Yoane 17:11 - Nouveau Testament en Ngombe 1961

¹¹ Mbi te nayake da a ngondo. Ibo ko badi a ngondo, na mbi nadoaka ai wɛ. Sesa mosɛnɔke, banea bato bapani wɛ, a kombe ewɛ mɛnɛ, bo badae omɔci o adi so omɔci.

Yoane 17:11 Referans Kwoze

Matayo 6:9

Obwanini bonga Njambe na ekɔmɛli ye; Sangwa’su yona odi a Diko; Yɛ kombe ewɛ esumame;

Baebele 9:24

Mojɔ bo Masiya aikwea a Esika-eBosɛnɔ yena eyoama na mɔmɔ, yena edi oko embete pɛ eEsika-eBosɛnɔ esoti; akwea a Diko mɛnɛ bo amae a boso boNjambe e dɛye a mojɔ mosu.

Baɛpɛsɔ 4:4

Mokuku modi momɔci pɛ, na Mwembo modi momɔci pɛ, mojɔ bo obeamani a njingo emɔci yana abeama no.

Bafilipoi 2:9

A mojɔ momina, Njambe amokumeja bou mɛnɛ, na amopa ekina kombe yena enɔi kombe jisusu boya,

Yoane 17:25

Sesa, Yona obodongo, ngondo etajebaka wɛ. Mbi ko najebaka wɛ; ibaba pongono bajebaka bo wɛ oloma mbi.

Yoane 13:1

Yana adaka Kola-eBonɔ pɛ bopeta mea, Yesu ajeba bo ehole ende emea, ehole ebodonga a ngondo ye, a bokɛ ai Sango. Amaka yo da na ngɛnjɔ ai bande mɛnɛ baya badaka a ngondo, ami baneja oko ngɛnjɔ pɛ njɛngi.

Baebele 1:3

Iyo adi bolailai boekumu eNjambe; adi elimo esoti eNjambe, na abeaka ngondo jisusu na ebaeli engulu ende. Ama yo pa lisiko a mojɔ mojibe, ami ko da oko a dɔngɔ diebɔ ebami eKumu oDiko.

Yoane 16:33

Mbi nabali na nu ngando ji, bo odaeni na bowi a tei embi. Odani na monɔngɔ a ngondo; pɛ mojɔ; dani oko na sepi, mojɔ bo mbi nagbokejai ngondo.

Yoane 14:20

Odini bojeba a busa bomina bo mbi nadi a tei eSango, ino a tei embi, na mbi a tei enu.

Yuda 1:1

Mbi Yuda, mobuli oYesu Masiya, na mwanange ’Yakobo, ai baya babeama, baya basɔ ngɛnjɔ eNjambe na baya babaneamaka a mojɔ moYesu Masiya.

1 Yoane 5:19

Iso bojebaka bo bodi bana baNjambe, na bo ngondo esusu edi a mɔmɔ mayona Mobe.

Yakobo 4:4

Ino Bali bandukeli! Otajebakani bo limbaci lingondo lidi lisoki ai Njambe? Oko boa, moto yona opalaka bo apande limbaci na ngondo adi na Njambe oko soki.

Bikɔmɛli 3:21

Iyo ko adi boyeyoa oho Diko oko a ehole ebohɔngeja ngando jisusu. Njambe atɔndɔ mojɔ momina ehele mɛnɛ na minɔkɔ mibatɔndɔi bande basɛnɔke.

Yoane 13:3

Yesu ajeba bo Sango ama kina ngando jisusu a mɔmɔ mande. Ajeba koko bo ama donga ai Njambe, na bo adi bosɔmbɔ ai Njambe.

Boboloja 4:8

Bato babomɔ banɛi badaka na mapapulapu masamano-masamano. Badaka na miso botɔ, a sokolu na a tei. Te bakwake bo’mba yembo na bulu na moi bo, Mosɛnɔke! Mosɛnɔke! Mosɛnɔke! Kumu Njambe yona onɔi na ngulu; Yona odaka, yona odi, na yona odabí na bosusu.

1 Pɛtɛlo 1:5

Njambe abaneaka no na ngulu ende cina eejimeli, a mojɔ momohelo mosɛlingoa yo, mua modi boboloa a bohu a ehole esuka.

Bagalata 3:28

A tei ende, moto aditi MoYuda isa MoEla, isa mobuli isa sɔmi, isa momi isa mwali, mojɔ bo odini no basusu moto omɔci a tei eMasiya Yesu.

1 Bakolinto 1:10

Baninga, mbi nangɔɔnɔkɔ no basusu a kombe eKumu osu Yesu Masiya bo odaeni na monɔkɔ momɔci. T’odaeni oko na miano a tei enu. Katanani ko na molema momɔci na mokano momɔci.

Baloma 12:5

Iso bodi koko boa. Nongo adi so banɛnɛ, bodi mokuku momɔci a tei eMasiya, na bokatani so basusu, moto na moto.

Baloma 9:17

Ekenge yena ebalama na Palo esɔnɔmɔ bo, Mbi nangɔjɔi wɛ bo nanejae ndangasa embi oko na wɛ, bo gala ekombe embi etunde a ngondo esusu.

Yoane 16:28

Mbi nadonga ai Sango, na nadoa a ngondo. Edɛye ko nadongaka a ngondo, na nakɛkɛ ai Sango.

Yoane 7:33

Yesu abala bo, Mbi nadi boyeyoa na nu mweka, na ngɔngɔ nadi boyana ai yona olomani.

Matayo 10:16

Hokeani; mbi nalomaka no o bata baya bahikami na swa. A mojɔ momina, toma dani na bopasa bonjɔ na bowi bosungu.

Matayo 5:48

Ino ko, toma dani babɔngɔke mɛnɛ, mojɔ bo Sangwa’nu yona odi a Diko adi kanga mobɔngɔke mɛnɛ.

Boboloja 19:12

Miso mande madaka o mosa mɛnɛ. Adaka na makongo manɛnɛ mabokumu a molo monde. Adaka na kombe yena esɔnɔmɔ; pɛpɛ nongo moto ko ojebaka kombe emina, oko yo mɛnɛ pɛ.

Boboloja 15:4

Ee Kumu; odi pɛ bosuma, pɛ bokumeja kombe ewɛ nda? Mojɔ bo, odi mosɛnɔke oko wɛ pɛ. Makota masusu madi bodoa a bosakoa wɛ, Mojɔ bo masambeja mawɛ maboloi a bohu.

Yuda 1:24

Iyo adi na ngulu a bobanea no bo otakwani, na a bomeja no, pɛpɛ nongo litɔnɔ, a boso boekumu ende na sepi;

1 Yoane 3:12

Bobwaniti boda na ekɔmɛli eKaina, yona odaka moto oSatana na awa mwangwa’nde. Na awa mwangwa’nde mojɔ moye? Mojɔ ke bo bikɔmɛli binde mɛnɛ bidaka bibe, na bia bimwangwa’nde bidaka bipele.

Yoane 17:6

Mbi najebejai kombe ewɛ ai bato bapani wɛ a ngondo. Badaka oko bato bawɛ; wɛ obapani, na basumaka ebaeli ewɛ.

Yoane 17:23

—mbi a tei ebu, na wɛ a tei embi,—oko boa bokatana bobu bodi bobɔngɔ, na ngondo êjeba bo wɛ oloma mbi, na bo obapalaka o apalaka wɛ mbi.