Yoane 3:15 - Nouveau Testament en Ngombe 1961

¹⁵ bo moto na moto yona omojimeaka asɛ bomɔ bua bodi na bosusu.

Yoane 3:15 Referans Kwoze

Yoane 3:16

Mojɔ bo Njambe apalaka ngondo na ngɛnjɔ yeye; apa Mwana’nde obotama omɔci pɛ, bo moto na moto yona omojimeaka asɛ bomɔ bua bodi na bosusu.

Yoane 6:40

Bolulea boSangwa’mbi bodi oko bo moto na moto yona onɛkɛ Mwana na omojimeaka, adae na bomɔ bua bodi na bosusu; na mbi namongɔjɔbí a busa bosuka.

Yoane 3:36

Iyona ojimeaka Mwana adi na bomɔ na bosusu. Iyona ko olonaka bojimea Mwana atanɛ nongo bomɔ, na kɛnjɔ eNjambe edi oko ai yo.

Yoane 20:31

Ibi ko bisɔnɔmi bo ojimeni bo Yesu adi Masiya, Mwana oNjambe, na bo odaeni na bomɔ a kombe ende, oko a mojɔ moejimeli.

1 Yoane 5:1

Moto na moto yona ojimaka bo Yesu adi Masiya abotama na Njambe. Na moto na moto yona odi na ngɛnjɔ ai moboti, adi koko na ngɛnjɔ ai mwana’nde.

Baebele 7:25

A mojɔ momina, yo abwani boheleja na bosusu mɛnɛ, baya badoaka al Njambe na njea ende, mojɔ bo yo adi mɔ oko na bosusu bo adae mosili a mojɔ mosu.

1 Yoane 5:20

Bojebaka bo Mwana ’Njambe adoi, na abopi boemgea a bojeba yona oSoti. Na bodi a tei ende yona odi Soti, oko a tei eMwana’nde Yesu Masiya. Iyo adi Njambe oSoti, na bomɔ bua bodi na bosusu.

Yoane 6:47

Mbi natɔndɔkɔ no na soti bo yona ojimaka adi na bomɔ bua bodi na bosusu.

Yoane 1:12

Ibaya ko bamosɔ, oko baya bamojimeaka, yo abapa kpaci bo badae bana baNjambe.

Yoane 5:24

Mbi natɔndɔkɔ no na soti bo, Yona ohokeaka ebaeli embi, na ojimaka yona olomani, adi na bomɔ bua bodi na bosusu. Iyo atada nongo na esambi, mojɔ bo aheli a hogwa, na akwei a bomɔ.

Luka 19:10

Mojɔ bo Mwana ’Moto adoi a boduka na boheleja yona odaka mobungake.

Bagalata 2:16

bojebaka bo moto adi bolonga oko a mojɔ moejimeli ai Yesu Masiya pɛ, te nongo a mojɔ mobilomu biMibeko; mojɔ bo so bɛnɛ bojimea Masiya Yesu bo bolonge a mojɔ moejimeli ai Masiya, te nongo a bilomu biMibeko; cina bo pɛpɛ nongo moto odi bolonga a mojɔ mobilomu biMibeko.

1 Yoane 2:25

Na sako ekinea yo so edi oko bomɔ bua bodi na bosusu.

Baebele 10:39

Iso ko boditi bato baya basɔmbɔkɔ mandulendule bo bobunge, oko bato baya badi na ejimeli a boheleja miembo Mibu.

Bikɔmɛli 8:36

Akɛkɛ bo a njea emina, bamea a ekina ediba. Mosuku omina abala bo, Anja madiba! Mbi nabwaniti bobatisama?

Malako 16:16

Yona ôjima na ôbatisama a kombe embi âhela. Yona odi pɛ bojima ko âdumbama.

Bagalata 2:20

Mbi nagwa na Masiya a mole-mo-bokea; endele ko nadi mɔ, te mbi mɛnɛ ko, oko Masiya yona odi mɔ a tei embi. Bomɔ bua bodi na mbi a mokuku e dɛye bodi bomɔ boejimeli, ejimeli ai Mwana oNjambe yona opala mbi na osapa a mojɔ mombi.

2 Bakolinto 4:3

Isa Mwako Mopele mosu modi mobombamake, mobombami oko ai bato baya bagwaka.

1 Bakolinto 1:18

Mojɔ bo mwako momole-mobokea modi oko ebalabala ai bato baya badi a njea ebogwa; modi ngulu eNjambe ko ai so baya bahelaka.

Baloma 5:21

A mojɔ momina, o adaka bobe na bokumu bobogwa, monganji moNjambe modi boda na bokumu bobomɔ oko na bosusu, a mojɔ moYesu Masiya Kumu osu.

Bikɔmɛli 13:41

Ikani, no bato babosɛtɔ; kamoani na dimoani; Mojɔ bo mbi nadi bokɔ mokina mojɔ a masu manu; Moto akajebeja no mojɔ momina, otajimani.

Matayo 18:10

Nganjamani bo otasɛtojani okina obana ba bakɛkɛlɛkɛ. Mbi natɔndɔkɔ no bo babwɛnji babu oho Diko banjaka boso boSangwa’mbi yona odi oho Diko.

Yoane 16:33

Mbi nabali na nu ngando ji, bo odaeni na bowi a tei embi. Odani na monɔngɔ a ngondo; pɛ mojɔ; dani oko na sepi, mojɔ bo mbi nagbokejai ngondo.

Matayo 25:46

Bato bamina badi bokɛ oko a bodingoa bua bopeliti nongo suka. Bato balilonga ko badi bokɛ oko a bomɔ, oko na bosusu.

Yoane 6:27

T’okɔeni oko elomu a mojɔ modia dia dibehaka; kɔni ko a mojɔ modia dia diyeyoaka oko a bomɔ bua bodi na bosusu. Mwana ’Moto âpa no dia dimina, mojɔ bo Sango abakea embete ende ai yo.