Luka 12:17 - Nouveau Testament en Ngombe 1961

¹⁷ Oko boa, yo alɛ a molema monde bo, Ekɔ mbi ndeni? Esika etakaka na mbi a bodeja leka lombi.

Luka 12:17 Referans Kwoze

Matayo 5:42

Moto aka’nga wɛ eka, mopa; t’obulɛe oko moto yona opalaka boboa njabo ai wɛ.

1 Yoane 3:16

Bojebaka ngɛnjɔ oko na mojɔ mu, bo yo apa mohelo monde a mojɔ mosu; na so hobwani bopa mihelo misu a mojɔ mobaninga.

Baloma 12:13

Dani na likabo ai bato baDenga baya badi na taka; asɔni bakɛndɛli bopele.

Bikɔmɛli 16:30

Abameja sokolu, na abala na bn bo, Baswa bambi, êkɔ mbi ndeni bo nahele?

Luka 19:17

Iyo abala bo, Bopele; wɛ mobuli mopele. Wɛ olongi na mojɔ mokɛkɛlɛkɛ; oko boa ôsɔ kpaci a ngando domi.

Luka 18:22

Aka Yesu ekenge emina, abala na nde bo, Mojɔ motaki na wɛ oko momɔci pɛ. Peta’ngɛjɛ Ieka lowɛ losusu, pa likonja limina ai bato babokwali, bo okonje leka lonɛnɛ loyumu oho Diko; osa ko odoe a bocingama na mbi.

Luka 16:9

Mbi natɔndɔkɔ no bo, Bolojani babinao na likonja linu, nongo likada eka ebe, Oko boa likataka na nu, badi bosɔ no a ndako jibu na bosusu.

1 Timoteo 6:17

Leha bato baya badi na likonja a ngondo ye bo batasakumeja, na bo batada na ejimeli a makonja maya madi na mokakwano, oko ai Njambe yona opaka so leka na likabo linɛnɛ a bosepeja so.

Bikɔmɛli 2:37

Bikenge bimina bibandea oko a milema, na babala na Pɛtɛlo na babwɛnji batongo bo, Baninga, êkɔ so ndeni?

Luka 16:3

Kapita alɛ bo, Mbi nakɔ boni? Moswa’mbi adongejaka mbi a elomu ekapita. Naditi na ngulu enɛnɛ a mojɔ moelomu egbie. Nadi boda na sɔni a bo’mba yambo.

Luka 12:33

Ingɛjɛni leka lonu; kɔni matɔngi malikonja a mojɔ monu maya matagwa; sɛlingoani likonja liyumu oho Diko lia litasia nongo, mojɔ bo mobi atabatama oho, na mosokoto pɛ bobeja.

Luka 12:29

Pɛ bosabasabani a mojɔ moboyaka na bomwaka. Pɛ bodani na mokakwano.

Luka 12:22

Yesu abala na bacingami bande bo, A mojɔ momina, mbi natɔndɔkɔ no bo, T’odaeni oko na mokakwano a mojɔ momohelo monu, a mojɔ moboyaka, na mokuku, na bisenja bibolwa.

Luka 11:41

Enɔi na bopele bo osɛnojaeni ngando jia jidi a tei enu; oko boa bikɔmɛli binu bisusu bidi bobɔngɔ.

Luka 10:25

Okina nganga oMibeko angɔ a bomeka Yesu. Abala bo, Mokoja, êkɔ mbi nda bo nasangoe bomɔ bua bodi oko na bosusu?

Luka 3:11

Iyo abasɔmbeja bo, Isa moto adi na simisi jibae abwani bopa emɔci ai moto yona odi ngasa. Yona odi na mia abwani bokɔ koko boa.

Matayo 16:7

Bacingami babomana kitɛ a mojɔ momina, na bajɔ bo, Edi mojɔ bo botombiti milɛmbɛ.

Luka 12:16

Abala na bu mondɛ mu; Okina konji adaka na gbie jia jibotaka leka lonɛnɛ.

Luka 12:18

Na abala bo, Nadi bokɔ oko mojɔ mu; nâbuka ndako jidejaka na mbi leka; nâyoa jitongo jinɛnɛnɛ bo nadejae ndongo jimbi na leka lombi losusu oko ena.