Yoane 15:5 - Nouveau Testament en Ngombe 1961

⁵ Mbi nadi bomwe, ino odini bitape. Yona oyeyoaka a tei embi, na mbi a tei ende, abotaka mbuma jinɛnɛ. Mojɔ bo okabɔtɔnɔni na mbi, otahɔnɔkɔni bokɔ nongo eka.

Yoane 15:5 Referans Kwoze

Bafilipoi 4:13

Nahɔnɔkɔ ngando jisusu a tei ende yona opaka mbi ngulu.

Bakɔlɔsai 1:10

bo odaeni na mida mia midi bokumeja kombe eKumu, mia midi bomosepeja na soti, na bo oboteni mbuma a tei ebilomu bisusu bipele, na bo ohɛeni na ejebeli eNjambe.

Yoane 15:16

Ino oihɔni mbi. Mbi ko nahɔ no, na nahɛngɛ no bo okɛeni a bobota mbuma, mbuma jiboyeyoa, bo oka’ngani Sango eka a kombe embi, yo apɛ no.

Bagalata 5:22

Mbuma jiMwembo ko jidi oko jiji,—ngɛnjɔ, sepi, bowi, lingbangba, monganji, bodongo, likabo, bosangbindea.

2 Bakolinto 13:8

Mojɔ bo bobwaniti boda na Soti soki; bodi oko a dɔngɔ diSoti.

Yoane 5:19

Yesu abasɔmbeja bo, Mbi natɔndɔkɔ no na soti bo, Mwana t’ahɔnɔke bokɔ mokina mojɔ yo mɛnɛ; akɔkɔ oko mua monɛkɛ yo bo Sango akɔkɔ. Ngando jisusu jikɔkɔ Sango,—Mwana akɔkɔ boa pongono.

Yakobo 1:17

Bipeeli bisusu bipele, na toma jisusu jibɔngɔke, jihulaka oho diko ai Sango obohu bosusu. Iyo adi na bosusu oko tungu emɔci; esie ebohekoa bonde editi.

Mokanda Momibae Mosɔnɔ Pɛtɛlo - 2PE 3:18

Hɛni oko na monganji na ejebeli eKumu na Moheleja osu Yesu Masiya. Ekumu ai yo e dɛye oko a ehole yena epeliti suka. Amen.

Yoane 12:24

Soti mɛnɛ, mbi nabalaka na nu bo, Ngua endongo emiti kwa a tei ekpɔtɔ bo egwɛ, edi bodika oko ngasa. Ekagwa ko, edi bobota libota linɛnɛ.

Baloma 7:4

Baninga, mojɔ monu modi koko boa; Mibeko miditi na kpaci ai no, mojɔ bo ogwani na mokuku moMasiya, bo okataneni na okina otongo, oko na yona ongɔjɔmɔ a bogwa, bo so bobote mbuma a mojɔ moNjambe.

Bafilipoi 1:11

Yɛ lituna linu lidae lituna limbuma jipele jibodongo jia jidi a tei eYesu Masiya, a bokumeja na bosepeja Njambe.

Yoane 9:33

Isa moto yo ahuliti ai Njambe, ka abwaniti bokɔ mokina mojɔ boa.

Bafilipoi 4:17

Yena edukaka mbi ko editi epeeli mɛnɛ; nadukaka oko bo odaeni na mbuma jinɛnɛ a mojɔ moesako enu.

Baloma 6:22

Edɛye ko osikoamini a bobe, na odini babuli baNjambe. Mbuma jibotaka no jidi oko bosɛnɔ, na suka emina edi oko bomɔ bua bodi na bosusu.

Bikɔmɛli 4:12

Pɛpɛ nongo okina otongo odi boheleja; mojɔ bo botahela nongo na ekina kombe etongo a tei ebato ya nase, oko kombe emina pɛ.

1 Bakolinto 12:12

Mokuku modi eka emɔci, binama ko bidi binɛnɛ. Na binama bisusu, nongo bikada binɛnɛ, bikɔkɔ oko mokuku momɔci. Modi oko boa na Masiya.

1 Pɛtɛlo 2:4

Doani ai yo, oko a Litai lia lidi mɔ; bato balilona; Njambe ko alihɔ, na lidi na yumu a miso mande.

1 Bakolinto 12:27

Ino odini mokuku moMasiya, odini binama binde, moto na moto oko enama.

Baɛpɛsɔ 5:9

Mojɔ bo bohu bobotaka oko ngando jisusu jipele, jibɔngɔke na jisoti.

2 Bakolinto 9:10

Iyo, yona opaka moswa ’gbie ngua a bona, na molɛmbɛ a boyaka, adi bopa no ngua na likabo linɛnɛ mɛnɛ; na adi bohɛjɛ mbuma jinu jibodongo.

Bakɔlɔsai 1:6

Mwako momina momea ai no, mojɔ bo monanganaka a ngondo esusu. Mobotaka mbuma na mokɛkɛ bohɛ; modi oko boa a tei enu pongono, banga na busa boka no, na bojeba no, cina emonganji moNjambe na soti.

Baloma 12:5

Iso bodi koko boa. Nongo adi so banɛnɛ, bodi mokuku momɔci a tei eMasiya, na bokatani so basusu, moto na moto.

1 Bakolinto 10:16

Kɔpɔ ejongoaka so, te bokatana bosu na makia maMasiya? Molɛmbɛ mobukaka so, te bokatana bosu na mokuku moMasiya?

Matayo 13:21

Iyo ko apeliti njeli a tei ende, na t’ayeyoake nongo ekoka. Mokina monɔngɔ mokadoa, isa jɔɔlɔ, a mojɔ moEbaeli, adi bongwa oko bongwa.