Yoane 1:41 - Nouveau Testament en Ngombe 1961

⁴¹ Iyo akɛ nduki emwangwa ’nde Simona bokpa, na abala na nde bo, Iso bobolojai Masiya (cina emina edi Klisto).

Yoane 1:41 Referans Kwoze

Yoane 4:25

Mwali abala na nde bo, Najebaka bo Masiya (yona odi na kombe Klisto) adi bodoa. Iyo akadoa, ajebeja so ngando jisusu.

Yoane 1:45

Pilipo aduka Natanaele, na abala na nde bo, Mose asɔnɔ a Mibeko, na batɔndɔi basɔnɔ pongono, a mojɔ mookina moto; iso bomobolojai, oko Yesu oNasaleta, mwana oYosepa.

Bikɔmɛli 10:38

Njambe asuoa Yesu oNasaleta Mwembo Mosɛnɔke na ngulu pongono. Na yo akɛ akadale a ngando na ngando a bokɔ bilomu bipele, na a boheleja bato basusu baya badingoaka na Satana, mojɔ bo Njambe adaka na nde.

Luka 2:38

Iyo adoa pongono a ehole emina; asakoa Njambe, na abala na bato basusu baya bambaka bosikoa bo-Yelusalema a mojɔ moYesu.

Luka 2:17

Yana amonɛ bo, batɔndɔ bwɛnji bosɔ bo a mojɔ momwana.

Bikɔmɛli 4:27

Soti mɛnɛ, batitana a ngando ye a bona na Yesu Mwana owɛ mosɛnɔke yona ohɛngɛ wɛ,—oko Elode, na Pontio Pilato, na bato bamakota matongo, na bato baYisalaele pongono.

1 Yoane 1:3

Iso botɔndɔkɔ no oko mua monɛ so, na mua moka so, bo okataneni na su; na bokatana bosu bodi na Sango, na Mwana’nde Yesu Masiya.

Matayo 1:23

Ikani; moseka yona ojebeanakini na momi âlwa demi. Âbota mwana-momi, na bâmobakea kombe Imanuele. Cina ekombe emina edi—Njambe adi na su.