Yakobo 2:14 - Nouveau Testament en Ngombe 1961

¹⁴ Baninga, moto akabala bo adi na ejimeli na apeliti bikɔmɛli, adi bobɔngɔ na ye? Ejimeli emina ebwani bomoheleja?

Yakobo 2:14 Referans Kwoze

Luka 6:49

Moto ko aka’ka pɛ nongo bokɔ, yo adi o moto yona opika ndako a diko dikpɔtɔ, te nongo a diko dilitai. Mopimbola molakimea ndako emina, na ekwa bokpa mɛnɛ. Ndako emina ebeha esusu, mojɔ monɛnɛ.

Tito 1:16

Batɔndɔkɔ na monɔkɔ bo bajebaka Njambe; bamonganaka ko na bikɔmɛli bibu. Badi bato babosambolu, bato balipanga; babɔngiti nongo na ekwa ekɔmɛli epele.

Mokanda Momibae Mosɔnɔ Pɛtɛlo - 2PE 1:5

A mojɔ momina, kɔni na bingi enu esusu a bobakea ekɔmɛli esɛnɔke a ejimeli enu, ejebeli a ekɔmɛli esɛnɔke,

Yakobo 2:26

Mokuku mokada ngasa, pɛpɛ mwembo, modi oko mogwake; ejimeli edi koko boa; isa eciniti na bikɔmɛli edi eka ego.

Baebele 11:17

Abalayama, yana amekama yo, apa Isaka o lisiko cina eejimeli. Iyo, yona osɔ madikeja, ajima bo apɛ mwana’nde omɔci o lisiko.

Baebele 13:9

T’ojimeni oko bo makoja mayene matongotongo mala-bojae no. Njea esoti edi bo molema momoto mosɔkɔ ngulu oko na monganji moNjambe, te nongo na leka loboyaka. Baya bajimaka leka lomina baibɔngɔ nongo a mojɔ momina.

Bagalata 5:6

Bolena boganda, isa bodi isa boditi, boditi nongo na cina a tei eMasiya; mojɔ mosusu modi oko ejimeli yena esanejaka na epaeli.

Yakobo 2:18

Okina moto ko adi bobala bo, Wɛ odi na ejimeli; mbi nadi na bikɔmɛli. Anejani ejimeli ewɛ yena edi ngasa, pɛpɛ bikɔmɛli, na mbi nadi boneja wɛ ejimeli embi oko na bikɔmɛli bimbi.

Bikɔmɛli 8:21

Wɛ opeliti nongo libondo limojɔ mu, pɛpɛ nongo mweka; mojɔ bo molema mowɛ moditi bojo a miso maNjambe.

Matayo 5:20

Mojɔ bo, mbi natɔndɔkɔ no bo, Bodongo bonu bomiti nɔ bodongo bobasɔni na BaPalusi, otakweani nongo a Bokumu boDiko.

Tito 3:8

Ekenge emina edi soti, na mbi napalaka bo okojae ngando jimina na bingi, bo bato baya bajimaka Njambe badae na bingi a bikɔmɛli bipele. Mijɔ mi midi mipele mɛnɛ na Mibɔngejaka bato.

1 Timoteo 1:5

Cina eeleho esu edi oko epaeli yena emanaka a molema mosɛnɔke, na bolɛ bopele, na ejimeli esoti.

1 Batɛsalɔnike 1:3

Mojɔ bo bolɛkɛ elomu eejimeli enu, elomu enu eepaeli, na njingo enu yena etambɛkɛ, ai Kumu osu Yesu Masiya, a boso boNjambe Sangwa’su.

Bagalata 5:13

Baninga, obeamani bo odaeni na bosɔmi; endele ko, pɛ boji-mani bo bosɔmi bonu bopɛ no mokalo a bosuma posa jimokuku. Moto na moto adi bokɔmɛ mina’nde oko na epaeli.

1 Bakolinto 15:2

Ohelani oko na mwako momina, okamobaneani bopele—omiti kɔni boa, ejimeli enu edi eka engasa.

Bikɔmɛli 15:9

Isona bo bodi oko amɛci a boso bonde, na yo asɛnojai milema mibu a mojɔ moejimeli.

Yakobo 2:16

na okwa onu akabala na bu bo, Kɛ bopele, sahumeja na mosa, na gola na dia, pɛ ko bobapa leka a mojɔ momikuku Mibu, mojɔ momina mobɔngi?

1 Timoteo 4:8

Bopingeja bomokuku bodi mojɔ mopele mweka; ngando jiNjambe ko jibɔngejaka a njea jisusu, na jidi na sako a mojɔ momohelo mu, na mua modi ngɔngɔ.

Bikɔmɛli 8:13

Simona yo mɛnɛ ajima pongono, na abatisama. Aikina nongo Pilipo, na akamoa bou a mojɔ mobimbete na mindumba mikɔkɔ yo.

1 Bakolinto 16:22

Isa okina moto aditi na epaeli ai Kumu, yɛ alakejame. Yɛ Kumu adoe!

Baloma 2:25

Isa osumaka Mibeko, bolena boganda bodi na cina soti. Isa ko osopaka Mibeko, bolena bowɛ boganda bodi oko ngasa mɛnɛ.

Luka 3:11

Iyo abasɔmbeja bo, Isa moto adi na simisi jibae abwani bopa emɔci ai moto yona odi ngasa. Yona odi na mia abwani bokɔ koko boa.

Yakobo 1:16

Pɛ bobungani, baninga baepaeli.