Yakobo 1:21 - Nouveau Testament en Ngombe 1961

²¹ Oko boa, toma dumbani bosɔtɔ bosusu, na njani jinɛnɛ jibobe. Kinani Ebaeli ekwee o ngua a tei emilema minu mi yɛmbu, Ebaeli yena ebwani boheleja miembo minu.

Yakobo 1:21 Referans Kwoze

Baɛpɛsɔ 4:22

Toma hwani moto moyou yona odaka na ekɔmɛli eyou, yona odi mopɔke mɛnɛ a mojɔ moposa jibokosea.

Baɛpɛsɔ 1:13

Ino pongono, ama no ka Ebaeli eSoti, oko Mwako Mopele moboheleja bonu, omi jimani oko yo, na o’sɔni embete eMwembo Mosɛnɔkɛ monjikano,

1 Pɛtɛlo 2:11

Baninga, mbi nangɔɔnɔkɔ no o midoa na bakɛndɛli, bo okieni posa jibe jimokuku jia jinaka bila na mwembo.

Yoane 6:63

Mwembo pɛ mopaka bomɔ; munu modi eka engasa. Bikenge bibali mbi na nu bidi mwembo, na bidi bomɔ.

1 Pɛtɛlo 2:1

Dumbani bobe bosusu, na epulu esusu, na bokosea, na likaka, na malɔngi masusu.

Baebele 12:1

Lindundu linɛnɛ libatati lihikaka so. A mojɔ momina, bopele bo bodumbe mina misusu mitombaka so, na bobe bua bobindanejaka so, bo bopote na lingbangba a njea yena edi a boso bosu.

Yakobo 4:8

Sabateani na Njambe, na yo adi bosabatea na nu. Ino bato babe, sɛnojani mɔmɔ manu. Ino bato babokosea, sɛnojani milema minu bopɛɛ.

Tito 2:11

Mojɔ bo monganji moNjambe moboloa a bohu a boheleja bato basusu.

Baloma 1:16

Mbi naditi nongo na sɔni a mojɔ moMwako Mopele, mojɔ bo modi ngulu eNjambe a boheleja moto na moto yona ojimaka, MoYuda boso, na MoEla pongono.

Baebele 4:2

Mojɔ bo iso boki koko Mwako Mopele, o ama bo ka. Bwɛnji ko boka bo bonama oko bonama, ema bo baya baka bwɛnji baibosɔ na ejimeli.

Baebele 2:3

esingaiti so; bokabulɛ boheleja bu bonɛnɛ, bodi bohela na ye? Kumu yo mɛnɛ abanga botɔndɔ mojɔ moboheleja bomina, na baya bamoka banga-meja mojɔ momina ai so.

1 Bakolinto 15:2

Ohelani oko na mwako momina, okamobaneani bopele—omiti kɔni boa, ejimeli enu edi eka engasa.

Baloma 6:17

Mbi nasakoaka Njambe mojɔ bo osumakani edɛye bokoja bosɔ no boso na milema minu boya, oko no baya badaka boso babuli babobe.

Yoane 6:68

Simona Pɛtɛlo amosɔmbeja bo, Kumu, iso bodi bokɛ ai nda? Odi na bikenge bibomɔ oko wɛ.

1 Batɛsalɔnike 2:13

Yana asɔ no bwɛnji ai so, oko Ebaeli eNjambe, oesɔni o Ebaeli eNjambe mɛnɛ, te ebaeli ebato. Iso bosakoaka Njambe bihole bisusu a mojɔ momina. Mojɔ bo edi Ebaeli eNjambe soti, yena ekɔkɔ elomu a tei enu baya bajimaka.

2 Bakolinto 7:1

Baninga, adi so na sako jiji, bopele bo bosasɛnojae a mbindo jisusu jimokuku na jimwembo, na bo bosahɛnge ai Njambe na soti, oko na lisuma ai yo.

Bikɔmɛli 13:26

Baninga, bana baAbalayama, na no basusu baya basumaka Njambe, mwako mu mobohela molomami oko ai no.

1 Pɛtɛlo 1:9

Suka eejimeli enu edi bo osɛni mohelo momiembo minu.

Baloma 11:17

Bikina bitape ko bikatɛndɔmɔ, na wɛ olive oesika okakatana na mole a esika edaka bitape bimina, odi bokatana na cina emole, na odi bosɔ ngulu emole moolive.

Bikɔmɛli 10:33

Oko boa mbi nalomejabi wɛ bokpa, na adoi wɛ, okɔi mojɔ mopele. Edɛye so basusu bodi ya a boso boNjambe, a boka ngando jisusu jisi wɛ ai Njambe, bo obale na su.

Matayo 5:5

Bojongoa ai bato baya badi na milema miyɛmbu, mojɔ bo bâsangoa ngondo.

1 Batɛsalɔnike 1:5

Mwako Mopele mosu moidoa ai no na kɔpi pɛ; modoa na ngulu, na Mwembo Mosɛnɔke, na ejimeli enɛnɛ. Ojebakani ekɔmɛli yena edaka na su a tei enu a mojɔ monu.

Baɛpɛsɔ 5:4

Pɛ bobala nongo mijɔ misɔni, isa ebalabala, isa ngɛkɛ; Sakoani ko Njambe.

Baɛpɛsɔ 4:25

A mojɔ momina, toma lonani bokosea; balani moto na mina’nde moto oko mua modi soti, mojɔ bo bodi binama bia bicingani.

Yakobo 5:20

moto omina abwani bojeba bo yona ohulejaka moto mobe a njea elibunga linde, adi boheleja mwembo momoto omina a bogwa, na adi bokunda jibe jinɛnɛ.

1 Pɛtɛlo 1:22

Lisuma linu a mijɔ miSoti lisɛnojai milema minu, bo odaeni na epaeli esoti ai baninga; oko boa toma palanani na ngulu emilema minu.