Yoane 12:16 - Nouveau Testament en Ngombe 1961

¹⁶ Bacingami bande baicingea cina ebikenge bimina a ehole emina. Yana ko akumama yo, basalɛjɛ bo bisɔnɔmɔ a mojɔ monde, na bo bingama koko na nde.

Yoane 12:16 Referans Kwoze

Yoane 2:22

Bacingami bande balɛ ekenge emina yana angɔ yo a bogwa, na bajima mosɔnɔ momina na ekenge ema bala Yesu pongono.

Yoane 14:26

Sango ko âloma Mokɔmeja a kombe embi oko Mwembo Mosɛnɔke. Iyo âkoja no ngando jisusu, na âlɛjɛ no ngando jisusu jibala mbi na nu.

Yoane 7:39

Iyo abala boa a mojɔ moMwembo, cina bo baya bamojimea babwana bomosɔ ngɔngɔ. Mojɔ bo, Mwembo moipaka doa a ehole emina, cina bo Yesu aipaka kumama.

Bikɔmɛli 2:36

Oko boa, bato basusu badenga diYisalaele babwani bojeba bo Njambe abakea Yesu bo adae Kumu na Masiya, oko yona owa ’no a mole-mobokea.

Yoane 12:23

Yesu abasɔmbeja bo, Ehole emei bo Mwana ’Moto akume.

Baebele 12:2

Kwani miso masu madae oko ai Yesu, yona obanga na yona odi bobɔngeja ejimeli esu. Iyo ahɔnɔ mole-mobokea, na alɛ bo sɔni emina edi eka engasa, oko a mojɔ mosepi yena edaka a boso bonde, na adi a edie a ebɔ ebami emongbɛlɛngɔ moNjambe.

Baebele 8:1

Cina engando jimi so bala edi bo, Iso bodi na Nganga Monɛnɛ o boa, yona odi a ebɔ ebami emongbelɛngɔ moKumu oDiko.

Bikɔmɛli 3:13

Njambe oAbalayama na oIsaka na oYakobo, Njambe obatata basu akumejai Mwana’nde Yesu. Ino omopani a mɔmɔ maPilato, na omolonani a boso bonde, yana ajima Pilato bo amocingoe.

Bikɔmɛli 2:33

Oko boa, adi yo na ekumu a dɔngɔ diebɔ ebami eNjambe, na asi yo Mwembo Mosɛnɔke ai Sango, o akina yo sako, amosopi ai so, o anɛkɛ no na akaka no.

Yoane 16:4

Mbi natɔndɔi no ngando jimina, bo ehole emina ekamea, ôsalɛjɛni bo mbi najitɔndɔi no. Naitɔndɔ no ngando jimina a bobanga, mojɔ bo nadaka na nu mbi mɛnɛ.

Luka 24:45

A ehole emina, abapa bohu a milema mibu bo bacingee Misɔnɔ.

Luka 24:25

Yesu abala na bu bo, Ino bato balibunga! Milema minu midi na kitɛ a mojɔ mongando jisusu jibala batɔndɔi cina eye?

Luka 18:34

Ibo ko baicingea mijɔ mimina; bainɛ nongo cina eekenge emina, na baisipoa mojɔ mobala yo.

Luka 9:45

Bacingami ko baicingea ekenge emina; cina emina ebombama ai ’bo, bo batacingea; na baimohɔjɔ cina emina a mojɔ mobɔ.

Yoane 17:5

Sesa, kumeja mbi edɛye a boso bowɛ mɛnɛ, oko na ekumu yena edaka na mbi a boso bo wɛ oko ngondo epetakini yoama.

Malako 16:19

Oko boa, yana abala yo na bu, Kumu Yesu atombama oho Diko, na ada a ebɔ ebami eNjambe.

Malako 9:32

Ibo ko baicingea ekenge emina, na baimohɔjɔ a mojɔ mobɔ.