Matayo 6:2 - Nouveau Testament en Ngombe 1961

² Oko boa, wɛ okakɔ monganji ai bato batongo, pɛ bohueja mo-ndule a boso bowɛ. Bato babokosea bakɔkɔ boa a sinagoge, na a licilinga, bo bato babakumejae. Mbi natɔndɔkɔ no na soti mɛnɛ bo bato bamina ba’si ndese yena ebwani na bu.

Matayo 6:2 Referans Kwoze

Matayo 6:5

Oka’ngani Njambe, t’odaeni oko na ekɔmɛli ebakosei. Ibo bapalaka bo bangɔe a sinagoge, na bo bamae a licilinga a mojɔ mobo’nga, bo bato babanɛe.

Matayo 6:16

Yana adi na bikia, t’odaeni oko na wa a miso manu o ekɔmɛli ebakosei. Ibo bakinaka maso mabu mabehe, a boneja bato bo bakiaka dia. Mbi natɔndɔkɔ no soti bo ndese ebato bamina ebwani.

Yoane 5:41

Mbi te nasɔke ekumu ai bato.

Baebele 13:16

Pɛ bobosani bilomu bipele bokɔ, na boda na likabo; masiko Inaya mase-pejaka Njambe oko ma.

Luka 20:46

Toma nganjamani na basɔni! Posa ebu edi oko a bongɛ na bisenja biyaibiyai, na bo bato bababɛje njɛbɛ a jando. Bapalaka bidie biboso a sinagoge, na bisika biekumu a mabonje.

Yoane 7:18

Yona okojaka na kpaci ende mɛnɛ apalaka bo asakumejae. Yona ko opalaka bo akumejae yona omoloma, yo adi moto osoti, na bokosea boditi a tei ende.

1 Pɛtɛlo 4:11

Isa moto atɔndɔkɔ mwako, abwani botɔndɔ oko mijɔ miNjambe. Moto akakɔ ekina elomu, abwani boekɔ na ngulu epaka Njambe, bo Njambe asɛ ekumu na ngando jisusu, cina eYesu Masiya. Ekumu na bokumu ai yo oko na bosusu! Amen.

Baɛpɛsɔ 4:28

Isa moto adaka mobi, abwaniti boba na ikina. Abwani bokɔ elomu epele na mɔmɔ mande, bo adihe likonja a bopa baya badi na taka.

Bagalata 2:10

Balɛjɛ so oko mojɔ momɔci, bo botabosa bato babokwali, na mbi nadaka na bingi a mojɔ momina.

Bikɔmɛli 10:4

Iyo amonja oko na bɔ bonɛnɛ, na abala bo, Kumu, mojɔ modi bo? Obwɛnji amosɔmbeja bo, Njambe t’abosake nongo ma’nga mawɛ na likabo liwɛ.

1 Timoteo 6:18

Baleha bo bakɔe bopele, bo bahɛe na bikɔmɛli bipele, na bo badae na monganji na likabo.

Baloma 12:8

Molehi adi na elomu eboleha. Yona opaka bipeeli adi bopa na likabo limonganji. Yona odi na elomu a boso bobato, adi boda na bingi; na yona okɔmejaka bato na wa adi boda na sepi.

Bikɔmɛli 24:17

Ama mbi yeyoa bohali bianga binɛnɛ, nami doa oko a bokɔ bato balikota limbi monganji, na a bopa bipeeli.

Bikɔmɛli 10:31

Iyo abalabi bo, Kɔlunelio, Njambe atabosaka monganji mowɛ, na aki bonga bowɛ.

Bikɔmɛli 10:2

Adaka moto oejimeli na lisuma ai Njambe, yo mɛnɛ na bato basusu badenga dinde. Adaka na liikabo ai bato, na angaka Njambe bihole hisusu.

Bikɔmɛli 9:36

Okina mocingami adaka a Yopa, kombe ende Tabita. (Cina ekombe emina edi Dɔkasi.) Mwali omina adaka na bingi enɛnɛ a mojɔ mobilomu bipele, na akɔkɔ bato monganji bou mɛnɛ.

Yoane 13:29

Bakina babu balɛ bo Yesu amotɔndɔ bo asombe leka lua lotakaka na bu a mojɔ moKola, isa bo apɛ ekina eka ai bato babokwali; mojɔ bo Yuda abaneaka litɔngi lilikonja.

Yoane 5:44

Ino odini bojima na ye? mojɔ bo osɔkɔni oko ekumu enu ai bato batongo; otadukakani nongo ekumu yena ehulaka ai Njambe pɛ.

