Yakobo 1:25 - Nouveau Testament en Ngombe 1961

²⁵ Yona ko onjaka a tei eMobeko mosoti, Mobeko mobosɔmi, na akada na lingbangba, na akakɔ oko bokɔ, te nongo moto yona o’kaka na abo-saka, moto omina adi bosɔ bojongoa na bokɔ.

Yakobo 1:25 Referans Kwoze

Luka 11:28

Yesu ko abala bo, Badi na bojongoa soti oko baya ba’kaka na basumaka Ebaeli eNjambe.

Yoane 13:17

Isa ojebakani ngando jimina, ôdani na bojongoa okajikɔ.

1 Pɛtɛlo 2:16

Odini na bosɔmi; pɛ ko bojimani bo bosɔmi bonu bodae mokalo a mojɔ mobokɔ bobe; dani o babuli baNjambe.

Yakobo 2:12

Kinani bibaeli binu na bikɔmɛli binu bibwane na bato baya badi bosamba na Mibeko Mibosɔmi.

Bagalata 5:1

Masiya asikoa so bo bodae na bosɔmi. A mojɔ momina, dani bambihmake a bosɔmi bonu; T’ojimeni oko bo opikameni koko a libuli.

1 Bakolinto 15:58

A mojɔ momina, baninga bambi baepaeli, dani bambilimake, pɛ bombɛni nongo mweka; kɔmɛni Kumu na elomu enɛnɛ masu masusu, mojɔ bo ojebakani bo elomu enu ai Kumu êtanama nongo.

1 Timoteo 4:16

Toma sɛnjɛlɛ bopele a mojɔ mowɛ mɛnɛ, na a mojɔ mobokoja bowɛ. Okakɔ boa, odi bohela wɛ mɛnɛ, na odi boheleja bato baya bakaka wɛ.

2 Bakolinto 13:5

Sakokelejani no bɛnɛ, a bojeba isa odini na ejimeli soti. Samekani no bɛnɛ. Otajebakani bo Yesu Masiya adi a tei enu? Emiti da boa, odini oko badaloi.

Baloma 11:22

Toma lɛ bo Njambe adi na monganji, na adi na bopipo pongono. Bopipo bonde bodi ai bakwake; monganji monde ko modi ai wɛ, okayeyoa a monganji monde. Omiti kɔ boa, wɛ ôtɛndɔmɔ pongono.

Baloma 8:15

Ino ositini mwembo molibuli bo osumeni a mojɔ mobɔ; osini oko mwembo molisango; na bosembaka, Aba! Sesa! oko na mwembo momina.

Bagalata 2:4

Bakina baninga babokosea ko bakwea kɛngi a tei esu na poloso, bo bakoke-lejae bosɔmi bosu bua bodi na su a tei eMasiya Yesu, a bohuleja so a libuli.

Yoane 8:36

Oko boa, Mwana akasikoa no, ôdani basɔmi na soti.

Boboloja 14:13

Naka koko kɔpi ekabale oho Diko bo, Sɔnɔ mojɔ mu; Bagwake baya bagwaka a tei eKumu badi na bojongoa, e dɛye, oko na bosusu. Mwembo mobalaka bo, Ee badi na bojongoa, bo baheme a minɔngɔ Mibu, mojɔ bo bilomu bibu bibasusaka.

1 Timoteo 2:15

Endele ko, mwali adi bohela na bohota, akayeyoa na ejimeli, na epaeli, na bosɛnɔ, na yongi.

Baloma 7:12

Oko boa Mibeko midi misɛnɔke; na eleho edi esɛnɔke na bojo na epele.

Bikɔmɛli 26:22

Njambe ko akɔmeja mbi masu masusu oko a busa bu; na nami ya a botondɔ bato bakɛkɛ na bato banɛnɛnɛ ngando jibala Mose na batɔndɔi bo jidi bokwa ngɔngɔ, pɛpɛ mojɔ motongo;

Bikɔmɛli 13:43

Na yana anangana likita, bakina BaYuda banɛnɛ, na bato banɛnɛ baya bama hekoa a ejimeli eBaYuda, bacingama na Paulo na Balanaba. Ibo babala na bu, na babaleha bo bayeyoe a monganji moNjambe.

Baebele 12:15

Nganjamani bo okina moto atakputoa bosɔ monganji moNjambe, bo mokina monginga moboyo mosaka tɔ, a bonɔngeja no, na a bobeja bato banɛnɛ.

Bikɔmɛli 2:42

Ibo badaka na bingi enɛnɛ a mojɔ mobokoja bobabwɛnji, na bakatana na molema momɔci a bobuka molɛmbɛ na a mojɔ mobo’nga.

Boboloja 22:14

Bojongoa ai bato baya basosaka bisenja bibu, bo badae na njea ebodoa a mole mobomɔ, na njea ebokwea a midipe mingando.

1 Yoane 2:24

Ino ko, kinani mojɔ modae a tei enu mua moka no a bobanga. Mojɔ moka no a bobanga mokayeyoa a tei enu, odini boyeyoa no bɛnɛ a tei eMwana na a tei eSango.

Bakɔlɔsai 1:23

okayeyoani bambilimake na ngbi a ejimeli, pɛ nongo bodonga a njingo eMwako Mopele moka no. Mwako momina motɔndɔmɔ ai bato basusu ya nase, na mbi Paulo nahɛngɛmɛ ho nadae mokɔmɛli omwako momina.

Baloma 2:13

Mojɔ bo balongaka a miso maNjambe, te nongo baya bakaka Mibeko, oko baya basumaka Mibeko.

Baloma 8:2

Mojɔ bo mobeko moMwembo mosikoa mbi a mobeko mobobe na mobogwa.

Bagalata 6:2

Kamoanani mina, moto na moto akamoe muna momina’nde; oko boa odini bosuma Mibeko miMasiya.