Luka 12:4 - Nouveau Testament en Ngombe 1961

⁴ Mbi natɔndɔkɔ no bina ’mbi bo, T’obangeni oko baya bawaka mokuku, na bakawa mokuku batabwana bokɔ mokina mojɔ motongo.

Luka 12:4 Referans Kwoze

Matayo 10:28

Yeni bobanga baya bawaka mokuku, mojɔ bo te bahɔnɔke bowa mwembo. Odini bobanga oko yona odi na ngulu a bowa mokuku na mwembo pongono a Gehena.

Boboloja 2:10

Boditigoa bokɛkɛ adoe ai wɛ. Yɛ bobanga ko. Hokeani; Satana akɛkɛ adumbe bakina banu a blɔkɔ a bomeka no, na ôdani na monɔngɔ masu domi. Da ko na lingbangba oko a bogwa, na mbi nâpa wɛ likongo libomɔ.

Bafilipoi 1:28

T’obangeni oko soki jinu nongo mweka. Mojɔ mu modi embete ai bo a mojɔ mobokwa bobu, na a mojɔ moboheleja bonu bua bohulaka ai Njambe.

1 Pɛtɛlo 3:14

Nongo okadingoani a mojɔ mobodongo, sepani a mojɔ momina. T’odaeni oko na bɔ a mojɔ mobu, pɛpɛ nongo mokakwano.

Yakobo 2:23

Oko boa mosɔnɔ mongama mua mobalaka bo, Abalayama ajimea Njambe, na mojɔ momina molangama ai yo o bodongo, na bamobea Limbaci liNjambe.

Bikɔmɛli 20:24

Mhi ko nalɛkɛ bo mohelo mombi modi eka engasa mɛnɛ; moditi nongo na yumu a miso mambi. Posa embi edi oko bo namee a suka enjea embi, bo nasiejae elomu esɔ mbi ai Kumu Yesu, elomu ebotɔndɔ Mwako Mopele momonganji moNjambe.

Bikɔmɛli 4:13

Ibo bakamoa oko bokamoa yana anɛ bo bogale boPɛtɛlo na Yoane; mojɔ bo bajebaka bo badi oko bato baelomu pɛ, pɛpɛ nongo ejebeli enɛnɛ emikanda. A mojɔ momina bacingea bo bama cingama oko na Yesu.

Yoane 15:13

Ngɛnjɔ yena enɔi edi oko ye, bo moto apɛ mohelo monde a mojɔ mobina’nde.