Tito 2:12 - Nouveau Testament en Ngombe 1961

¹² Mokojaka so bo bolone ngando jisusu jia jikɛsɛni na njea eNjambe, bo bolone posa jingondo, bo bosangbindee, bo bodae na ekɔmɛli yena edi bojo, na lisuma ai Njambe a ngondo ye.

Tito 2:12 Referans Kwoze

Matayo 16:24

Yesu abala na bacingami bande bo, Isa moto apalaka bocingaraa na mbi, adi bosalona yo mɛnɛ, adi botomba mole-mobokea monde bo asuse mbi.

Baloma 6:19

Mbi nabalaka na monɔkɔ momoto, mojɔ bo odini na bwɛmbu a munu. Toma pejani binama binu o babuli babodongo na bosɛnɔ, o apeja no boso binama binu bo bidae babuli babosɔtɔ na bobe bua bonɔi.

Mokanda Momibae Mosɔnɔ Pɛtɛlo - 2PE 2:9

Kumu ajebaka boheleja a bomeka baya bamojimaka, na bohɛngɛ bato babe a mojɔ momokindo mobusa boEsambi,

1 Yoane 2:6

Moto yona obalaka bo adi a tei ende abwani bodala a njea edalaka yo.

2 Timoteo 3:12

Ee, bato basusu baya bapalaka bosusa Yesu Masiya na soti badi bodingoa.

Boboloja 14:12

A mojɔ momina, baya basumaka Mibeko mi-Njambe na ejimeli eYesu, babwani boda na lingbangba.

Luka 1:75

Bodi bomokɔmɛ masu ma’su masusu

1 Batɛsalɔnike 4:7

Njambe aibea so bo bodae na bosɔtɔ; abea so bo bodae na bosɛnɔ.

Tito 3:3

Mojɔ bo so bɛnɛ bodaka boso na bogegele, na lipanga, bato balaboake, na babuli baposa jibe, na balisɔngi. Mida misu midaka masu masusu oko na bobe na likaka. Bato balona so, na so bolonana so bɛnɛ.

1 Batɛsalɔnike 4:9

Ebɔngiti bo nasɔnee no a mojɔ moepaeli ai baninga, mojɔ bo Njambe yo mɛnɛ akoja no bo opalaneni.

Baɛpɛsɔ 2:2

Mida minu midaka oko moda mongondo ye, na odakani na lisuma ai kumu yona odi na bokumu bonde a pwea, oko mwembo mua modi na ngulu a tei ebana balipanga e dɛye.

Baloma 12:2

T’odaeni oko na ekɔmɛli ebato bangondo ye. Toma dani na milema miyene bo okindoeni elimo etongo; oko boa odini bojeba bolulea boNjambe na soti, bolulea bonde bopele, bobɔngɔke na bobwanake.

Baloma 6:12

T’ojimeni oko bo bobe bodae na bokumu a mikuku minu mia midi bogwa. T’osumeni oko posa jimokuku.

Matayo 28:20

Bakojani bo bakɔe ngando jisusu iikoja mbi no, na mbi nâda na nu oko na bosusu.

1 Yoane 2:27

Bosopea ko bosɔ nb ai yo boyeyoaka na nu. Mojɔ mua motakaka na nu moditi bo okina otongo akojae no, mojɔ bo bosopea bonde bokojaka no a mojɔ mongando jisusu. Bosopea bomina bodi soti mɛnɛ, te nongo bokosea. A mojɔ momina, yeyoani a tei ende, o akoa no na bosopea bomina.

Mokanda Momibae Mosɔnɔ Pɛtɛlo - 2PE 3:11

Oko boa, ajebaka so bo leka lu losusu lodi bonangoa, mida minu Mibwani boda na bosɛnɔ na ejimeli ai Njambe,

Baebele 8:11

Moto atabalabí koko na mina’nde Isa moto na mwangwa’nde bo, Jeba Kumu. Mojɔ bo bajebabí mbi kanga basusu mɛnɛ, Na bakɛkɛlɛkɛ na banɛnɛnɛ pongono.

1 Timoteo 6:17

Leha bato baya badi na likonja a ngondo ye bo batasakumeja, na bo batada na ejimeli a makonja maya madi na mokakwano, oko ai Njambe yona opaka so leka na likabo linɛnɛ a bosepeja so.

