39 Pɛ bobosani mojɔ mu; Moswa ’ndako, akɔki yo jeba ehole ekanaka mobi bodoa, ka adaki na mongangele, na ajimiti bo moto aluse ndako ende.
Busa boKumu ko bodoabí o adoaka mobi. Busa bodi-moabí na daka enɛnɛ a ehole emina; njɔtɔ banangoabí na mosa; ngondo etumbamabí na mosa, na leka losusu lua lodi ena.
Toma lɛ mijɔ misɔ wɛ, na mijɔ mika wɛ. Banea mijɔ mimina, na hekoja molema mowɛ. Omiti nganjama, mbi nâdoa o mobi, na otajeba ehole êdoa mbi ai wɛ.
(Hokeani; mbi nadoaka na mbɛmbɛ emobi. Bojongoa ai moto yona odi mosu, yona obaneaka bisenja binde bo atamana mbundu na sɔni a boso bobato.)
T’ohɛjeni oko leka loyumu lonɛnɛ a mojɔ monu bɛnɛ ya nase, mojɔ bo lobebaka ya na sɛ na bikpa, na babi babukaka ndako a bo’ba.
A mojɔ momina, toma kɛngɛlɛni, mojɔ bo otajebakani busa bohulaka Kumu onu.