Yoane 7:26 - Nouveau Testament en Ngombe 1961

²⁶ Anjani ko! Atɔndɔkɔ mwako a bohu, na batabalaka na nde nongo ekenge. Isa bakumu bajimi bo adi Masiya soti?

Yoane 7:26 Referans Kwoze

Yoane 7:48

Bakina baku mu isa BaPalusi bamojimeaka?

Bafilipoi 1:14

Na baninga banɛnɛ bahɛi na ejimeli ai Kumu a mojɔ mombɔci jimbi, na badi na eci a botɔndɔ mwako moNjambe, pɛpɛ nongo bɔ.

Bikɔmɛli 4:13

Ibo bakamoa oko bokamoa yana anɛ bo bogale boPɛtɛlo na Yoane; mojɔ bo bajebaka bo badi oko bato baelomu pɛ, pɛpɛ nongo ejebeli enɛnɛ emikanda. A mojɔ momina bacingea bo bama cingama oko na Yesu.

Yoane 12:42

Endele ko, basuku bangando banɛnɛ bamojimea. Ibo ko badaka na bɔ a mojɔ moBaPalusi, na baitɔndɔ mojɔ momina a bohu, bo batabameja a sinagoge.

Yoane 9:22

Baboti bande babala boa mojɔ bo babangaka BaYuda; cina bo BaYuda bama jima bo moto akajima bo Yesu adi Masiya, badi bomomeja a sinagoge.

Luka 7:30

BaPalusi ko, na bakoja baMibeko, balona mokano moNjambe a mojɔ mobu, na baibatisama na Yoane.

Matayo 22:16

Bamolomea bakina bacingami babu, na bakina bato baElode, a bohɔjɔ Yesu bo, Mokoja, iso bojebaka bo we odi moto osoti. Okojaka njea eNjambe na soti mɛnɛ. Otabangaka nongo moto, mojɔ bo ekumu emoto edi eka engasa a miso mawɛ.

Luka 23:13

Pilato abolea likita libasuku banganga, na bakumu, na bato bangando.

Yoane 3:1

Okina moto adaka MoPalusi kombe ende Nikodemo, mosuku oBaYuda.

Yoane 4:29

Doani onjeni moto yona otɔndɔini ngando jisusu jikɔ mbi. Isa yo adi Masiya?

Yoane 7:25

Bakina bato baYelusalema babala bo, Iyoyo, te moto odukaka bato bo bamowoe?

Yoane 7:31

Bato bangando ko banɛnɛ bamojimea. Ibo babala bo, Masiya akadoa, bimbete binde bînɔ bimbete bikɔkɔ moto yo?

Yoane 18:20

Yesu amosɔmbeja bo, Mbi nabali na ngondo a bohu mɛnɛ. Nakojaka a sinagoge na a tempelo, a bisika bititanaka BaYuda basusu. Naibala nongo a libombi.