Matayo 26:10 - Nouveau Testament en Ngombe 1961

¹⁰ Yesu ko acingea mojɔ, na abala na bu bo, Opukejakani mwali yo mojɔ moye? Akɔi mojɔ mopele mɛnɛ ai mbi.

Matayo 26:10 Referans Kwoze

Tito 3:8

Ekenge emina edi soti, na mbi napalaka bo okojae ngando jimina na bingi, bo bato baya bajimaka Njambe badae na bingi a bikɔmɛli bipele. Mijɔ mi midi mipele mɛnɛ na Mibɔngejaka bato.

Baebele 13:21

Yɛ abɔngejae no na ngando jisusu jipele a bokɔ bolulea bonde, na akɔe a tei enu o apalaka yo, a mojɔ moYesu Masiya. Ekumu ai yo oko na bosusu. Amen.

Tito 3:14

Bato basu badi bokoa bo bakɔe bilomu bipele.

Tito 3:1

Lɛjɛ bato bo badi bosuma bakumu na basuku. Babwani boda na lisuma; badi boda na mosɛlingo a bokɔ bilomu bisusu bipele.

Tito 2:14

yona osapa a mojɔ mosu, bo abosikoe a bobe bosusu, na bo abosɛnojae bo bodae oko ai yo mɛnɛ, bato babingi a bikɔmɛli bipele.

Tito 1:16

Batɔndɔkɔ na monɔkɔ bo bajebaka Njambe; bamonganaka ko na bikɔmɛli bibu. Badi bato babosambolu, bato balipanga; babɔngiti nongo na ekwa ekɔmɛli epele.

2 Timoteo 2:21

Moto akasabanea na bosɛnɔ, na akabɔtɔnɔ na ngando jimina, yo ada esɛi eekumu yena esɛnoi a mojɔ moelomu emoswa’nde, na ebwani na bilomu bisusu bipele.

1 Timoteo 5:10

Adi boda na esako epele a mojɔ mobikɔmɛli binde bipele, mwali yona obɔkɔ bana, yona odaka na monganji ai bakɛndɛli, yona ososa bibota bibato baDenga, yona okɔmeja bato baya badaka na monɔngɔ, na odaka na bingi a ngando jisusu jipele.

1 Timoteo 3:1

Isa moto apalaka asɛ elomu emonjeli oDenga, apalaka elomu epele; mojɔ momina modi soti.

Bakɔlɔsai 1:10

bo odaeni na mida mia midi bokumeja kombe eKumu, mia midi bomosepeja na soti, na bo oboteni mbuma a tei ebilomu bisusu bipele, na bo ohɛeni na ejebeli eNjambe.

Baɛpɛsɔ 2:10

Mojɔ bo ’so bodi elomu ekɔkɔ Njambe; boyoama a tei eMasiya a mojɔ mobilomu bipele, na Njambe abisɛlingoa eyou bo bokɔe bilomu bimina. Bokatana a tei eMasiya

Bagalata 6:17

E dɛye, yɛ bonɔngeja mbi koko, pɛpɛ nongo moto, mojɔ bo nadi na bihuli biYesu a mokuku mombi.

Bagalata 5:12

Yɛni baya banɔngejaka no babejae mikuku Mibu bɛnɛ.

Bagalata 1:7

Mokina Mwako Mopele motongo moditi; bakina bato ko banɔngejaka no, na bapalaka botatana Mwako Mopele moMasiya.

2 Bakolinto 9:8

Na Njambe abwani bojongoa no na majongoa manɛnɛ mɛnɛ, bo otatakani nongo eka, na bo odaeni na libondo linɛnɛ a mojɔ mobilomu bisusu bipele.

Malako 14:6

Yesu ko abala bo, Kinani adae. Omonɔngejakani mojɔ moye? Akɔi mojɔ mopele mɛnɛ ai mbi.

1 Pɛtɛlo 2:12

Dani na mida mipele a tei ebapakano. Oko boa, nongo bakalɔngɔ no o bato babe, badi bonɛ bikɔmɛli binu bipele, na bakumeja Njambe a busa bobo-doa bonde ai bo.

Matayo 26:9

Akɔki so ngɛlɛ malasi mamina, ka bosi likonia linɛnɛ a bokaba na bato babokwali.

Matayo 26:11

Bato babokwali badi na nu na bosusu; mbi ko naditi na nu na bosusu.

Luka 8:49

Abalaka yo boa, okina moto omosuku osinagoge adoa na abala bo, Yɛ bonɔngeja koko Mokoja! Mwana’wɛ agwi.