Luka 5:17 - Nouveau Testament en Ngombe 1961

¹⁷ Yana akojaka Yesu bokina busa, BaPalusi na nganga baMibeko badaka ena. Ibo bama donga a ngando jisusu jiGalile na Yuda na Yelusalema. Ngulu eKumu edaka na nde a mojɔ mobosengoa.

Luka 5:17 Referans Kwoze

Luka 6:19

Bato basusu baemumu bakenga bomobɛnjɛ na momɔ, mojɔ bo ekina ngulu emanaka ai yo na ebaheleja basusu.

Luka 8:46

Yesu ko abala bo, Moto omɔci abakei ebɔ ai mbi. Najebi bo ekina ngulu emani ai mbi.

Bikɔmɛli 19:11

Njambe akɔ mindumba mibokamoa na mɔmɔ maPaulo.

Matayo 11:5

Baya bagwa miso basɔkɔ njɛnɛ ebu. Bato bamitɛngu badalaka. Bato bamaba bahelaka. Bato babohoka badi na njoki, Bagwake bangɔi, na bato babokwali bakaka Mwako Mopele.

Bikɔmɛli 4:30

Ninoja ebɔ ewɛ a bosengoa, na a bokɔ bimbete na mindumba a kombe eYesu Mwana owɛ mosɛnɔke.

Malako 7:1

BaPalusi na bakina basɔni badonga a Yelusalema, na badoa ai yo.

Malako 5:30

Yesu ko asipoa bo ngulu emana ai yo. Ahekoa bokpa a tei ebato, na ahɔjɔ bo, Obɛnjɛi bisenja bimbi nda?

Matayo 15:1

Bakina BaPalusi na basɔni baYelusalema badoa ai Yesu a ehole emina, na bamohɔjɔ bo,

Yoane 3:21

Moto ko yona odi na ekɔmɛli esoti amanaka a bohu, na anejaka bo bikɔmɛli binde bihulaka ai Njambe.

Luka 2:46

Yana anɔ masu masato, bamoboloja a tei etempelo. Adaka na mobondo a ndanda ebakoja; abahokeaka na abahɔjɔkɔ mahɔjɔ.

Luka 15:2

BaPalusi na basɔni ko banungu-bana. Babala bo, Moto yoyo asɔkɔ bato babe na sepi, na ayakaka na bu a esika emɔci.

Luka 7:30

BaPalusi ko, na bakoja baMibeko, balona mokano moNjambe a mojɔ mobu, na baibatisama na Yoane.

Luka 5:30

BaPalusi na basɔni ko babala na bacingami baYesu oko na manungunungu bo, Ino oyakakani na omwakakani na baputeja batako na bato babe mojɔ moye?

Luka 5:21

Basɔni na BaPalusi ko babanga bobomana kitɛ; babala bo, Iyo moto ndani yona obalaka mijɔ mibosambolu? Odi bokina jibe nda, te Njambe pɛ?

Malako 16:18

Bâpea njɔ na tnɔmɔ, na baka’mwaka ekina eka yena ebwani bowa, batapeka nongo. Bâbakea mɔmɔ mabu ai bato babego, na badi bohela.

Malako 3:22

Basɔni baya badonga a Yelusalema babala bo, Iyo adi na Balasebuba a tei ende. Amejaka miembo mibe oko na kpaci ekumu omiembo mibe.

Malako 1:45

Iyo ko akɛ, abanga botɔndɔ bato mojɔ momina, na ananganeja mwako momina. Oko boa, Yesu aihɔnɔ bokwea koko a ngando a bohu. Ayeyoa oko a esika, na bato badonga a ngando jisusu bo badoe ai yo.

Yoane 3:10

Yesu amosɔmbeja bo, Wɛ odi mokoja oYisalaele, na otacingeaka mijɔ mimina?

Bikɔmɛli 5:34

Okina MoPalusi ko angɔ a tei elikita, kombe ende Gamaliele. Iyo adaka mokoja oMibeko, na adaka na gala epele a tei ebato basusu, na apa monɔkɔ bo bamanejae babwɛnji mweka.