Luka 6:42 - Nouveau Testament en Ngombe 1961

⁴² Obwani bobala na mwangwao bo, Mwangwa ’mbi, yɛ nahwɛ mobumbu mua modi a diso liwɛ, ena ko wɛ pɛ bonɛ nongo epaso yena edi a diso liwɛ mɛnɛ? Mokosei, peta hwa epaso a diso liwɛ mɛnɛ; oko boa odi bonɛ bohu a bohwa mobumbu a diso limwangwao.

Luka 6:42 Referans Kwoze

Mokanda Momibae Mosɔnɔ Pɛtɛlo - 2PE 1:9

Ngando jimina ko jikataka na moto, moto omina adi na miso mago, t’anɛkɛ nongo bohali, na abosai bosɛnoja bonde a jibe jiyou.

2 Timoteo 2:21

Moto akasabanea na bosɛnɔ, na akabɔtɔnɔ na ngando jimina, yo ada esɛi eekumu yena esɛnoi a mojɔ moelomu emoswa’nde, na ebwani na bilomu bisusu bipele.

2 Bakolinto 5:18

Mojɔ mu mosusu mocingi na Njambe yona ohuleja so ai yo mɛnɛ a tei eMasiya, na abopa elomu ebosiili.

Baloma 2:1

Oko boa opeliti mokalo, wɛ moto yona osambejaka otongo. Mojɔ bo okasambeja moto otongo, osadumbaka wɛ mɛnɛ, cina bo, wɛ yona osambejaka okɔkɔ ngando jimina wɛ mɛnɛ.

Bikɔmɛli 13:10

abala na nde bo, Wɛ moto oepulu na bokosea; wɛ mwana ’Satana yona odi na mijɔ misusu mibodongo oko soki, otakina bongulumeja njea jitangboake jiKumu?

Bikɔmɛli 8:21

Wɛ opeliti nongo libondo limojɔ mu, pɛpɛ nongo mweka; mojɔ bo molema mowɛ moditi bojo a miso maNjambe.

Bikɔmɛli 2:38

Pɛtɛlo abala na bubo, Hekojani milema minu, na batisamani ino basusu a kombe eYesu Masiya, a mojɔ moboyɛ bojibe jinu, nongo osɛni epeeli eMwembo Mosɛnɔke.

Luka 22:32

Mbi ko nangɔɔni a mojɔ mowɛ, bo ejimeli ewɛ etambɛ. Na okahekoa koko ai mbi, toma mbilimeja baninga bawɛ.

Luka 13:15

Kumu amosɔmbeja bo, lno bakosei! Ino basusu otacingoakani ngɔmbɔ na punda banu a ndako a busa boSabata, a bokɛ na bu a ediba?

Matayo 26:75

Pɛtɛlo asi ko alɛi ekenge ema bala Yesu bo, Wɛ ôngana mbi ngana jisato oko kɔkɔ abelekoakini. Na amana sokolu na ayea bio na molɔbɔ mɛnɛ.

Matayo 7:3

Onjaka mobumbu mua modi a diso dimwangwao, pɛ ko bonɛ epaso yena edi a diso diwɛ mɛne mojɔ moye?

Matayo 7:4

Wɛ yona odi na epaso a diso diwɛ mɛnɛ, obwani bobala na mwangwao bo, Kina nahwɛ mobumbu a diso diwɛ?

Luka 6:41

Onjaka mobumbu a diso limwangwao, pɛ bonɛ epaso yena edi a diso liwɛ mɛnɛ mojɔ moye?

Luka 6:43

Mole mopele te mobotake mbuma jibe, na mole mobe te mobotake mbuma jipele.