Luka 4:18 - Nouveau Testament en Ngombe 1961

¹⁸ Mwembo moKumu modi ai mbi, Gina bo ahɛngɛ mbi a botɔndɔ bato babokwali Mwako Mopele; Alomini bo najebejae masungu mojɔ mobocingoa, Bo natɔndɔe bato baya bagwa miso mojɔ mosengo emiso; Alomini bo nabuke minyɔlɔ mibato baya bagboki,

Luka 4:18 Referans Kwoze

Matayo 11:5

Baya bagwa miso basɔkɔ njɛnɛ ebu. Bato bamitɛngu badalaka. Bato bamaba bahelaka. Bato babohoka badi na njoki, Bagwake bangɔi, na bato babokwali bakaka Mwako Mopele.

Bikɔmɛli 10:38

Njambe asuoa Yesu oNasaleta Mwembo Mosɛnɔke na ngulu pongono. Na yo akɛ akadale a ngando na ngando a bokɔ bilomu bipele, na a boheleja bato basusu baya badingoaka na Satana, mojɔ bo Njambe adaka na nde.

Luka 7:22

Iyo abasɔmbeja bo, Kɛni atɔndɔe Yoane mijɔ mini no na mijɔ miki no. Baya bagwa misɔ basɔkɔ njɛnɛ; bato bamitɛngu badalaka; bato bamaba bahelaka; bato babohoka badi na njoki; bagwake basɔkɔ bomɔ; bato babokwali bakaka Mwako Mopele.

Bikɔmɛli 26:18

a bodipoa miso mabu, bo badonge a modidi, a bomana a bohu, bo bakine ngulu eSatana a bodoa ai Njambe, a bosɔ boyɛ bojibe jibu cina eejimeli ai mbi, na a bosɔ lisango a tei ebasɛnɔke.

Yoane 12:46

Mbi nadoi o bohu a ngondo, bo yona ojimeaka mbi atayeyoa koko a modidi.

1 Pɛtɛlo 2:9

Ino ko odini mbota ehɔmɔke, nganga babokumu, likota lihɛngɛmɛke, bato baNjambe, bo onejaeni bilomu bipele binde yona obea no bo omaneni a modidi, a boda a bohu bonde bua bodi mojɔ mobokamoa.

Bakɔlɔsai 1:13

Iyo ahelejai so a ngulu emodidi, na akwejai so a Bokumu boMwana’nde ongɛnjɔ.

Matayo 4:16

Bato baya badaka modidi Bani bohu bonɛnɛ. Na busa bohoi Ai bato baya badaka a esika ebogwa na a esie ebogwa.

Matayo 5:3

Bojongoa ai bato baya basatitejaka a milema, mojɔ bo Bokumu boDiko bodi oko ai bo.

Luka 6:20

Yesu anja bacingami bande, na abala bo, Bojongoa ai no bato babokwali, mojɔ bo Bokumu boNjambe bodi ai no.

Yakobo 2:5

Baninga baepaeli, hokeani. Njambe ahɔ bato babokwali bangondo mojɔ bo likonja libu lidi oko ejimeli, bo badae basangoli baBokumu bodikeja yo ai baya bamopalaka.

Yoane 3:34

Mojɔ bo yona olomama na Njambe abalaka oko bikenge biNjambe, cina bo yo t’angɛke mwɛngi yana apaka yo Mwembo.

Yoane 1:41

Iyo akɛ nduki emwangwa ’nde Simona bokpa, na abala na nde bo, Iso bobolojai Masiya (cina emina edi Klisto).

Matayo 12:20

Atabuka hongo mongongo mua mokwei pola, Na atadima nongo motanda momodidi, Oko adi yo pɛ bopeta gbokeja na bodongo.

Bikɔmɛli 4:27

Soti mɛnɛ, batitana a ngando ye a bona na Yesu Mwana owɛ mosɛnɔke yona ohɛngɛ wɛ,—oko Elode, na Pontio Pilato, na bato bamakota matongo, na bato baYisalaele pongono.

Matayo 12:18

Anjani mokɔmɛli ombi. Mbi namohɔi; Nadi na nde ngɛnjɔ. Molema mombi mosepaka na nde, Mbi nâmolwaja Mwembo mombi. Iyo âjebeja makota mangondo mojɔ mobodongo.

Luka 4:17

na bamopa mokanda momotɔndɔi Yisaya. Adipoa yo mokanda, anɛ esika yena edi na mosɔnɔ bo,

Bikɔmɛli 4:26

Bakumu bangondo badi na mosɛlingo mobila, Na bakonji batitani, A bona na Kumu na Masiya onde.