Luka 22:53 - Nouveau Testament en Ngombe 1961

⁵³ Adaka mbi na nu masu masusu a tempelo, oininojani nongo ebɔ a bopea mbi. Pɛ mojɔ; ehole enu emei, ehole endangasa emodidi.

Luka 22:53 Referans Kwoze

Baɛpɛsɔ 6:12

Mojɔ bo, bila enaka so editi na mini na makia; edi oko na makumu, na kpaci, na bakumu bangondo ye emodidi, na mandundu mamiembo Mibe a bisika bidiko.

Yoane 12:27

Edɛye ko, molema mombi modi na monɔngɔ. Nadi bobala bo? Sesa, belejani a ehole ye? Pɛpɛ; mbi namei a ehole ye oko a mojɔ momina. Sesa, kumeja kombe ewɛ.

Bakɔlɔsai 1:13

Iyo ahelejai so a ngulu emodidi, na akwejai so a Bokumu boMwana’nde ongɛnjɔ.

Bikɔmɛli 26:18

a bodipoa miso mabu, bo badonge a modidi, a bomana a bohu, bo bakine ngulu eSatana a bodoa ai Njambe, a bosɔ boyɛ bojibe jibu cina eejimeli ai mbi, na a bosɔ lisango a tei ebasɛnɔke.

Yoane 7:45

Oko boa bapolisi basɔmbɔ ai nganga na ai BaPalusi. Ibo baba hɔjɔ bo, Ohulitini na nde mojɔ moye?

Yoane 14:30

Nitabala na nu koko bou, mojɔ bo kumu ongondo ye akɛkɛ adoe; yo ko aditi na kpaci ai mbi.

Yoane 7:30

Badaka na posa bo bamopee a mojɔ momina. Pɛpɛ nongo moto ko obakea ebɔ ai yo, mojɔ bo ehole ende eipaka mea.

Matayo 21:23

Yesu akwea a tempelo, na yana akojaka yo ena, basuku banganga na basuku bangando badoa na bamohɔjɔ bo, Wɛ okɔkɔ ngando jiji na kpaci enda?

Luka 22:52

Basuku banganga, na basuku batempelo, na basuku bangando, badoa bo bamopee. Yesu abala na bu bo, Ino odoini a bona na mobengo, na makɔngɔ na pɛngu?

Luka 22:54

Bapea Yesu a ehole emina, na bakɛ na nde a ndako emosuku onganga. Pɛtɛlo abasusa bohali mweka.

Yoane 13:30

Oko boa, ama yo sɔ ekenge emolɛmbɛ, ami mana oko bomana bokpa; na edaka bulu.