Yoane 17:10 - Nouveau Testament en Ngombe 1961

¹⁰ Ngando jimbi jisusu jidi ai wɛ, na ngando jiwɛ jisusu jidi ai mbi.

Yoane 17:10 Referans Kwoze

Yoane 10:30

Iso na Sangwa’mbi bodi oko omɔci.

1 Pɛtɛlo 2:9

Ino ko odini mbota ehɔmɔke, nganga babokumu, likota lihɛngɛmɛke, bato baNjambe, bo onejaeni bilomu bipele binde yona obea no bo omaneni a modidi, a boda a bohu bonde bua bodi mojɔ mobokamoa.

2 Batɛsalɔnike 1:10

yana âdoa yo, bo basɛnɔke bande bamokumejae, na bato basusu baya bajimaka bakamoe a busa bomina (cina bo ojimani tati esu a tei enu).

Bakɔlɔsai 2:9

Mojɔ bo bonjambe bosusu mɛnɛ bodi a tei eMasiya o mokuku,

2 Batɛsalɔnike 1:12

bo kombe eKumu osu Yesu Masiya edae na ekumu a tei enu, na bo odaeni na ekumu a tei ende, cina emonganji moNjambe osu naKumu Yesu Masiya.

Bafilipoi 1:20

Posa embi enɛnɛ na njingo embi jidi bo nitasamboa nongo; bou oko bo nakumejae Masiya na eci enɛnɛ a mokuku mombi, isa na mohelo mombi, isa na bogwa bombi.

Bikɔmɛli 19:17

BaYuda basusu, na BaEla basusu, baya badaka a Ɛpɛsɔ baka mojɔ momina, na badaka na bɔ. Na gala ekombe eYesu ehɛ oko bohɛ.

Yoane 11:4

Aka Yesu mwako momina, abala bo, Yogo ye editi ebogwa. Edi oko a mojɔ mobokumeja Njambe, na bo Mwana ’Njambe asɛ ekumu a mojɔ momina.

Yoane 5:23

bo bato basusu badae na lisuma ai Mwana, o asumaka bo Sango. Yona odi pɛ bosuma Mwana, aditi na lisuma ai Sango yona omoloma.

Bagalata 1:24

Na basakoa Njambe a mojɔ mombi.

Yoane 12:23

Yesu abasɔmbeja bo, Ehole emei bo Mwana ’Moto akume.