Luka 3:22 - Nouveau Testament en Ngombe 1961

²² na Mwembo Mosɛnɔke motita ai yo o ekɔmɛli esungu. Kɔpi emana koko oho Diko bo, Wɛ odi Mwana’mbi ongɛnjɔ. Nadi na sepi enɛnɛ a mojɔ mowɛ.

Luka 3:22 Referans Kwoze

Yoane 1:32

Na Yoane atɔndɔ koko bo, Mbi nani Mwembo mokadonge oho Diko o ekɔmɛli esungu, na mobakami ai yo.

Matayo 17:5

Yana abalaka yo boa, eyembi ebolailai ebahua oko bohua. Na kɔpi emana a eyembi bo, Iyo adi Mwana ’mbi ongɛnjɔ; nadi na nde sepi. Mohokeani.

Bikɔmɛli 10:38

Njambe asuoa Yesu oNasaleta Mwembo Mosɛnɔke na ngulu pongono. Na yo akɛ akadale a ngando na ngando a bokɔ bilomu bipele, na a boheleja bato basusu baya badingoaka na Satana, mojɔ bo Njambe adaka na nde.

Matayo 3:17

Na kɔpi emana oho Diko bo, Iyo adi Mwana’mbi ongɛnjɔ. Nadi na sepi a mojɔ monde.

1 Pɛtɛlo 2:4

Doani ai yo, oko a Litai lia lidi mɔ; bato balilona; Njambe ko alihɔ, na lidi na yumu a miso mande.

Matayo 12:18

Anjani mokɔmɛli ombi. Mbi namohɔi; Nadi na nde ngɛnjɔ. Molema mombi mosepaka na nde, Mbi nâmolwaja Mwembo mombi. Iyo âjebeja makota mangondo mojɔ mobodongo.

Bakɔlɔsai 1:13

Iyo ahelejai so a ngulu emodidi, na akwejai so a Bokumu boMwana’nde ongɛnjɔ.

Luka 4:21

Iyo abanga bobatɔndɔ bo, Mosɔnɔ moki no mongami busa bu.

Matayo 27:43

Adaka na ejimeli ai Njambe. Isa Njambe amopalaka, yɛ amohelejae edɛye; mojɔ bo abali bo, Mbi nadi Mwana oNjambe.

Matayo 3:13

Yesu adonga a Galile, na adoa a Yoladene bo Yoane amobatise.

Matayo 3:16

Yana abatisama Yesu, aduboa bokpa a madiba. A ehole emina, Diko didipoama oko bodipoaraa; anɛ Mwembo moNjambe mokatite o sungu na mokabakame ai yo.

Malako 1:9

Yesu adonga a Nasaleta, ngando eGalile, a masu mamina, na Yoane amobatisa a Yoladene.

Malako 1:11

Kɔpi emana koko oho Diko bo, Wɛ odi Mwana ’mbi ongɛnjɔ; sepi embi esusu edi ai wɛ.

Malako 9:7

Eyembi ko etita na ebahua. Kɔpi emana a eyembi bo, Iyo adi mwana’mbi ongɛnjɔ; mohokeani.

Luka 2:14

Ekumu ai Njambe oho Diko; Bowi a ngondo a tei ebato bapalaka Yo.

Yoane 5:37

Sango yo mɛnɛ yona olomani, atata tati ai mbi. Ino ko oikani nongo kɔpi ende; omɛni nongo elimo ende.

Yoane 12:28

Kɔpi esi ko edongi oho Diko bo, Mbi naekumejai, na nâekumeja koko.