtuldana ʌmo istumaasi istumaasi Diuusi maitipʌlidi daidʌ itʌtʌdai: ―Pʌsaapi ʌrDiuusi maradʌ di, tʌaañiñi goojoodai vai tascali gʌnaatona ―astʌtʌdai ʌDiaavora.

Apokalipsis 11:13

Tai otoma cavami gigivuli oidigi tai suuli mui baabaqui tai cuvaracami mil coi oodami. Daidʌ ʌgaa oodami ismaacʌdʌ vii sʌʌlicʌdʌ dodoaadimu dai pocaiti sai sʌʌlicʌdʌ viaa guvucadagai Diuusi ismaacʌdʌ tʌvaagiʌrʌ daja.

Romanos 1:4

Suusi Cristo muu dai ʌpamu duaaca coidadʌ saagidaiñdʌrʌ. Gomaasicʌdʌ cʌʌga gʌmaí issʌʌlicʌdʌ ʌrDiuusi maradʌ dai viaa guvucadagai dai tomali ʌmo imidagai maisoimaasi idui.

Hechos 23:17

Taidʌ ʌPaavora vai ʌmo sandaaru tʌaanʌdamigadʌ daidʌ itʌtʌdai: ―Vaidacaiñi idi ali gʌʌli mʌʌca siaaco daja ʌgʌʌ tʌaanʌdami aagidasa agai goovai ʌmo ñiooqui ―astʌtʌdai ʌPaavora.

Hechos 10:1

Sesareeʌrʌ oidacatadai ʌmo cʌʌli Cornelio tʌʌgiducami ismaacʌdʌ tʌaanʌitadai ʌmo siento sandaaru mʌsmaacʌdʌ Italianu aagaiña.

Hechos 2:37

Aidʌsi caʌ ʌgaa gomaasi aayi soiʌliaragai dai tʌcacai ʌgai ʌPiiduru ʌʌmadu ʌgaa ojootosicami: ―¿Tʌtumaa duuna? ―ascaiti ʌoodami.

VUAANA 19:7

Daidʌ ʌjudidíu aa noragi daidʌ itʌtʌdai: ―Gʌrsʌʌlicamigadʌcʌdʌ aliʌsi gʌaagai ismuuquiagi gocʌʌli. Goovai gaagidi saidʌ ʌrDiuusi maradʌ ismaacʌdʌ divia tʌvaagiaiñdʌrʌ daidʌ isʌpan tuiga Diuusi. Cascʌdʌ aliʌsi gʌaagai ismuquiagi ―tʌtʌdai ʌjudidíu.

Lukas 22:70

Tai amaasi vʌʌscatai tʌcacai ʌSuusi daidʌ itʌtʌdai: ―¿Aidʌ gia aapi ʌrDiuusi maradʌ? ―astʌtʌdai. Taidʌ ʌSuusi aa noragi daidʌ itʌtʌdai: ―Ʌjʌ Diuusi maradʌana poduucai mʌsduucai aagai aapimʌ ―astʌtʌdai.

Mataibo 27:40

daidʌ itʌtʌdai: ―Epa aapi pʌsmaacʌdʌ dadaitudai ʌgʌʌ quiuupaigadʌ ʌjudidíu dai vaica tasaicʌdʌ ivueeyi ʌpamu cʌʌgacʌrʌ igʌvuusaida aapi ʌʌgi. Siaapi ʌrDiuusi maradʌ tʌvañiñi bocurusiaiñdʌrʌ ―astʌtʌdai.

Mataibo 26:63

Taidʌ ʌSuusi maiñioocacai vii. Taidʌ ʌbaitʌcʌaacamigadʌ ʌpapaali judidíu itʌtʌdai: ―Aanʌ angʌaagidi pʌsaidʌ gʌraagidana Diuusi vuitapi ismaacʌdʌ tomastuigaco oidaga pʌsabai aapi ʌrʌCristo Diuusi maradʌ siʌʌpʌ cho ―astʌtʌdai.

Mataibo 27:51

Vaidʌ ʌgʌʌ icusi ismaacʌdʌ ʌgʌʌ quiuupaigadʌrʌ judidíu sagiʌcatadai ʌpan ʌʌsi covocami ʌmo sueeyi dai ʌraana sʌʌli sarai tʌcavidʌrʌ abiaadʌrʌ mʌtana ucami. Dai dʌvʌʌrai gigivuli dai ojoodai taatapai.