Moto ko akamwaka madiba mamopaka mbi, ata’ka koko ekangola na ikina; cina bo madiba mâmopa mbi mada molo momadiba mabomɔ a tei ende, maya makɛlɛkɛ na bosusu.
Mbi natɔndɔkɔ no na soti bo, Yona ohokeaka ebaeli embi, na ojimaka yona olomani, adi na bomɔ bua bodi na bosusu. Iyo atada nongo na esambi, mojɔ bo aheli a hogwa, na akwei a bomɔ.
Aka Yesu ekenge emina, abala na nde bo, Mojɔ motaki na wɛ oko momɔci pɛ. Peta’ngɛjɛ Ieka lowɛ losusu, pa likonja limina ai bato babokwali, bo okonje leka lonɛnɛ loyumu oho Diko; osa ko odoe a bocingama na mbi.
Abalayama ko amosɔmbeja bo, Mwana, t’obosae oko bo wɛ osɔ libondo liwɛ lipele yana adaka wɛ a ngondo; Lazalo ko asɔ oko libondo libe. Edɛye ko yo adi na sepi ya, na wɛ odi na monɔngɔ.
T’okɔeni oko elomu a mojɔ modia dia dibehaka; kɔni ko a mojɔ modia dia diyeyoaka oko a bomɔ bua bodi na bosusu. Mwana ’Moto âpa no dia dimina, mojɔ bo Sango abakea embete ende ai yo.
Malia atomba malasi mabobuno bonɛnɛ mɛnɛ, isa litre emɔci. Asuoa bibota biYesu malasi, na ahakoa bibota binde na swe jinde. Ndako esusu mɛnɛ eluma na soo epele emalasi.