Luka 6:42

Obwani bobala na mwangwao bo, Mwangwa ’mbi, yɛ nahwɛ mobumbu mua modi a diso liwɛ, ena ko wɛ pɛ bonɛ nongo epaso yena edi a diso liwɛ mɛnɛ? Mokosei, peta hwa epaso a diso liwɛ mɛnɛ; oko boa odi bonɛ bohu a bohwa mobumbu a diso limwangwao.

Malako 12:39

Bapalaka bidie biboso a sinagoge, na bisika bia binɔi na bopele a malɔonje.

Pilemona 1:7

Moninga, yana aka mbi mwako moepaeli ewɛ, mbi nasepa bou mɛnɛ, cina bo milema mibato baDenga misɔ ngulu a mojɔ mowɛ.

1 Batɛsalɔnike 2:6

Boipala bo bato bakumejae so, isa no bɛnɛ, isa bato batongo. Nongo adaka so babwɛnji baMasiya, boipala bo bodae muna ai no.

Bikɔmɛli 11:29

A mojɔ momina, bacingami bajima bo balome toma a bokɔmeja baninga baya badaka a Yuda, moto na moto o abwana yo bokɔ.

Luka 13:15

Kumu amosɔmbeja bo, lno bakosei! Ino basusu otacingoakani ngɔmbɔ na punda banu a ndako a busa boSabata, a bokɛ na bu a ediba?

Luka 12:56

Ino bakosei! Ocingeakani bimbete bibusa na bingondo, pɛ ko bocingea bimbete bimasu mama.

Luka 12:33

Ingɛjɛni leka lonu; kɔni matɔngi malikonja a mojɔ monu maya matagwa; sɛlingoani likonja liyumu oho Diko lia litasia nongo, mojɔ bo mobi atabatama oho, na mosokoto pɛ bobeja.

Luka 11:43

Monɔngɔ ai no BaPalusi! Ino opalakani oko bidie biboso a sinagoge, na njɛbɛ jibato a licilinga.

Luka 11:41

Enɔi na bopele bo osɛnojaeni ngando jia jidi a tei enu; oko boa bikɔmɛli binu bisusu bidi bobɔngɔ.

Luka 6:24

Bodingoa ko ai no konji; ino osini ndese enu.

Malako 7:6

Iyo abala na bu bo, Yisaya alonga soti yana abala yo a mojɔ monu bakosei, o adi mosɔnɔ bo, Bato ba basumaka mbi na minɔkɔ mibu; Milema mibu ko midi na mbi bohali.

Matayo 24:51

Âmodingoja, na âmo’sa ta libondo libakosei, a esika ebio na bokpɛkpɛnɛ bomino.

Matayo 23:6

Bapalaka bisika biekumu a mabonje, na bidie biboso a matitana.

Matayo 22:18

Yesu ko acingea ndungu ebu ebe, na abala bo, Ino bakosei, odingeakani mbi mojɔ moye?

Matayo 16:3

Ehumahuma ko, isa biyembi bidi bikpetu, na isa busa bohindi, obalakani bo, Mbua âkwa busa bu. Ojebakani bocingea bimbete bibusa, pɛ ko bombetea embete eehole yena ebwani.

Matayo 15:7

Ino bakosei! Ekenge ebala Yisaya ebwani na nu soti. Iyo abala bo,

Matayo 7:5

Wɛ mokosei, peta hwa epaso a diso diwɛ mɛnɛ; oko boa odi bonɛ bohu a bohwa mobumbu a diso dimwangwao.

Matayo 5:18

Mbi natɔndɔkɔ no bo, Nongo busa bokagwa, na ngondo ekagwa, pɛpɛ nongo litɔnɔ limɔci isa mosɔnɔ momɔci mo. Mibeko modi bokputoa; midi bongama kanga misusu mɛnɛ.

Matayo 6:3

Wɛ ko, okakɔ monganji, t’okine oko bo ebɔ ewɛ ebali ejebe mojɔ mokɔkɔ ebɔ ewɛ ebami.

Matayo 23:5

Bilomu bibu bisusu bidi oko na njingo bo bato babanɛe. Balwaka misɔnɔ minɛnɛnɛ a macinga mambanda, na kasaka jibu jidi na manyanga manɛnɛnɛ.

1 Bakolinto 13:3

Namiti da na epaeli, nitabɔngɔ nongo mweka, nongo nakakaba leka lombi a bobɔkɔ bato babokwali, isa nakapa mokuku mombi a botumbama, pɛ mojɔ.