Luka 8:14 - Nouveau Testament en Ngombe 1961

¹⁴ Ngua jia jikwa a tei enjani jidi oko bato baya bakaka, bayanaka na bakinaka bo ebaeli egboke na mikakwano, na likonja, na ngando jingasangasa jingondo. Ibo babotaka oko mipapa pɛ.

Luka 8:14 Referans Kwoze

1 Timoteo 6:17

Leha bato baya badi na likonja a ngondo ye bo batasakumeja, na bo batada na ejimeli a makonja maya madi na mokakwano, oko ai Njambe yona opaka so leka na likabo linɛnɛ a bosepeja so.

Malako 4:19

Ebaeli ko egboki, na edikaka edada, mojɔ bo minɔngɔ mingondo ye, na bokosea bolikonia, na posa engando jitongo, jikweaka a tei ebu.

Matayo 13:22

Ngua jia jikwa a bisika bidaka njani jidi oko mwako mokaka moto, Mwako ko mogbokaka oko na mikakwano a mojɔ mongando jingondo ye, a mojɔ mobokosea bomakonja, na motabotaka nongo.

Luka 21:34

Toma nganjamani na nu bɛnɛ ko, bo milema minu misaka beha na magola, na malango, na mikakwano mingondo ye, bo osaka nɛni busa bomina mbalakaka;

Luka 8:7

Jikina jitongo jikwa a tei enjani; njani jidaka na bohohu, na jigbokeja ngua.

2 Timoteo 4:10

Iyo adi oko na posa engando jingondo ye, na akɛi a Tɛsalɔnike. Kulusene akɛi a Galatia. Tito akɛi a Dalamatia.

Yoane 15:6

Moto amiti yeyoa a tei embi, âdumbama o ekɔmɛli eetape, na âhɔlɔngɔnɔ. Bandoaka bitape bimina, babidumbaka a mosa na bingoaka.

Luka 16:13

Mosali t’ajebake bokɔmɛ baswa babae. Adi bolona okina, na âpala yona otongo, isa adi boda na lisuma ai okina, na asɛtoja yona otongo. Otahɔnɔkɔni bokɔmɛ Njambe na likonja pongono.

Luka 8:13

Ijia jidi a litai, oko baya bakaka na basɔkɔ ebaeli na sepi. Bapeliti ko njeli; ejimeli ebu etayeyoaka ehole eyai, na bangwaka a ehole ebomeka.

Luka 8:15

Ijia jikwa a kpɔtɔ jipelejidi oko baya bakaka na babaneaka ebaeli a milema mipele mibowi. Ibo badi na lingbangba, na babotaka mbuma.

Baebele 6:1

A mojɔ momina, bobwani bokina mijɔ miMasiya mia midi o mijɔ Mibana, bo bonɔe a mijɔ Mibosuku. Bobwaniti bosɔnibɔ koko a botanda eyoeli-ecina, oko bohekoja bomolema a bokina bilomu bingasangasa, na ejimeli ai Njambe,