1 Timoteo 4:12

T’okine oko bo moto asɛtojae wɛ mojɔ bo odi oko mwɛnga pɛ. Aneja bato baejimeli ekoaneli epele na ebaeli ewɛ na moda mowɛ, a mojɔ moepaeli, na ejimeli, na bosɛnɔ.

Bakɔlɔsai 1:22

Iyo ko akwea bosiili, na akataneja no koko a njea ebogwa bomokuku monde, bo amejae no a boso bonde na bosɛnɔ, pɛpɛ nongo litɔnɔ, pɛpɛ nongo mojɔ,

Bagalata 5:24

Ibaya badi bato baMasiya bakaaleja mokuku a mole-mobokea, na posa na masɔngi mamokuku pongono.

Bagalata 1:4

Iyo asapa a mojɔ mojibe jisu bo asikoe so a ngondo ye ebe, o akana Njambe Sangwa’su.

2 Bakolinto 7:1

Baninga, adi so na sako jiji, bopele bo bosasɛnojae a mbindo jisusu jimokuku na jimwembo, na bo bosahɛnge ai Njambe na soti, oko na lisuma ai yo.

2 Bakolinto 1:12

Iso bosepaka na mojɔ mumu; molema mosu motataka bo ekɔmɛli esu a miso mabato, na a miso manu bɛnɛ, edaka na bosɛnɔ na lisuma ai Njambe; te nongo na bowɛi bongondo, oko na mo-nganji moNjambe.

Baloma 8:13

Mojɔ bo okasusani njea emunu odini bogwa. Okawejani ko bikɔmɛli bimokuku na ngulu eMwembo, ôdani na bomɔ.

Bikɔmɛli 24:25

Yana alehaka yo a mojɔ mobodongo na bosangbindea na esambi ebodoa, Pelike adaka na bɔ. Abala na Paulo bo, Peta kɛ edɛye; ekina ndɔndɔ, nakaboloja njea, nadi bobea wɛ.

Bikɔmɛli 24:16

A mojɔ momina, mbi nakɔkɔ na bingi bihole bisusu bo molema mombi motada na mojɔ, isa a boso boNjambe, isa a boso bobato.

1 Yoane 5:19

Iso bojebaka bo bodi bana baNjambe, na bo ngondo esusu edi a mɔmɔ mayona Mobe.

Baɛpɛsɔ 1:4

Iyo ahɔ so a tei ende oko ngondo ye epetakini yoama, ho bodae basɛnɔke, pɛpɛ nongo litɔnɔ a boso bonde.

Yoane 14:30

Nitabala na nu koko bou, mojɔ bo kumu ongondo ye akɛkɛ adoe; yo ko aditi na kpaci ai mbi.

Yoane 6:25

Bamoboloja a dɔngɔ ditongo dilibale, na babala na nde bo, Labi, odoi jɔno a ehole eni?

Luka 1:6

Ibo basusu babae badaka bato babodongo a miso maNjambe. Basumaka mibeko na ngando jiNjambe jisusu na soti mɛnɛ.

Yuda 1:18

Babala na nu bo bato babiloli badi bodoa a masu masuka, baya badi bosuma oko posa jibu bɛnɛ pɛ.

2 Timoteo 4:10

Iyo adi oko na posa engando jingondo ye, na akɛi a Tɛsalɔnike. Kulusene akɛi a Galatia. Tito akɛi a Dalamatia.

Matayo 12:32

Moto akadɔ Mwana ’Moto abwani bosɔ boye. Moto ko akadɔ Mwembo Mosɛnɔke, atasɔ nongo boyɛ, isa a ehole ye, isa a ehole yena ekadoe.

1 Timoteo 6:9

Ibaya badi na posa elikonja bakwaka a ndingea, na bataka elambo, na balaboaka na posa jibe jingasa jia jidindejaka bato a bogwa na bodimoa.

Yakobo 1:27

Ejimeli esoti yena edi na bosɛnɔ a miso maNjambe Sangwa’su edi oko ye,—a bonja bana-bamalike na bali-babogwa a minɔngɔ Mibu, na a bosabanea, pɛpɛ nongo litɔnɔ lipita jingondo.