Yoane 14:16 - Nouveau Testament en Ngombe 1961

¹⁶ Mbi nadi bonga Sango, na yo âpa no Mokɔmeja otongo, oko Mwembo moSoti, bo ayeyoe na nu oko na bosusu.

Yoane 14:16 Referans Kwoze

Yoane 14:26

Sango ko âloma Mokɔmeja a kombe embi oko Mwembo Mosɛnɔke. Iyo âkoja no ngando jisusu, na âlɛjɛ no ngando jisusu jibala mbi na nu.

Yoane 15:26

Mbi ko nâ lomea no Mokɔmeja, oko Mwembo mosoti mua momanaka ai Sango. Mokɔmeja omina adonga ai Sango, na akadoa, yo ada motati ombi.

Baloma 15:13

Yɛ Njambe onjingo alumejae no na sepi na bowi a ejimeli enu, bo njingo enu enɛnge a mojɔ mongulu eMwembo Mosɛnɔke.

Bagalata 5:22

Mbuma jiMwembo ko jidi oko jiji,—ngɛnjɔ, sepi, bowi, lingbangba, monganji, bodongo, likabo, bosangbindea.

Baloma 14:17

Mojɔ bo, Bokumu BoNjambe bocingiti na boyaka na bomwaka; bodi mojɔ mobodongo, na bowi, na sepi, a tei eMwembo Mosɛnɔke.

Bikɔmɛli 9:31

Denga didaka na bowi a ehole emina, a ngondo eYuda, na Galile, na Samalia, na limbilima. Denga didaka na lisuma ai Kumu, na dinɛngɛ a mojɔ mongulu eMwembo Mosɛnɔke.

1 Yoane 2:1

Bana bambi bakɛkɛ, mbi nasɔneaka no ngando jiji bo otakɔni nongo bobe. Moto ko akakɔ bobe, bodi na mosili a esika eSango, oko Yesu Masiya, yona obodongo.

Yoane 4:14

Moto ko akamwaka madiba mamopaka mbi, ata’ka koko ekangola na ikina; cina bo madiba mâmopa mbi mada molo momadiba mabomɔ a tei ende, maya makɛlɛkɛ na bosusu.

Matayo 28:20

Bakojani bo bakɔe ngando jisusu iikoja mbi no, na mbi nâda na nu oko na bosusu.

Bafilipoi 2:1

Isa bogɔmbeja bodi a tei eMasiya, na peye eepaeli, na bokatana boMwembo, na wa, na monganji

Baloma 5:5

Njingo etakputoa nongo, mojɔ bo ngɛnjɔ eNjambe esopei a tei emilema misu, oko na Mwembo Mosɛnɔke mosɔ so.

Bikɔmɛli 13:52

Na bacingami baluma na sepi na Mwembo Mosɛnɔke.

Yoane 17:15

Mbi nita’ngaka wɛ bo obadongejae a ngondo. Nangaka oko bo obakakele ai yona Mobe.

Yoane 14:18

Mbi nitakina no malike. Nâdoa ai no.

Baebele 7:25

A mojɔ momina, yo abwani boheleja na bosusu mɛnɛ, baya badoaka al Njambe na njea ende, mojɔ bo yo adi mɔ oko na bosusu bo adae mosili a mojɔ mosu.

Baloma 8:34

Odi bodumba nda? Oko Masiya yona ogwa, yona ongɔ a bogwa, na adi edɛye a ebɔ ebami eNjambe, na angɔɔnɔkɔ amojɔ mosu.

Yoane 14:14

Oka’ngani mokina mojɔ a kombe embi, nâkɔ mojɔ momina.

Yoane 17:20

Mbi mta’ngaka a mojɔ mobu pɛ. Nangaka a mojɔ mobato baya badi bojimea mbi a mojɔ mobokoja bobu,

Yoane 16:22

Ino odini koko na wa edɛye. Mbi ko nânɛ no koko, na milema minu mîsepa. Pɛpɛ nongo moto odi bocinoa sepi enu.

2 Batɛsalɔnike 2:16

Yɛ Kumu osu Yesu Masiya yo mɛnɛ, na Njambe Sangwa’su, yona opala so na opa so bogɔmbeja bua bodi na bosusu, na njingo epele oko na monganji monde. Yɛ agɔmbejae milema minu na ambihmejae no a bilomu bisusu bipele, na bikenge bisusu bipele.

Yoane 7:39

Iyo abala boa a mojɔ moMwembo, cina bo baya bamojimea babwana bomosɔ ngɔngɔ. Mojɔ bo, Mwembo moipaka doa a ehole emina, cina bo Yesu aipaka kumama.

Bikɔmɛli 1:4

Yana adaka yo na bu, ababekea bo batapeta donga a Yelusalema, na bo bambe njikano eSango. Abala na bu bo, Mbi mɛnɛ natɔndɔi no mojɔ momina.

1 Yoane 2:27

Bosopea ko bosɔ nb ai yo boyeyoaka na nu. Mojɔ mua motakaka na nu moditi bo okina otongo akojae no, mojɔ bo bosopea bonde bokojaka no a mojɔ mongando jisusu. Bosopea bomina bodi soti mɛnɛ, te nongo bokosea. A mojɔ momina, yeyoani a tei ende, o akoa no na bosopea bomina.

2 Yoane 1:2

cina eSoti yena edi a tei esu, na edi boda na su oko na bosusu.