Tito 1:11 - Nouveau Testament en Ngombe 1961

¹¹ Bato bamina babwani bogboka mojɔ bo babejaka milema mimenga manɛnɛ, na bakojaka ngando jia jibɔngiti nongo mweka, oko na njingo elikonja pɛ.

Tito 1:11 Referans Kwoze

2 Timoteo 3:6

Pɛ bopangana nongo na bato baya badi na bikɔmɛli bimina. Mojɔ bo bakina babu bakweaka a tei ebato na poloso, na bapangoaka bali ba yɛmbu baya bangwai muna mojibe jibu, bali baya badingoaka na posa jibe jinɛnɛ,

1 Timoteo 6:5

na bibalabala a tei ebato baya badi balaboake a milema Mibu; bapeliti nongo mojɔ mosoti, na badingaka bo ejimeli al Njambe edi njea a bokonja likonja.

Baloma 3:19

Bojebaka bo bikenge bibalaka Mibeko bidi oko a mojɔ mobato baya badi cina jiMibeko. Oko boa pɛpɛ nongo monɔkɔ modi bosalongeja, na ngondo esusu edi bojima kpaci eNjambe a bosambeja.

Tito 3:10

Moto akabɔtɔ na nu, moleha ehole emɔci, isa bihole bibae, na mokina yo.

Tito 1:9

moto yona oPeaka Ebaeli esoti oko boku, oko Ebaeli esɔ yo na bokoja, bo abwane bokoja ngando jisoti na bogbokeja bato bakitɛ.

Tito 1:7

Mojɔ bo monjeli oDenga abwani boda na ekɔmɛli esɛnɔke yena ebwani na mokɔmɛli oNjambe, te nongo moto oegbo na kɛlɛ, isa moto obolangoa, isa moto odane, isa moto yona odi na posa elikonja.

2 Bakolinto 11:10

Natɔndɔkɔ no na soti eMasiya mɛnɛ yena edi a tei embi, bo mtakma bosakumeja na mojɔ momina a makota masusu maAkaya.

Luka 20:40

Oko boa badaka na bɔ a bomohɔjɔ koko lihɔjɔ.

Yoane 10:12

Yona odi oko mosali pɛ aditi nongo mobanei. Bata baditi bata bande mɛnɛ. Iyo akanɛ swa akadoe, akinaka bata na aciaka. Oko boa swa apeaka bata, na abananganejaka.

Matayo 23:13

Monɔngɔ ai no basɔni na BaPalusi, no bakosei! Mojɔ bo odipakani njea eBokumu boDiko ai bato. Otakweakani ena no bɛne, na otapakani njea ebokwea ai bato baya bapalaka bokwea.

1 Timoteo 5:4

Isa mwali-obogwa adi na bana, isa pape, ibaba badi bopeta cingea bo babwani boda na likabo ai bato babu bɛnɛ, na monganji ai baboti babu. Njambe yo mɛnɛ ajimaka mojɔ momina.

1 Timoteo 5:13

Mojɔ motongo—adi bo pɛ elomu, balandoaka na ekɔmɛli ebongɛ a ndako ndako. Na baditi oko edada pɛ; badi na bibalabala, na ekpai, na babalaka mijɔ mia Mibɔngiti na bu.

2 Timoteo 2:18

Umenaio na Pileto badi a libondo limina. Ibo bapengoi a njea esoti; babalaka bo bo’ngɔ a bogwa bosia ehele, na babejaka ejimeli ebakina bato.