Yoane 3:18 - Nouveau Testament en Ngombe 1961

¹⁸ Moto akamojimea, atasamba nongo. Moto amiti mojimea, yo asamba eyou, cina bo aijima kombe eMwana ’Njambe obotama omɔci.

Yoane 3:18 Referans Kwoze

1 Yoane 5:10

Moto yona ojimaka Mwana ’Njambe adi na tati emina a tei ende mɛnɛ. Moto yona odi pɛ bojima Njambe, akɔkɔ Njambe mokosei, mojɔ bo atajimaka tati etataka Njambe ai Mwana’nde.

Malako 16:16

Yona ôjima na ôbatisama a kombe embi âhela. Yona odi pɛ bojima ko âdumbama.

Baloma 8:1

Bodumba boditi koko edɛye a mojɔ mobato baya badi a tei eMasiya Yesu.

Yoane 5:24

Mbi natɔndɔkɔ no na soti bo, Yona ohokeaka ebaeli embi, na ojimaka yona olomani, adi na bomɔ bua bodi na bosusu. Iyo atada nongo na esambi, mojɔ bo aheli a hogwa, na akwei a bomɔ.

1 Yoane 5:12

Moto yona odi na Mwana a tei ende adi na bomɔ. Yona ko opeliti Mwana apeliti bomɔ.

Yoane 3:36

Iyona ojimeaka Mwana adi na bomɔ na bosusu. Iyona ko olonaka bojimea Mwana atanɛ nongo bomɔ, na kɛnjɔ eNjambe edi oko ai yo.

Baloma 5:1

Oko boa, adi so na lilonga a mojɔ moejimeli, bodi na bowi a tei esu na Njambe, a mojɔ moKumu osu Yesu Masiya.

1 Yoane 4:9

Ngɛnjɔ eNjambe eboloa a tei esu oko na mojɔ mu, bo Njambe aloma mwana’nde obotama omɔci a ngondo, bo so bohele a mojɔ monde.

Baloma 8:34

Odi bodumba nda? Oko Masiya yona ogwa, yona ongɔ a bogwa, na adi edɛye a ebɔ ebami eNjambe, na angɔɔnɔkɔ amojɔ mosu.

Yoane 20:31

Ibi ko bisɔnɔmi bo ojimeni bo Yesu adi Masiya, Mwana oNjambe, na bo odaeni na bomɔ a kombe ende, oko a mojɔ moejimeli.

Yoane 6:47

Mbi natɔndɔkɔ no na soti bo yona ojimaka adi na bomɔ bua bodi na bosusu.

Yoane 6:40

Bolulea boSangwa’mbi bodi oko bo moto na moto yona onɛkɛ Mwana na omojimeaka, adae na bomɔ bua bodi na bosusu; na mbi namongɔjɔbí a busa bosuka.

Yoane 1:18

Pɛpɛ nongo moto onɛ Njambe; Mwana-sɔmi omɔci ko yona odi a bupa boSango amobolojai ai so.

Baebele 2:3

esingaiti so; bokabulɛ boheleja bu bonɛnɛ, bodi bohela na ye? Kumu yo mɛnɛ abanga botɔndɔ mojɔ moboheleja bomina, na baya bamoka banga-meja mojɔ momina ai so.

Baebele 12:25

Nganjamani, osaka lonani boka yona obalaka. Mojɔ bo, isa bato baihela baya balona boka yona obaleha ya nase, esingaiti so, boka-sɛtoja yona obalaka oho Diko; iso bohela na ye?

Yoane 1:12

Ibaya ko bamosɔ, oko baya bamojimeaka, yo abapa kpaci bo badae bana baNjambe.

Yoane 3:16

Mojɔ bo Njambe apalaka ngondo na ngɛnjɔ yeye; apa Mwana’nde obotama omɔci pɛ, bo moto na moto yona omojimeaka asɛ bomɔ bua bodi na bosusu.

Baebele 3:19

Oko boa bocineaka bo baibɔngɔ bo bakwee a mojɔ mokitɛ.

1 Yoane 3:23

Mobeko monde modi oko bo bojimee kombe eMwana’nde Yesu Masiya, na bo bopalaneni o apa yo so mobeko.