Luka 8:15 - Nouveau Testament en Ngombe 1961

¹⁵ Ijia jikwa a kpɔtɔ jipelejidi oko baya bakaka na babaneaka ebaeli a milema mipele mibowi. Ibo badi na lingbangba, na babotaka mbuma.

Luka 8:15 Referans Kwoze

Baebele 10:36

Etakaka na nu oko lingbangba bo okɔeni bolulea boNjambe, na bo osɛni mua modikeja yo.

Luka 6:45

Moto mopele adi na ekɔmɛli epele mojɔ bo amejaka ngando jipele a molema monde; na moto mobe adi na ekɔmɛli ebe, mojɔ boamejaka ngando jibe a molema monde. Mojɔ bo monɔkɔ momejaka oko ngando jia jinɛngi a molema.

1 Yoane 2:3

Bokasuma mibeko mide, bodi bojeba na soti bo bomojebaka, oko na mojɔ momina.

Bakɔlɔsai 1:10

bo odaeni na mida mia midi bokumeja kombe eKumu, mia midi bomosepeja na soti, na bo oboteni mbuma a tei ebilomu bisusu bipele, na bo ohɛeni na ejebeli eNjambe.

Bakɔlɔsai 1:6

Mwako momina momea ai no, mojɔ bo monanganaka a ngondo esusu. Mobotaka mbuma na mokɛkɛ bohɛ; modi oko boa a tei enu pongono, banga na busa boka no, na bojeba no, cina emonganji moNjambe na soti.

Yoane 14:15

Isa opalakani mbi, toma sumani mibeko mimbi.

Luka 11:28

Yesu ko abala bo, Badi na bojongoa soti oko baya ba’kaka na basumaka Ebaeli eNjambe.

Bafilipoi 1:11

Yɛ lituna linu lidae lituna limbuma jipele jibodongo jia jidi a tei eYesu Masiya, a bokumeja na bosepeja Njambe.

Baloma 7:4

Baninga, mojɔ monu modi koko boa; Mibeko miditi na kpaci ai no, mojɔ bo ogwani na mokuku moMasiya, bo okataneni na okina otongo, oko na yona ongɔjɔmɔ a bogwa, bo so bobote mbuma a mojɔ moNjambe.

Baloma 6:22

Edɛye ko osikoamini a bobe, na odini babuli baNjambe. Mbuma jibotaka no jidi oko bosɛnɔ, na suka emina edi oko bomɔ bua bodi na bosusu.

Yoane 15:10

Okasumani mibeko mimbi, ôyeyoani a tei engɛnjɔ embi, o asumaka mbi mibeko miSangwa’mbi, na o ayeyoaka mbi a tei engɛnjɔ ende.

Matayo 24:13

Moto ko akada na lingbangba oko a suka, moto omina âhela.

Baebele 2:1

A mojɔ momina, so bobwani bopea boku ngando jika so, na bopipo mɛnɛ, bo bosaka laboa bohali.

Baɛpɛsɔ 2:8

Mojɔ bo ohelini a mojɔ moejimeli, cina emonganji moNjamhe; mojɔ momina mocingiti na nu bɛnɛ; modi oko epeeli eNjambe.

1 Bakolinto 7:19

Mojɔ bo, bolena boganda bodi eka engasa, na mwea modi koko eka engasa. Mojɔ mosoti modi oko lisuma a mibeko miNjambe.

Baloma 7:18

Mojɔ bo, najebaka bo pɛpɛ nongo mojɔ mopele modi a tei embi, oko a tei emunu mombi. Nadi na bolulea bo nakɔe bopele, pɛ ko bohɔnɔ bokɔ boa.

Baloma 2:7

adi bopa bomɔ bua bodi na bosusu ai bato baya badi na lingbangba a bikɔmɛli bipele, baya badukaka ekumu, na lisuma, na bomɔ bua bodi na bosusu.

Yakobo 1:4

Lingbangba ko libwani bokɔ elomu ebɔngɔke mɛnɛ bo odaeni bato babɔngɔke, pɛ botaka nongo mokina mojɔ.

Luka 8:14

Ngua jia jikwa a tei enjani jidi oko bato baya bakaka, bayanaka na bakinaka bo ebaeli egboke na mikakwano, na likonja, na ngando jingasangasa jingondo. Ibo babotaka oko mipapa pɛ.

Luka 8:16

Moto akayoja paka, atabomba paka emina a cina eteni isa cina egbagba. Aebakeaka a mesa, bo baya bakweaka banɛe bohu.

Baloma 8:25

Bokada na njingo ko a mojɔ moeka edi so pɛ bonɛ, bombaka eka emina na lingbangba.