Yoane 14:12 - Nouveau Testament en Ngombe 1961

¹² Mbi natɔndɔkɔ no na soti bo, yona ojimeaka mbi adi bokɔ bilomu bikɔkɔ mbi. Ee, adi bokɔ bilomu bia binɔi bilomu bi, mojɔ bo mbi nakayane ai Sango.

Yoane 14:12 Referans Kwoze

Matayo 21:21

Yesu abasɔmbeja bo, Mbi natɔndɔkɔ no na soti bo okadani na ejimeli, pɛpɛ nongo boboma kitɛ, otakɔni oko mojɔ mo’mi mbi kɔ a mole pɛ; odini bobala na mono mu bo modonge ena a bokwa a madiba-mamukwa, na modi bokɔ boa.

Malako 16:17

Baya bâjima badi bokɔ bimbete bi; lɔâmeja miembo mibe a kombe embi. Bâbala na kɔpi jitongo.

Bikɔmɛli 16:18

Iyo akɔ hoa masu manɛnɛ. Paulo apukaka a mojɔ momina, na ahekoa, ahala na mwembo bo, Mbi nabekeaka wɛ a kombe eYesu Masiya bo omane ai yo; na mwembo momana oko bomana a ehole emina.

Bikɔmɛli 9:34

Pɛtɛlo abala na nde bo, Enea; Yesu Masiya ahelejaka wɛ a yogo. Angɔ; kolea esambe ewɛ! Iyo angɔ bokpa mɛnɛ.

Bikɔmɛli 19:12

A mojɔ momina, bato babɛnjɛ mokuku monde na matambala na bisenja, na yana abakea bo leka lomina ai bato babego, bahela a bego bibu, na miembo mibe mimana ai bo pongono.

Bikɔmɛli 9:40

Pɛtɛlo ko abameja basusu sokolu. Atita na magbunda, na anga Njambe. Ahekoa a dɔngɔ dinjemba na abala bo, Tabita, angɔ! Iyo adipoa miso, na yana anɛ yo Pɛtɛlo, angɔ na ada na mobondo.

Bikɔmɛli 8:7

Mojɔ bo bato banɛnɛ bahela a miembo mibe; miembo mibe mimana na bobekoa na bogboma; bandɔke na bamitɛngu bahela koko banɛnɛ.

Bikɔmɛli 5:15

Bamejaka bato babego a macilinga, na babasambeaka a bisambe na matɔkɔ mabu, na njingo bo Pɛtɛlo akanɔ, esie ende ekunde bakina babu.

Bikɔmɛli 2:41

Oko boa baya bajima mwako monde babatisama. Busa bomina, etango ebacingami ehɛ na bato koto jisato.

Bikɔmɛli 4:4

Bato banɛnɛ ko baya baka mwako momina bajima. Etango ebami edaka isa koto jitano na dea.

Yoane 16:7

Mbi ko natɔndɔkɔ no oko ngando jisoti. Boyana bombi bodi bobɔngeja no. Mojɔ bo, mbi namiti yana, Mokɔmeja atadoa ai no. Nakayana ko, nâmoloma ai no.

Bikɔmɛli 2:33

Oko boa, adi yo na ekumu a dɔngɔ diebɔ ebami eNjambe, na asi yo Mwembo Mosɛnɔke ai Sango, o akina yo sako, amosopi ai so, o anɛkɛ no na akaka no.

Yoane 7:39

Iyo abala boa a mojɔ moMwembo, cina bo baya bamojimea babwana bomosɔ ngɔngɔ. Mojɔ bo, Mwembo moipaka doa a ehole emina, cina bo Yesu aipaka kumama.

Yoane 7:33

Yesu abala bo, Mbi nadi boyeyoa na nu mweka, na ngɔngɔ nadi boyana ai yona olomani.

Baloma 15:19

na ngulu ebimbete na mindumba, na ngulu eMwembo Mosɛnɔke. Oko boa, abanga mbi a Yelusalema, nananganejai Mwako Mopele a makota matongo, suka oko Ililiko.

Bikɔmɛli 6:7

Mwako moNjambe monangana. Etango ebacingami ehɛ bou mɛnɛ a Yelusalema, na nganga banɛnɛ bahekoa a ejimeli emina na lisuma.

Bikɔmɛli 4:16

Babala bo, Êkɔ so na bato bamina ndeni? Bato basusu baYelusalema bajebaka bo bakɔi mondumba monɛnɛ, na so bɛnɛ bobwaniti bongana mojɔ momina.

Yoane 14:28

O’kini mojɔ mobali mbi na nu, bo nadi bodonga, na nâhula koko ai no. Akɔki no pala mbi ka osepeni bo nakɛkɛ ai Sangwa’mbi, mojɔ bo Sangwa’mbi anɔi mbi.

Bikɔmɛli 10:46

Baka koko bato bamina bakabale na kɔpi jitongotongo na bakakumejae Njambe.

Bikɔmɛli 4:33

Babwɛnji batɔndɔ mwako mobongɔ boYesu a bogwa na kpaci enɛnɛ, na monganji moNjambe monɛnɛ modaka na bu.

Malako 11:13

Anɛ yo mokina mole bohali mweka mua modaka na kasa, akɛ a boduka isa modaka na mbuma. Amea yo ko a mole, atana oko kasa pɛ, mojɔ bo ehole embuma eipaka mea.

Yoane 4:37

Mondɛ modi na soti bo, Okina anaka gbie, na otongo ajuaka.

Yoane 5:20

Mojɔ bo Sango adi na Mwana ngɛnjɔ, na amonejaka ngando jisusu jikɔkɔ yo. Adi bomoneja koko ngando jitongo jia jinɔi jiji a bokamoja no.