Luka 8:10 - Nouveau Testament en Ngombe 1961

¹⁰ Iyo abasɔmbeja bo, Mijɔ miBokumu boNjambe miboloi ai no bo omijebeni; midi a tei emindɛ ko a mojɔ mobato batongo, bo batanɛ, nongo adi bo na njɛnɛ, na bo batacingea, nongo adi bo na njoki.

Luka 8:10 Referans Kwoze

Malako 4:11

Iyo abasɔmbeja bo, Mojɔ moBokumu boNjambe mua modaka mobo-mbamake, modi oko bohu ai no. Baya badi sokolu ko basɔkɔ ngando jimina na mindɛ.

Matayo 11:25

A ehole emina, Yesu abala bo, Sesa, Kumu oDiko na nase, mbi nasakoaka wɛ cina bo obomba ngando jiji ai bato babowɛi, ai bato baya bacingeaka mijɔ, na ojibolojai ai bana bakɛkɛ.

Bakɔlɔsai 2:2

Nakɔkɔ boa bo Inilema Mibu mihɛe na eci o akatanaka ho na epaeli, na bo babɔnge a mojɔ mobowɛi bosoti a bocingea mojɔ mobombamake moNjambe, oko Masiya.

Baloma 16:25

Okina adi yona obwani bombilimeja no a Mwako Mopele moMasiya motɔndɔkɔ mbi. Mwako momina mobolojaka mojɔ mua modaka mobombamake a bobanga mɛnɛ.

Matayo 16:17

Yesu amosɔmbeja bo, Odi na bojongoa, wɛ Simona mwana ’Yona. Cina bo obolojaiti nongo mojɔ momina na bowɛi bomoto. Sangwa’mbi ko yona odi oho Diko amobolojai ai wɛ.

1 Timoteo 3:16

Cina eejimeli esu ai Njambe enɔi bocingea bomoto. Mojɔ momina modi soti mɛnɛ. Iyo asaboloja a mokuku momoto; Mwembo mongameja mojɔ monde; Babwɛnji baDiko bamonɛ; Makota mangondo maka mwako monde; Bato bangondo bamojimea; Asɔmɔ a ekumu eDiko.

1 Bakolinto 12:11

Mwembo ko mua mokɔkɔ ngando jisusu na okabaka ai moto na moto libondo lipalaka yo, modi oko Mwembo momɔci pɛ.

Yoane 12:40

Iyo adimei miso mabu, na apingejai milema mibu, Bo batanɛ na miso, batacingea na milema, Basaka hekoa ai mbi bo nabahelejae.

Malako 4:12

Oko boa, yana anjaka bo, banjaka pɛ ko bonɛ. Yana akaka bo na matoi, bakakadea, pɛ ko bocingea, bo basaka hekoa, na iihe iibu iisaka kinama.