Yoane 8:2 - Nouveau Testament en Ngombe 1961

² Yana ko ahoa busa, akwea koko a tempelo ehume mɛnɛ. Bato basusu bangando badoa ai yo, na yo ada na mobondo a bobakoja.

Yoane 8:2 Referans Kwoze

Matayo 26:55

Yesu abala na lindundu libato a ehole emina bo, Odoini na babɛnɛ na pɛngu a bopea mbi; adi mbi mobengo? Mbi nadaka na mobondo a bokoja a tei etempelo busa na busa, na oipeani mbi.

Luka 21:37

Iyo adaka atempelo busa na busa a mojɔ mobokoja. Yana ko adipa busa, amana bo akahwɛe a mono mua modi na kombe Mono moOlive.

Luka 4:20

Adipa mokanda, amosɔmbeja ai mokoja, na akada. Ibo basusu baya badaka a sinagoge bamonja ngbe.

Luka 5:3

Atamba a bwato bomɔci, oko bwato boSimona, na amonga bo asɛngojae bwato bosine. Ada na mobondo a bwato, na akoja bato boa.

Yoane 8:20

Yesu abala bikenge bimina yana akojaka yo a tempelo, oko a esika edaka nguku ebipeeli. Pɛpɛ nongo moto ko omopea, mojo bo ehole ende eipaka mea.

Yoane 4:34

Yesu abala na bu bo, Mambi mia madi oko bo nakɔe bolulea boyona olomani, na bo nasiejae elomu ende.

Luka 21:38

Yana ahoa koko busa, bato basusu batitana ai yo a tempelo bo bamohokee.

Yoane 8:3

Bakina basɔni na BaPalusi badoa ai yo na okina mwali. Bama kukoa mwali omina na bɔɔli, na bamomeja a boso bobato.

Bikɔmɛli 5:21

Ibo baka mojɔ momina, na bakwea a tempelo ehuma mɛnɛ, na babanga bokoja. Yana atitana mosuku onganga na bato bande, babolea likita libajuji, na basuku baYisalaele, na baloma ndɔsɔ ebabwɛnji a blɔkɔ.