Yakobo 3:15 - Nouveau Testament en Ngombe 1961

¹⁵ Bowɛi bomina boditi bowɛi boDiko; bodi oko bowɛi bongondo ye, bowɛi bua bocingi na Posa jimokuku, na miembo Mibe.

Yakobo 3:15 Referans Kwoze

Yakobo 3:17

Bowɛi bodiko bodi boso bosɛnɔke; bodi koko na bowi na bo yɛmbu; bohokeaka mijɔ na molema bwase; bolumi na wa na mbuma jipele; boditi na minɔkɔ Inibae, isa na bokosea.

Yakobo 1:17

Bipeeli bisusu bipele, na toma jisusu jibɔngɔke, jihulaka oho diko ai Sango obohu bosusu. Iyo adi na bosusu oko tungu emɔci; esie ebohekoa bonde editi.

1 Bakolinto 3:19

Mojɔ bo bowɛi bongondo ye bodi oko yebe a miso maNjambe. Mosɔnɔmɔ bo, Iyo ataejaka bato babowɛi a poloso ebu bɛnɛ.

Bafilipoi 3:19

Suka ebato bamina edi oko bogwa. Njambe obu adi oko sɔpɔ jibu bɛnɛ, na basakumejaka na sɔni ebu. Badi na bolɛ oko a ngando jingondo ye.

1 Bakolinto 2:14

Moto ko, o abotama yo, t’asɔke ngando jiMwembo moNjambe; jidi oko yebe pɛ a miso mande. Abwaniti bojicingea, mojɔ bo adi bojicingea oko na Mwembo.

2 Bakolinto 1:12

Iso bosepaka na mojɔ mumu; molema mosu motataka bo ekɔmɛli esu a miso mabato, na a miso manu bɛnɛ, edaka na bosɛnɔ na lisuma ai Njambe; te nongo na bowɛi bongondo, oko na mo-nganji moNjambe.

Yakobo 1:5

Okina onu akataka bowɛi, yɛ ange Njambe, nongo asɛ; mojɔ bo yo adi na likabo linɛnɛ ai bato basusu, atajuma nongo mweka.

1 Timoteo 4:1

Mwembo mobalaka na bohu mɛnɛ bo bakina bato badi bolaboa a ejimeli a masu masuka. Bâhokea miembo Mibokosea, na bokoja bomiembo Mibe,

Yuda 1:19

Bato bamina bapengolaka batongo, badi bato babosambolu baya bapeliti Mwembo.

1 Bakolinto 3:3

Odini na likaka na misoo a tei enu; oko boa oditini bato bamunu? ekɔmɛli enu, te ekɔmɛli ebato bangondo?

Yoane 3:17

Mojɔ bo, Njambe ailoma Mwana’nde a ngondo a bosambeja ngondo; amoloma bo ngondo ehele na nde.

Boboloja 12:9

Dalakona monɛnɛ akwa, njɔ yona moyou yona odi na kombe Jabalo na Satana, mokosei ongondo esusu. Adumbama a ngondo, na babwɛnji bande badu-mbama na nde pongono.

Boboloja 9:11

Obwɛnji omombɔndɔ monase adi kumu obu; kombe ende a kɔpi eBaEbele edi Abadona, na edi Apolwona a kɔpi eBaEla.

Boboloja 2:24

Ino batongo ko baTwatila baya batajimaka bokoja bomina, na baya baidinda a ngando jibombamake jiSatana, (ebaeli ebu edi boa) nabalaka na nu bo nitabakea mokina muna motongo ai no.

2 Batɛsalɔnike 2:9

Yona Mobe ko akamana, âda na ngulu esusu eSatana, na âkɔ bimbete, na mindumba Mibokosea

2 Bakolinto 11:3

Njɔ ko akosea Ewa na poloso ende; na mbi nadi na mokakwano bo milema minu misaka beha boa pongono, na osaka kinani lisuma linu lisɛnɔke ai Masiya.

1 Bakolinto 1:27

Njambe ahɔkɔ bato bayebe bangondo, a bosamboja bato babowɛi. Njambe ahɔkɔ bato bayɛmbu bangondo, a bosamboja bato bapipo.

Baloma 1:22

Basakumeja na bowɛi bobu, na bakindoa oko bigegele.

Bikɔmɛli 13:10

abala na nde bo, Wɛ moto oepulu na bokosea; wɛ mwana ’Satana yona odi na mijɔ misusu mibodongo oko soki, otakina bongulumeja njea jitangboake jiKumu?

Yoane 8:44

Ino odini oko bana basangwa’nu Satana, na opalakani bokɔ ngando jipalaka sangwa’nu. Iyo adaka mowoi oko a bobanga mɛnɛ, na acingiti nongo na ngando jisoti, mojɔ bo Soti editi a tei ende. Yana abalaka yo na bokosea, abalaka oko kɔpi ende mɛnɛ, mojɔ bo adi mokosei, na sange ’bokosea.

Luka 16:8

Kumu okapita mobe amosakoa a mojɔ mobowɛi bonde. Mojɔ bo, bana bangondo ye banɔi bana babohu na bowɛi a mojɔ mongando jibu.