Luka 19:12 - Nouveau Testament en Ngombe 1961

¹² Abala bo, Okina moto odenga dikumu akɛ bohali a likota litongo, a bosɔ bokumu oho, na sako ebohula.

Luka 19:12 Referans Kwoze

1 Pɛtɛlo 3:22

Iyo akɛ oho Diko, na adi a ebɔ ebami eNjambe; na babwɛnji baDiko na bakumu na bato bakpaci bamosumaka.

Baebele 9:28

Oko boa Masiya pongono asapa lisiko ehole emɔci, bo atombe muna mojibe jibato banɛnɛ; na adoabi koko, te a mojɔ mobobe, oko a boheleja haya bamonjaka yo na tɛndɛ.

Yoane 18:37

Pilato abala na nde bo, Oko boa odi Kumu? Yesu amosɔmbeja bo, Wɛ mɛnɛ obali bo nadi Kumu. Cina ebobotama bombi, cina ebodoa bombi a ngondo edi oko bo natate tati a mojɔ moSoti. Moto na moto yona odi moto oSoti akaka monɔkɔ mombi.

Luka 20:9

Yesu abala na bato mondɛ mu. Okina momi ana gbie. Aekina a mɔmɔ mabasali, na akɛ a likota litongo a boyeyoa.

Boboloja 1:7

Hokeani; akɛkɛ adoe na biyembi. Miso masusu madi bomonɛ, na baya bamondea pongono. Na makota masusu mangondo mâyea bio a mojɔ monde. Ee, Amen.

1 Bakolinto 15:25

Mojɔ bo yo adi boda na kpaci ebokumu, oko adi yo pɛ bopeta cingea bibota binde a diko disoki jinde jisusu.

Bikɔmɛli 17:31

Mojɔ bo, yo ahɛngɛ bokina busa a bosambeja ngondo, esambi ebojo, oko na moto oma yo hɔ. Na angɔjɔ moto omina a bogwa, a boneja So bo mojɔ momina modi soti.

Luka 24:51

Yana abapamboaka yo, abɔtɔnɔ na bu na atombama oho Diko.

Malako 16:19

Oko boa, yana abala yo na bu, Kumu Yesu atombama oho Diko, na ada a ebɔ ebami eNjambe.

Malako 12:1

Yesu abanga bobatɔndɔ koko mindɛ bo, Okina moto ana gbie evine. Aehika na mongba. Alonga mombɔndɔ a mojɔ moeboka. Apika ndako. Akina gbie a mɔmɔ mabasali, na akɛ mɔngɔ mobohali.

Matayo 21:38

Basali bagbie ko, yana anɛ bo mwana, bajɔ bo, Sangoli yona! Kɔni bomowoe, na bokatoe lisango linde,

Matayo 28:18

Yesu abatama na bu, na abala na bu bo, Kpaci esusu epami ai mbi oho Diko na ya nase.