Tito 2:11 - Nouveau Testament en Ngombe 1961

¹¹ Mojɔ bo monganji moNjambe moboloa a bohu a boheleja bato basusu.

Tito 2:11 Referans Kwoze

1 Timoteo 2:4

Iyo apalaka bo bato basusu bahele, na bo badae na ejebeli eSoti.

Baɛpɛsɔ 2:8

Mojɔ bo ohelini a mojɔ moejimeli, cina emonganji moNjamhe; mojɔ momina mocingiti na nu bɛnɛ; modi oko epeeli eNjambe.

Baebele 2:9

Bonɛkɛ Yesu ko, yona odejama ekina ehole a ngɔngɔ jihabwɛnji-baDiko; bomonɛkɛ yo yona okumejama na ekumu, na lisuma, o likongo a molo monde a mojɔ mobogwa bonɛ yo, bo adingoe na bogwa a mojɔ mobato basusu, oko na monganji moNjambe.

Baɛpɛsɔ 2:5

a mojɔ momina, nongo adaka so bagwake a mojɔ mojibe jisu, iyo apa so bomɔ yana apa yo Masiya bomɔ (ohelni oko a mojɔ momonganji moNjambe), na angɔjɔ so na Masiya, na adeja so na nde a bisika biDiko, a tei eMasiya Yesu,

2 Batɛsalɔnike 2:16

Yɛ Kumu osu Yesu Masiya yo mɛnɛ, na Njambe Sangwa’su, yona opala so na opa so bogɔmbeja bua bodi na bosusu, na njingo epele oko na monganji monde. Yɛ agɔmbejae milema minu na ambihmejae no a bilomu bisusu bipele, na bikenge bisusu bipele.

Baloma 5:15

Bobe bodi tungu emɔci; epeeli emonganji ko edi tungu etongo. Mojɔ bo, isa bato banɛnɛ bagwa cina ebobe bomoto omɔci, monganji moNjambe, na epeeli emonganji emoto omɔci, oko Yesu Masiya, ehɛ a mojɔ mobato banɛnɛ.

Yoane 1:14

Ebaeli ekindoa moto, na yo ayeyoa a tei esu; aluma na monganji na Soti. Iso bonɛ ekumu ende, ekumu eMwana-sɔmi omɔci yona odonga ai Sango.

Bikɔmɛli 11:23

Amea yo oho, na anɛ yo monganji moNjambe, asepa a mojɔ momina. Iyo aleha bo basusu bo basabekee, na bo bacingame na Yesu na lingbangba.

Bikɔmɛli 20:24

Mhi ko nalɛkɛ bo mohelo mombi modi eka engasa mɛnɛ; moditi nongo na yumu a miso mambi. Posa embi edi oko bo namee a suka enjea embi, bo nasiejae elomu esɔ mbi ai Kumu Yesu, elomu ebotɔndɔ Mwako Mopele momonganji moNjambe.

Luka 3:6

Bato basusu bânɛ boheleja boNjambe.

1 Timoteo 1:14

Na monganji moKumu osu mopetoa bou mɛnɛ ai mbi, na ejimeli na epaeli jia jidi a tei eMasiya Yesu.

Baloma 5:2

Iso bodi bambilimake a monganji mu moNjambe; bonɛ njea ebokwea a monganji momina oko a mojɔ monde; na bodi na sepi a mojɔ monjingo esu ebosɔ ekumu eNjambe.

Bakɔlɔsai 1:6

Mwako momina momea ai no, mojɔ bo monanganaka a ngondo esusu. Mobotaka mbuma na mokɛkɛ bohɛ; modi oko boa a tei enu pongono, banga na busa boka no, na bojeba no, cina emonganji moNjambe na soti.

Bagalata 2:21

Mbi nitalona monganji moNjambe, cina bo, isa lilonga licingi na Mibeko, bogwa boMasiya boditi nongo na cina.

2 Bakolinto 6:1

Akɔkɔ so elomu na Njambe yo mɛnɛ, bongɔɔnɔkɔ no bo otasɔni monganji moNjambe esɔ’sɔ.

Bikɔmɛli 13:47

Mojɔ bo mobeko moKumu ai so modi bo, Mbi nahɛngɛ wɛ bo odae bohu bomakota, Bo suka engondo mɛnɛ esɛ boheleja oko na wɛ.

Bikɔmɛli 13:43

Na yana anangana likita, bakina BaYuda banɛnɛ, na bato banɛnɛ baya bama hekoa a ejimeli eBaYuda, bacingama na Paulo na Balanaba. Ibo babala na bu, na babaleha bo bayeyoe a monganji moNjambe.

Yoane 1:9

Bohu bomina bodaka bohu bosoti, na bodoa a ngondo a bopa bato basusu bohu.

Luka 24:47

na bo batɔndɔe mwako a kombe ende a Yelusalema boso, na a makota masusu, a mojɔ mobokina bojibe na bohekoja bomilema.

Malako 16:15

Abala na bu koko bo, Kɛni a ngondo esusu; tɔndɔni bato basusu boya Mwâko Mopele.

Matayo 28:19

A mojɔ momina, kɛni, kɔni bacingami a makota masusu, na babatisani a kombe eSango na Mwana na Mwembo Mosɛnɔke.

Baebele 12:15

Nganjamani bo okina moto atakputoa bosɔ monganji moNjambe, bo mokina monginga moboyo mosaka tɔ, a bonɔngeja no, na a bobeja bato banɛnɛ.

2 Timoteo 4:17

Kumu ko adaka ami a dɔngɔ dimbi, na apani ngulu a botɔndɔ Mwako Mopele mosusu, bo bapakano basusu ba’ke. Oko boa nahela a mino magbɔngɔ.

Bakɔlɔsai 1:23

okayeyoani bambilimake na ngbi a ejimeli, pɛ nongo bodonga a njingo eMwako Mopele moka no. Mwako momina motɔndɔmɔ ai bato basusu ya nase, na mbi Paulo nahɛngɛmɛ ho nadae mokɔmɛli omwako momina.

Baloma 10:18

Mbi ko nahɔjɔkɔ bo, Baika? Ee, baka soti. Ngondo esusu eka kɔpi ebu; Mwako mobu momea oko a suka engondo.

Bikɔmɛli 17:30

Njambe adipa miso mande a mojɔ mongando jiehole elibumi limina. Edɛye ko abekeaka bato basusu a ngondo esusu bo bahekojae milema mihu.

2 Timoteo 1:10

Monganji momina moboloi e dɛye na bodoa boMoheleja osu Masiya Yesu, yona ogbokeja bogwa, na ameja bomɔ a bohu, na bomɔ bua botagwa, a mojɔ moMwako Mopele.