Luka 24:44 - Nouveau Testament en Ngombe 1961

⁴⁴ Abala na bu bo, Mijɔ mibalaka mbi na nu yana adaka mbi na nu oko mimi, bo ngando jisusu jia jisɔnɔmɔ a mojɔ mombi a Mibeko miMose, a mikanda mibatɔndɔi, na mokanda moNjembo, jidi bongama soti.

Luka 24:44 Referans Kwoze

Bikɔmɛli 13:33

yo angameja sako emina ai so bana babu yana angɔjɔ yo Yesu. Mojɔ momina mosɔnɔmɔ koko a yembo ebibae bo, Wɛ odi Mwana ’mbi; naboti wɛ busa bu.

Luka 9:22

Abala bo, Mwana ’Moto adi bodingoa bou mɛnɛ. Basuku, na basuku banganga, na basɔni, badi bomodumba na bâmowa, na ângɔ koko a busa bomasato.

Boboloja 19:10

Mbi nasadumba a bibota binde bo namosakoe. Iyo ko abala na mbi bo, yɛ bokɔ boa! Mbi nadi oko mokɔmɛli pɛ, o adi wɛ mɛnɛ, na baninga bawɛ baya babaneaka tati eYesu. Sakoa oko Njambe. Mojɔ bo tati eYesu edi mwembo moeseko.

Baebele 10:1

Mibeko midi oko embete pɛ engando jipele jibodoa, te elimo mɛnɛ engando jimina. A mojɔ momina, Mibwaniti bolongeja na soti baya badoaka na masiko yanga na yanga.

Yoane 5:46

Akɔki no jima Mose, ka ojimini mbi pongono, cina bo yo asɔnɔ a mojɔ mombi.

Baebele 9:8

Mwembo Mosɛnɔke monejaka na mojɔ momina bo njea ebokwea a tei eEsika-enɔi-Bosɛnɔ eipaka boloa a ehole edaka Etondo eboso.

Yoane 5:39

Odukakani a Misɔnɔ mojɔ bo olɛkɛni bo obolojaeni bomɔ bua bodi na bosusu a tei eMisɔnɔ. Misɔnɔ ko mibalaka a mojɔ mombi a bohu.

Yoane 3:14

Na Mwana ’Moto âbakeama diko, o abakea Mose njɔ diko a lisobe,

Luka 24:46

Abala koko na bu bo, Oko boa, mosɔnɔmɔ bo Masiya adi bodingoa soti, bo angɔe a bogwa na masu masato,

Baebele 7:1

Iyo Malekisedeke, kumu oSalema, adaka nganga oNjambe obonɔ. Asongana na Abalayama yana ahulaka yo a bowa bakumu a bila, na amojongoa.

Baebele 3:5

Mose adaka na lisuma o mokɔmɛli ondako eNjambe bo atate tati engando jia jibalama oko ngɔngɔ.

Bikɔmɛli 7:37

Mose omina adi oko yona obala na BaYisalaele bo, Njambe adi bongɔjɔ motɔndɔi ai no a tei ebaninga banu, o adi mbi.

Luka 22:37

Mbi natɔndɔkɔ no bo ekenge ye eMisɔnɔ edi bongama na mbi; Bamolanga a libondo libato babe. Mojɔ bo edikai mweka pɛ, bo ngando jisusu jia jisɔnɔmɔ a mojɔ mombi jidi bongama.

Luka 21:22

Mojɔ bo, masu mamina mâda masu malikundu, na madi bongameja mijɔ misusu mia midi a Misɔnɔ.

Luka 9:44

Hokeani bopele bikenge bimina, mojɔ bo Mwana ’Moto adi bokabama a mɔmɔ mabato.

Matayo 26:56

Mojɔ mu mosusu ko modi boa a bongameja misɔnɔ mibatɔndɔi. Bacingami basusu bamokina a ehole emina, na bacia oko bocia.

Matayo 26:54

Mbi ko nakakɔ boa, Misɔnɔ midi bongama na ye, mia mitɔndɔkɔ bo mojɔ mumu modi boda boa?

Matayo 16:21

Yesu abanga bojebeja bacingami bande a ehole emina bo adi bokɛ a Yelusalema, bo basuku bangando, na nganga, na basɔni, badi bomodingoja bou mɛnɛ, bo badi bomowa, na bo adi bongɔ koko a busa bomasato,

1 Pɛtɛlo 1:11

Yana apaka bo biseko a mojɔ momadingoa maMasiya, na ekumu yena edaka ecini ngɔngɔ, badaka na posa ebojeba moto omina na ehole elɛjɛkɛ Mwembo moMasiya a tei ebu.

Bikɔmɛli 3:18

Njambe ko ajebeja mojɔ momina eyou na minɔkɔ mibatɔndɔi basusu, bo Masiya onde adi bodingoa; na mojɔ momina mongami boa.

Malako 9:31

Mojɔ bo akojaka bacingami bande, na abala na bu bo, Mwana ’Moto adi bokwa a mɔmɔ mabato babe, na badi bomowa; iyo ko adi bongɔ na masu masato.

Matayo 1:22

Mojɔ mu mosusu modaka boa a bongameja ekenge ema bala Kumu na motɔndɔi bo,

Bikɔmɛli 2:27

Cina bo otakina mwembo mombi a esika ebogwa, Na otajima bo Yona Mosɛnɔke owɛ apɔe.

Bikɔmɛli 13:40

A mojɔ momina, toma nganjamani bo mojɔ mobala batɔndɔi mosaka ngama na nu, bo;