Yoane 1:33 - Nouveau Testament en Ngombe 1961

³³ Mbi naimojebaka mbi mɛnɛ; yona olomani ko bo nabatise a madiba, abala na mbi bo, Okanɛ Mwembo mokatite na mokabakame ai moto, edi oko yo yona abatisaka a Mwembo Mosɛnɔke.

Yoane 1:33 Referans Kwoze

Bikɔmɛli 1:5

Mojɔ bo, Yoane abatisa a madiba; ino ko ôbatisamani a Mwembo Mosɛnɔke, oko masu manɔkini manɛnɛ.

Luka 3:16

Yoane ko abasɔmbeja, abala na bu basusu bo, Mbi nabatisaka no oko a madiba. Okina otongo ko akɛkɛ adoe yona onɔi mbi na ngulu. Mbi nitabɔngɔ bo nacingoe licinga lisapata jinde. Iyo adi bobatisa no a Mwembo Mosɛnɔke na a mosa.

Matayo 3:11

Mbi nabatisaka no a madiba cina ebohekoja bomilema; yo ko yona okɛkɛ adoe ngɔngɔ jimbi anɔi mbi na ngulu. Mbi nabɔngiti bo natombe sapata jinde. Iyo âbatisa no a Mwembo Mosɛnɔke na a mosa.

Yoane 3:34

Mojɔ bo yona olomama na Njambe abalaka oko bikenge biNjambe, cina bo yo t’angɛke mwɛngi yana apaka yo Mwembo.

1 Bakolinto 12:13

Mojɔ bo bobatisama so basusu a Mwembo momɔci bo bodae mokuku momɔci, isa BaYuda, isa BaEla, isa babuli, isa basɔmi; na bomwaka so basusu na Mwembo momɔci.

Yoane 3:5

Yesu amosɔmbeja bo, Soti mɛnɛ, mbi natɔndɔkɔ wɛ bo, Moto amiti botama na madiba na Mwembo, atakwea nongo a Bokumu boNjambe.

Bikɔmɛli 2:4

Ibo basusu baluma na Mwembo Mosɛnɔke, na babenga bobala na kɔpi jitongo mijɔ mibapa Mwembo bo babale.

Yoane 1:31

Mbi mɛnɛ naimojebaka; endele ko mbi nadoi bo namobolojae ai Yisalaele oko na batisimo a madiba.

Yoane 7:39

Iyo abala boa a mojɔ moMwembo, cina bo baya bamojimea babwana bomosɔ ngɔngɔ. Mojɔ bo, Mwembo moipaka doa a ehole emina, cina bo Yesu aipaka kumama.

Yoane 14:26

Sango ko âloma Mokɔmeja a kombe embi oko Mwembo Mosɛnɔke. Iyo âkoja no ngando jisusu, na âlɛjɛ no ngando jisusu jibala mbi na nu.