Luka 16:2 - Nouveau Testament en Ngombe 1961

² Iyo amobea, abala na nde bo, Mojɔ mokaka mbi mowɛ modi bo? Sɔmbeja mikanda mielomu ewɛ ekapita, mojɔ bo obwaniti boda koko kapita.

Luka 16:2 Referans Kwoze

Boboloja 20:12

Nanɛ koko bagwake, banɛnɛnɛ na bakɛkɛlɛkɛ; badaka ba’mi a boso bongɛndɛ. Mikanda midipoama. Na mokina mokanda motongo modipoama, oko mokanda mobomɔ. Na bagwake basamba a mojɔ mobikɔmɛli bibu bia bisɔnɔmɔ a mikanda.

1 Pɛtɛlo 4:10

Sakɔmejani na epeeli esi moto na moto, o bakɔmɛli baya basi monganji moNjambe tungu na tungu.

1 Pɛtɛlo 4:5

Bato bamina ko badi bosɔnibeja ai yona odi bosambeja baya badi mɔ na bagwake pongono.

1 Timoteo 5:24

Jibe jibakina bato jidi a bohu, oko basa-mbakini; jia jibakwa batongo ko jiboloaka oko ngɔngɔ.

1 Timoteo 4:14

T’onamejae oko epeeli yena edi a tei ewɛ; oesɔ na bileho yana abakea basuku baDenga mɔmɔ mabu ai wɛ.

2 Bakolinto 5:10

Mojɔ bo, iso basusu bodi bo’ma a bohu a boso bomongbɛlɛngɔ moesambi eMasiya, bo moto na moto asɛ ndese ende a mojɔ mobopele, isa a mojɔ mobobe bokɔ yo a mokuku mu.

1 Bakolinto 4:5

Oko boa, pɛ bosambejani oko ehole ebwanakini. Kumu akadoa, yo adi bomeja ngando jibombamake jimodidi a bohu, na adi boboloja ndungu jimilema mibato. A ehole emina, moto na moto adi bosɔ ndese ende ai Njambe.

1 Bakolinto 4:2

Mojɔ moboso mua mobwani na babanei, modi oko bo badae bato basoti mɛnɛ.

1 Bakolinto 1:11

Baninga, bato baKuloe bajebejai mbi bo odini na miano.

Baloma 14:12

Oko boa so basusu bodi bosɔmbeja Njambe, moto na moto a mojɔ monde mɛnɛ.

Luka 12:42

Kumu abala bo, Kumu akapa okina mokɔmɛli onde oejimeli na bowɛi kpaci ai bato bande basusu, bo abakabe mia libondo libondo a ehole yena ebwani;

Luka 12:20

Njambe ko abala na nde bo, Wɛ egegele! odi bosɔmbeja mwembo mowɛ oko na bulu bu; na leka lu losusu losɛlingoi wɛ lôdika na nda?

Matayo 12:36

Mbi natɔndɔkɔ no bo bato basambabí a busa boEsambi a mojɔ mobikenge bibu bisusu bibibalabala.

Matayo 20:8

Yana adipa busa, moswa ’gbie abala na kapita onde bo, Bea basali na bapa likonja libu. Banga na yona osuka, na sukeja na yona oboso.

Luka 16:1

Yesu abala koko na bacingami bande bo, Okina konji omɔci adaka na kapita, na bato bamotɔndɔ bo kapita omina abungejaka likonja linde.

Luka 16:3

Kapita alɛ bo, Mbi nakɔ boni? Moswa’mbi adongejaka mbi a elomu ekapita. Naditi na ngulu enɛnɛ a mojɔ moelomu egbie. Nadi boda na sɔni a bo’mba yambo.