Yoane 19:4 - Nouveau Testament en Ngombe 1961

⁴ Pilato amana koko na abala na bu bo, Anjani; mbi namomejaka a boso bonu, a bojebeja no bo mbi nabolojaiti nongo mojɔ mobe na nde.

Yoane 19:4 Referans Kwoze

Yoane 19:6

Basuku banganga na bapolisi babu, yana anɛ bo Yesu, babekoa bo, A mole-mobokea! A mole-mobokea! Pilato abala na bu bo, Moto-mbani no bɛnɛ na mobakeani a mole-mobokea, mojɔ bo mbi nabolojaiti nongo mojɔ mobe na nde.

Yoane 18:38

Pilato abala na nde bo, Soti, iye nde? Yana abala yo ekenge emina, amana sokolu ai BaYuda. Abala na bu bo, Mbi nabolojaiti nongo mojɔ na nde.

Luka 23:4

Pilato abala na basuku banganga, na bato balikita bo, Mbi mtanɛkɛ nongo mojɔ na moto omina.

Luka 23:47

Yana anɛ kapitɛni obasoda mojɔ momina, asakaoa Njambe, na abala bo, Iyo adaki moto mopele soti.

1 Yoane 3:5

Ojebakani bo yo adoa a bodongeja jibe. Bobe boditi nongo a tei ende.

1 Pɛtɛlo 3:18

Mojɔ bo Masiya yo mɛnɛ agwa ehole emɔci a mojɔ mojibe, yona obodongo a mojɔ mobato babe, bo abatee so na Njambe. Agwa a mokuku, ahela ko a mwembo.

1 Pɛtɛlo 2:22

Iyo aikɔ nongo bobe. Bokosea boiboloa nongo a monɔkɔ monde.

1 Pɛtɛlo 1:19

osikoamani oko na makia mayumu maMasiya, o makia mamwana-bata yona opeliti nongo litɔnɔ, pɛpɛ nongo ehuli.

2 Bakolinto 5:21

Masiya aijeba nongo bobe; Njambe ko amokɔ bo adae bobe a mojɔ mosu, bo so bodae bodongo boNjambe a tei ende.

Luka 23:41

Iso bobwani na mokindo momina; bosɔkɔ oko ndese ejibe jisu; yo ko akɔiti nongo mojɔ mobe.

Matayo 27:54

Kapitɛni obasoda, na baya badaka na nde a bokɛngɛlɛ Yesu, yana anɛ bo bojonga bongondo, na mijɔ mia mitongo, bangbɛngbɛmɛ na bɔ. Babala bo, Moto yoyo adaki Mwana oNjambe soti!

Matayo 27:24

Pilato anɛ bo mojɔ mobeha, na bo wokowoko ekɛke oko bohɛ. Oko boa yo atomba madiba, asosa mɔmɔ mande a boso bolikita, na abala bo, Lindo jimakia mamoto yo obodongo jiditi nongo ai mbi. Edi oko mojɔ monu.

Matayo 27:19

Yana adaka Pilato a mongbɛlɛngɔ moesambi, mwali onde amolomea monɔkɔ bo, Pɛ bokɔ nongo mojɔ ai moto yona obodongo; mojɔ bo mbi nati njɔti a mojɔ monde, na nadi na monɔngɔ monenɛ a mojɔ momina busa bu.

Matayo 27:4

Abala na bu bo, Mbi nakɔi mojɔ mobe. Nakabi mopindea. Bamosɔmbeja bo, Mojɔ mowɛ mɛnɛ, te mosu!

Baebele 7:26

Nganga monɛnɛ yona odi boa abwana na su soti, mosɛnɔke, pɛpɛ nongo lindo, pɛpɛ nongo litɔnɔ, mobɔtɔnɔke na babe, yona ongɔjɔmɔ a Diko yena enɔi.

Yoane 18:33

Pilato akwea koko a ndako tei. Abea Yesu na abala na nde bo, Wɛ odi Kumu oBaYuda?