Yoane 14:6 - Nouveau Testament en Ngombe 1961

⁶ Yesu abala na nde bo, Mbi nadi Njea, na Soti, na Bomɔ. Pɛpɛ nongo moto odi bodoa ai Sango; adi bodoa ai Sango oko na mbi.

Yoane 14:6 Referans Kwoze

Bikɔmɛli 4:12

Pɛpɛ nongo okina otongo odi boheleja; mojɔ bo botahela nongo na ekina kombe etongo a tei ebato ya nase, oko kombe emina pɛ.

Yoane 10:9

Mhi nadi modipe. Moto akakwea na mbi âbela. Adi bokwea, na bomana, na bonɛ leka loboyaka.

Baɛpɛsɔ 2:18

Mojɔ bo so basusu babae bodi na njea ebokwea ai Sango na mwembo momɔci a mojɔ monde.

Yoane 1:4

Bomɔ bodaka a tei ende, na bomɔ bomina bodaka bohu bobato.

1 Yoane 5:20

Bojebaka bo Mwana ’Njambe adoi, na abopi boemgea a bojeba yona oSoti. Na bodi a tei ende yona odi Soti, oko a tei eMwana’nde Yesu Masiya. Iyo adi Njambe oSoti, na bomɔ bua bodi na bosusu.

Yoane 1:14

Ebaeli ekindoa moto, na yo ayeyoa a tei esu; aluma na monganji na Soti. Iso bonɛ ekumu ende, ekumu eMwana-sɔmi omɔci yona odonga ai Sango.

Yoane 1:17

Mibeko mibakeama oko na Mose. Yesu Masiya ko adoa na monganji na Soti.

Baebele 7:25

A mojɔ momina, yo abwani boheleja na bosusu mɛnɛ, baya badoaka al Njambe na njea ende, mojɔ bo yo adi mɔ oko na bosusu bo adae mosili a mojɔ mosu.

Yoane 8:32

Ôjebani mua mosoti, na Soti êcingoa no.

1 Pɛtɛlo 3:18

Mojɔ bo Masiya yo mɛnɛ agwa ehole emɔci a mojɔ mojibe, yona obodongo a mojɔ mobato babe, bo abatee so na Njambe. Agwa a mokuku, ahela ko a mwembo.

Yoane 5:21

Sango angɔjɔkɔ bagwake, na abapaka bomɔ. Oko boa koko, Mwana apaka bomɔ ai baya bapalaka yo.

2 Yoane 1:9

Moto yona okinaka njea, pɛ boyeyoa a bokoja boMasiya, aditi na Njambe a tei ende. Yona oyeyoaka a bokoja boMasiya, adi na Sango na Mwana pongono a tei ende.

Boboloja 20:15

Isa kombe emoto eiboloa, pɛ bosɔnɔmɔ a mokanda mobomɔ, moto omina adumbama a libale limosa.

Yoane 15:1

Mbi nadi bomwe bosoti, na Sangwa’mbi adi mobanei ogbie.

Matayo 11:27

Sangwa’mbi apani kpaci a ngando jisusu. Pɛpe nongo moto ojebaka Mwana. Edi oko Sango pɛ yona omojebaka. Pɛpɛ nongo moto ojebaka Sango. Edi oko Mwana pɛ yona omojebaka, Na Mwana akajima, amobolojaka ai bato bo bamojebe.

Yoane 6:51

Mbi nadi molɛmbɛ mobomɔ mua mohula oho Diko. Moto akayaka molɛmbɛ mu, âda na bomɔ oko na bosusu mɛnɛ. Na molɛmbɛ môpa mbi modi oko munu mombi; namopa a mojɔ mobomɔ bongondo.

Boboloja 22:17

Mwembo, na Mwali obolongana babalaka bo, Doa. Isa moto a’kaka, yɛ abale bo, Doa. Yona odi na ekangola, yɛ adoe; yɛ moto na moto yona opalaka, aloke madiba mabomɔ oko boloka, pɛpɛ nongo bosomba.

Yoane 8:51

Soti mɛnɛ, mbi natɔndɔkɔ no bo, moto akasuma ebaeli embi atanɛ nongo bogwa.

1 Yoane 2:23

Pɛpɛ nongo moto yona onganaka Mwana odi na Sango. Moto ko yona ojimaka Mwana adi na Sango pongono.

Yoane 10:28

Mbi nabapaka bomɔ bua bodi na bosusu. Batagwa nongo, na pɛpɛ nongo moto ôbacinoa a ebɔ embi.

Yoane 18:37

Pilato abala na nde bo, Oko boa odi Kumu? Yesu amosɔmbeja bo, Wɛ mɛnɛ obali bo nadi Kumu. Cina ebobotama bombi, cina ebodoa bombi a ngondo edi oko bo natate tati a mojɔ moSoti. Moto na moto yona odi moto oSoti akaka monɔkɔ mombi.

