Luka 16:14 - Nouveau Testament en Ngombe 1961

¹⁴ BaPalusi badaka na posa elikonja bou mɛnɛ. Yana aka bo mijɔ mi misusu, basɛkɛ Yesu oko bosɛkɛ.

Luka 16:14 Referans Kwoze

Luka 23:35

Bato bangando badaka hulelu a mojɔ mobonja. Basuku bangando ko bamokotoa; babala bo, Iyo ahelejai bato batongo; yɛ asahelejae yo mɛnɛ isa adi Masiya oNjambe, isa Njambe amohɔ.

Luka 20:47

Bapunjaka ndako jibali-babogwa, na bangaka bingeeli biyai oko a mojɔ mobokosea pɛ. Bato bamina bâsɔ mokindo monɛnɛ soti.

Luka 12:15

Abala koko na bato bo, Toma nganjamani; toma lonani bimboli bisusu, cina bo mohelo momoto mocingiti na lituna lileka lopeli yo.

Baebele 11:36

Eatongo koko badingoana matangola, na nji, ee na minyɔlɔ, na blɔkɔ pongono.

2 Timoteo 3:2

Mojɔ bo epaeli ebato edabi oko ai bo bɛnɛ; badabi na posa elikonja, bato baegbo na jala, bato babosambolu, bato balipanga ai baboti, pɛ lisuma, bato bapɔmbɔli,

Luka 8:53

Ibo ko bamosɛkɛ, mojɔ bo bajebaka bo agwa.

Matayo 23:13

Monɔngɔ ai no basɔni na BaPalusi, no bakosei! Mojɔ bo odipakani njea eBokumu boDiko ai bato. Otakweakani ena no bɛne, na otapakani njea ebokwea ai bato baya bapalaka bokwea.

Matayo 9:24

Abala bo, Yanani; mwamwali aditi nongo mogo; ahwɛkɛ oko hiɔ pɛ. Ibo ko bamosɛkɛ oko bosɛkɛ.