Matayo 13:8 - Nouveau Testament en Ngombe 1961

⁸ Jikina ngua jitongo jikwa a kpɔtɔ jipele. Ngua jimina jibota, jikina mokama, jikina jitongo macinda masato, na jitongo koko licinda-na-domi.

Matayo 13:8 Referans Kwoze

Luka 8:15

Ijia jikwa a kpɔtɔ jipelejidi oko baya bakaka na babaneaka ebaeli a milema mipele mibowi. Ibo badi na lingbangba, na babotaka mbuma.

Matayo 13:23

Ngua jia jikwa a kpɔtɔ jipele jidi oko mwako mokaka moto na bocingea. Iyo abotaka soti; ngua emɔci ebotaka mokama, etongo macinda masato, na etongo koko licinda-na-domi.

Yoane 15:8

Okabotani mbuma jinɛnɛ a boneja bo odini bacingami bambi, Sangwa’mbi adi bosɔ ekumu na mojɔ momina.

Bafilipoi 1:11

Yɛ lituna linu lidae lituna limbuma jipele jibodongo jia jidi a tei eYesu Masiya, a bokumeja na bosepeja Njambe.

Baloma 7:18

Mojɔ bo, najebaka bo pɛpɛ nongo mojɔ mopele modi a tei embi, oko a tei emunu mombi. Nadi na bolulea bo nakɔe bopele, pɛ ko bohɔnɔ bokɔ boa.

Matayo 13:7

Jikina ngua jitongo jikwa a bisika bidaka njani; njani jidaka na bohohu, na jidimoja ngua.

Malako 4:8

Jikina ngua jitongo jikwa a kpɔtɔ jipele. Ngua jimina jitɔ, jihɛ, na jibota, jikina domi-isato, jitongo domi-isamano, na jitongo koko mokama.

Malako 4:20

Bakina batongo basɔkɔ ngua a kpɔtɔ iipele. Ibo badi oko bato baya bajimaka Ebaeli yana akaka bo, na babotaka, bakina domi-isato, batongo domi-isamano, na batongo koko mokama.

Luka 8:8

Jikina jitongo koko jikwa a kpɔtɔ jipele, jikandoa na jibota mokama-mokama. Asieja yo bobala mojɔ momina, abekoa bo, Isa moto adi na matoi manjoki, yɛ ahokee.