Yoane 6:33

Mojɔ bo, molɛmbɛ moNjambe modi Oko molɛmbɛ mua modongaka oho Diko, na mopaka bomɔ a ngondo.

Yoane 14:19

Ngɔngɔ mweka, ngondo êtanɛ mbi koko. Ino ko ônɛni mbi, mojɔ bo mbi nadi mɔ, na ino odani mɔ pongono.

Yoane 6:57

Sango obomɔ aloma mbi, na bomɔ bombi bodi a tei ende. Oko boa yona oyakaka mbi âda na bomɔ oko a mojɔ mombi.

1 Pɛtɛlo 2:4

Doani ai yo, oko a Litai lia lidi mɔ; bato balilona; Njambe ko alihɔ, na lidi na yumu a miso mande.

Yoane 10:7

Yesu abala na bu koko bo, Mbi natɔndɔkɔ no na soti bo, Mbi nadi modipe mobata,

Baloma 5:2

Iso bodi bambilimake a monganji mu moNjambe; bonɛ njea ebokwea a monganji momina oko a mojɔ monde; na bodi na sepi a mojɔ monjingo esu ebosɔ ekumu eNjambe.

Bakɔlɔsai 3:4

Masiya adi bomɔ bosu; iyo akamana a bohu ino ômanani na nde Pongono a ekumu.

1 Bakolinto 15:45

A mojɔ momina, mosɔnɔmɔ bo, Adama, moto oboso, adaka moto obomɔ. Adama osuka adi mwembo mua mopaka bomɔ.

1 Yoane 1:8

Boka-bala bo boditi na bobe, bosakoseaka So bɛnɛ, na Soti editi a tei esu.

Yoane 6:68

Simona Pɛtɛlo amosɔmbeja bo, Kumu, iso bodi bokɛ ai nda? Odi na bikenge bibomɔ oko wɛ.

Baloma 5:21

A mojɔ momina, o adaka bobe na bokumu bobogwa, monganji moNjambe modi boda na bokumu bobomɔ oko na bosusu, a mojɔ moYesu Masiya Kumu osu.

Boboloja 1:5

na Yesu Masiya, Motati oejimeli, Mwana-sɔmi a tei ebagwake, Mosuku obakumu bangondo. Iyo apalaka so, na asikoa so a jibe jisu, na makia mande,

1 Pɛtɛlo 1:21

Ejimeli enu ai Njambe edi a njea ende. Na Njambe amongɔjɔ a bogwa, na amokumeja, bo ejimeli enu, na njingo enu, jidae oko ai yo.

Boboloja 19:11

Nanɛ bo Diko didi bwase, na nanɛ punda mopu. Okina adaka abaki a punda yona odi na kombe ji, Yona oejimeli, Yona osoti. Iyo asambejaka, na anaka bila oko na bodongo.

Bakɔlɔsai 2:9

Mojɔ bo bonjambe bosusu mɛnɛ bodi a tei eMasiya o mokuku,

1 Yoane 5:6

Edi oko yo, Yesu Masiya, yona odoa na madiba na makia; te na madiba pɛ, oko na madiba na makia pongono.

Boboloja 3:14

Sɔnea obwɛnji oDenga diLaodikia bo, Iyona odi Amen, yona odi motati osoti na oejimeli, yona odi litandei lielomu eNjambe eboyoa, yo abalaka mijɔ mimi.

Bakɔlɔsai 2:17

Ngando ji jisusu jidi oko esie pɛ engando jia jidi boda ngɔngɔ; mokuku mɛnɛ modi oko Masiya.

Boboloja 3:7

Sɔnea obwɛnji oDenga diPiladelupia bo, Iyona mosɛnɔke, yona osoti, yona odi na sabe eDawidi, yona odipoaka na pɛpɛ nongo moto odi bodipa, yona odipaka na pɛpɛ nongo moto odi bodipoa, yo abalaka mijɔ mimi.

Bikɔmɛli 3:15

Owani Kumu oBomɔ; Njambe ko amongɔjɔ a bogwa, na so bodi banjɛnɛki bamojɔ momina.

Boboloja 22:1

Anejani koko dua emadiba mabomɔ ekamane a ngɛndɛ eNjambe na eMwana-Bata; madaka na bosangesange bota-latala, na makɛlɛkɛ a ndanda elicilinga lingando.

Baebele 9:8

Mwembo Mosɛnɔke monejaka na mojɔ momina bo njea ebokwea a tei eEsika-enɔi-Bosɛnɔ eipaka boloa a ehole edaka Etondo eboso.

Baloma 15:16

bo nadae mokɔmɛli oMasiya Yesu a tei ebapakano, a elomu eMwako Mopele moNjambe. Oko boa bapakano bâda epeeli ebwanake, epeeli esɛnɔke, a mojɔ moMwembo Mosɛnɔke.

Bikɔmɛli 9:2

na amonga mikanda a mojɔ mosinagoge jiDamaseke, bo akaboloja bato baNjea emina oho, adi bohula na bu a mbɔci a Yelusalema, isa bami isa bali.