Apokalipsis 14:8 - Tepehuan Northern: Diuusi ñiooquidʌ utuducami oodamicʌdʌ

⁸ Dai gooquiʌrʌ divia ʌʌpʌ ʌmai Diuusi tʌaañicarudʌ dai pocaiti: ―Caugidagai ʌgʌʌ quii Babilonia tʌʌgiducʌrʌ. ɅBabiloniʌrʌ oidacami ʌgai dai vupuiirumagi mui oodami aa gʌgʌr quiiquiʌrʌ oidacami sai ʌgai soimaasi ivuaadana ʌpan duucai ʌBabiloniʌrʌ oidacami. Poduucai isduucai ʌmo iitʌracami oidi ʌmai istumaasi navamudaga ―caiti ʌgʌmai Diuusi tʌaañicarudʌ.

Northern Tepehuan Bible

⁸ Daidi gokiïrï imïi ïpï ïmai tïañikarudï Diuxi dai idi gïgïrï ñokai ïpï daidi ikaitimi, —Ka xia tui go gïï Babilonia kiiki. Ami óídakami gia pupuirugakana. Sïïrhikïdï ojoidi ïgai xi adaimudagi soimaaxi dai abïnakidiña odami bïïxi apakoga oidigi daama óídakami sai urabana soimaaxi ibuadatai. Ïpïan buadana ïgai ïmo iitïrakami xïxkadï abïnakidada ïgai jaa sai soiña yïïdana iidagai— ikaitimi ïgai.

Apokalipsis 14:8 Referans Kwoze

Apokalipsis 16:19

Ʌgʌʌ quii ismaacʌdʌ Babilonia tʌʌgidu vaicapʌrʌ taatapai daidʌ suuli ʌvaabaqui vʌʌsi gʌgʌgʌr quiiquiʌrʌ oidigi daama. Poduucai Diuusi soimaasi taatatuli ʌoodami ismaacʌdʌ oidacatadai ʌgʌʌ quiiyʌrʌ ismaacʌdʌ Babilonia tʌʌgidu baamucatai ʌgai vui.

Apokalipsis 11:8

Daidʌ vaic tasai dan tajucami ʌcoidadʌ tuutucugadʌ mosvʌʌtʌcamu caayʌrʌ ʌgʌʌ quiiyʌrʌ siaaco gʌsiisatu curusiaba gʌrtʌaanʌdamiga. Sodoma dai Ejiipitu aagaiña ʌoodami ʌgʌʌ quii soimaasi ivuaadatai oidacami.

Apokalipsis 19:2

Ʌgai vʌʌscʌrʌ ivueeyi istumaasi ʌrsʌʌlicami. Dai vʌʌscʌrʌ aagai mosʌcaasi istumaasi ʌrvaavoi. Ʌgai soimaasi taatatuli ʌooqui tataacaligami. Ismaacʌdʌ soimaasi iduiñtuli mui oodami oidigi daama oidacami. Diuusi soimaasi taatatuli ʌooqui coodaitai ʌgai Diuusi ñiñiooquituldiadamigadʌ. Caiti ʌñiooqui.

Apokalipsis 17:18

Ʌooqui ismaacʌdʌ tʌʌ aapi ʌrʌpan ducami ʌgʌʌ quii siaaco daja ʌgai ismaacʌdʌ vaamioma gatʌaanʌi sivʌʌsi ʌtʌtʌaanʌdami oidigi daama oidacami ―iñtʌtʌdai Diuusi tʌtʌaañicarudʌ.