Yakobo 1:27 - Nouveau Testament en Ngombe 1961

²⁷ Ejimeli esoti yena edi na bosɛnɔ a miso maNjambe Sangwa’su edi oko ye,—a bonja bana-bamalike na bali-babogwa a minɔngɔ Mibu, na a bosabanea, pɛpɛ nongo litɔnɔ lipita jingondo.

Yakobo 1:27 Referans Kwoze

Baloma 12:2

T’odaeni oko na ekɔmɛli ebato bangondo ye. Toma dani na milema miyene bo okindoeni elimo etongo; oko boa odini bojeba bolulea boNjambe na soti, bolulea bonde bopele, bobɔngɔke na bobwanake.

Yakobo 4:4

Ino Bali bandukeli! Otajebakani bo limbaci lingondo lidi lisoki ai Njambe? Oko boa, moto yona opalaka bo apande limbaci na ngondo adi na Njambe oko soki.

1 Timoteo 5:4

Isa mwali-obogwa adi na bana, isa pape, ibaba badi bopeta cingea bo babwani boda na likabo ai bato babu bɛnɛ, na monganji ai baboti babu. Njambe yo mɛnɛ ajimaka mojɔ momina.

1 Timoteo 1:5

Cina eeleho esu edi oko epaeli yena emanaka a molema mosɛnɔke, na bolɛ bopele, na ejimeli esoti.

Luka 1:6

Ibo basusu babae badaka bato babodongo a miso maNjambe. Basumaka mibeko na ngando jiNjambe jisusu na soti mɛnɛ.

Matayo 5:8

Bojongoa ai bato baya badi na milema misɛnɔke, mojɔ bo bânɛ Njambe.

1 Yoane 5:18

Bojebaka bo moto na moto yona obotama na Njambe t’akɔke bobe. Moto yona obotama na Njambe asabaneaka, na yona Mobe atabakea nongo ebɔ ai yo.

Yakobo 3:17

Bowɛi bodiko bodi boso bosɛnɔke; bodi koko na bowi na bo yɛmbu; bohokeaka mijɔ na molema bwase; bolumi na wa na mbuma jipele; boditi na minɔkɔ Inibae, isa na bokosea.

Bagalata 6:14

Mbi ko naditi nongo na ekina ekumu etongo, oko yena emole-mobokea moKumu osu Yesu Masiya, mojɔ bo ngondo ebakeama a mole-mobokea ai mbi, na mbi nabakeama a mole-mobokea a ngondo, a mojɔ monde.

Bagalata 1:4

Iyo asapa a mojɔ mojibe jisu bo asikoe so a ngondo ye ebe, o akana Njambe Sangwa’su.

Bagalata 5:6

Bolena boganda, isa bodi isa boditi, boditi nongo na cina a tei eMasiya; mojɔ mosusu modi oko ejimeli yena esanejaka na epaeli.

Matayo 12:32

Moto akadɔ Mwana ’Moto abwani bosɔ boye. Moto ko akadɔ Mwembo Mosɛnɔke, atasɔ nongo boyɛ, isa a ehole ye, isa a ehole yena ekadoe.

Baloma 2:13

Mojɔ bo balongaka a miso maNjambe, te nongo baya bakaka Mibeko, oko baya basumaka Mibeko.

Bagalata 3:11

Pɛpɛ nongo moto odi bolonga a boso boNjambe cina eMibeko; mojɔ momina modi bohu mɛnɛ. Mojɔ bo yona odi na bodongo a cina eejimeli, yo âhela.

Baɛpɛsɔ 2:2

Mida minu midaka oko moda mongondo ye, na odakani na lisuma ai kumu yona odi na bokumu bonde a pwea, oko mwembo mua modi na ngulu a tei ebana balipanga e dɛye.

Tito 2:12

Mokojaka so bo bolone ngando jisusu jia jikɛsɛni na njea eNjambe, bo bolone posa jingondo, bo bosangbindee, bo bodae na ekɔmɛli yena edi bojo, na lisuma ai Njambe a ngondo ye.

Yakobo 3:9

Bosakoaka Kumu na Sangwa’su na yemi, na bosingaka bato baya bayoama a blimo eNjambe oko na yemi.

Mokanda Momibae Mosɔnɔ Pɛtɛlo - 2PE 1:4

Api so madikeja maya manɔi na yumu na bopele a tei ende, bo oheleni a bopɔ bua bodi a ngondo, bua bocini na posa jibe, cina emadikeja mamina, na bo odaeni na elimo eNjambe a tei enu.

Mokanda Momibae Mosɔnɔ Pɛtɛlo - 2PE 2:20

Mojɔ bo, isa babɔtɔnɔ na bosɔtɔ bongondo cina eejebeli eKumu na Moheleja osu Yesu Masiya, na basɔmbi koko, na bagboki na ngando jimina, moda mobu mongɔngɔ monɔi moda mobu moboso na bobe.

Mokanda Momibae Mosɔnɔ Pɛtɛlo - 2PE 3:14

A mojɔ momina baninga, alɛndɛkɛ no ngando jimina, kɔni na bingi bo yo abolojae no, pɛpɛ nongo litɔnɔ, pɛpɛ nongo mojɔ, oko na bowi.