Matayo 1:21 - Nouveau Testament en Ngombe 1961

²¹ Iyo adi bobota mwana-momi, na odi bomobakea kombe Yesu, mojɔ bo âheleja bato bande a jibe jibu.

Matayo 1:21 Referans Kwoze

Bikɔmɛli 13:23

Njambe angɔjɔ Moheleja a mojɔ moYisalaele, oko Yesu ombota eDawidi, o ama yo kina sako.

Bikɔmɛli 4:12

Pɛpɛ nongo okina otongo odi boheleja; mojɔ bo botahela nongo na ekina kombe etongo a tei ebato ya nase, oko kombe emina pɛ.

Yoane 1:29

Yana ahoa busa, Yoane anɛ Yesu akadoe ai yo, na abekoa bo, Anjani Mwana-Bata oNjambe yona odongejaka bobe bongondo!

1 Yoane 3:5

Ojebakani bo yo adoa a bodongeja jibe. Bobe boditi nongo a tei ende.

Luka 2:21

A busa bobolena ganda, oko a busa bobomwambe, bamobakea kombe Yesu, kombe epa obwɛnji oko nango alwakini demi.

Bikɔmɛli 5:31

Njambe ko amokumeja a ebɔ ende ebami, Kumu na Moheleja, a mojɔ mobohekoja milema miYisalaele na boyɛ jibe jibu.

Luka 1:31

Ika! wɛ ôlwa demi; ôbota mwana-momi, na ômobakea kombe Yesu.

Tito 2:14

yona osapa a mojɔ mosu, bo abosikoe a bobe bosusu, na bo abosɛnojae bo bodae oko ai yo mɛnɛ, bato babingi a bikɔmɛli bipele.

Luka 2:11

Moheleja abotami ai no busa bu a ngando eDawidi, Kumu Masiya.

1 Yoane 1:7

Bokadala ko a bohu, o adi yo a bohu, bokatanaka, moto na mina’nde moto, na makia maYesu Mwana’nde masɛnojaka so a bobe bosusu.

Bikɔmɛli 3:26

Njambe angɔjɔ Mwana’nde, na amolomea boso ai no a bojongoa no, na a bobuleja no basusu a jibe jinu.

Boboloja 7:14

Mbi namosɔnibeja bo, Kumu ombi, wɛ ojebi. Iyo abala na mbi bo, Ibaba badi oko baya bamani a bodi-ngoa bua bonɛnɛ; basosi bisenja bibu, na babipuejai a makia ma-Mwana-Bata.

Baebele 7:25

A mojɔ momina, yo abwani boheleja na bosusu mɛnɛ, baya badoaka al Njambe na njea ende, mojɔ bo yo adi mɔ oko na bosusu bo adae mosili a mojɔ mosu.

Luka 1:13

Obwɛnji ko abala na nde bo, Sekalaya, yɛ bobanga! Mojɔ bo bonga bowɛ bo’kami. Mwali owɛ Elisabeta âbotea wɛ mwana-momi, na ômobakea kombe Yoane.

Matayo 1:25

Iyo ko aijebeana na nde oko adaka yo pɛ bopeta bota mwana’nde, na amobakea kombe Yesu.

Yoane 4:42

Ibo babala na mwali bo, Iso bojimaka edɛye, te a mojɔ moekenge ebali wɛ; bomoki so bɛnɛ, na bojebaka bo yo adi Moheleja ongondo na soti mɛnɛ.