Luka 1:6 - Nouveau Testament en Ngombe 1961

⁶ Ibo basusu babae badaka bato babodongo a miso maNjambe. Basumaka mibeko na ngando jiNjambe jisusu na soti mɛnɛ.

Luka 1:6 Referans Kwoze

Bafilipoi 2:15

bo odaeni bana baNjambe baya baditi nongo na mojɔ, baya badi na milema mi yɛmbu, pɛpɛ nongo litɔnɔ a tei eelulu ye engulumake elipanga. Ino odini a tei ebu o paka jia jihojaka ngondo.

Bikɔmɛli 24:16

A mojɔ momina, mbi nakɔkɔ na bingi bihole bisusu bo molema mombi motada na mojɔ, isa a boso boNjambe, isa a boso bobato.

1 Batɛsalɔnike 3:13

Yɛ ambilimejae milema minu bo midae misɛnɔke, pɛpɛ nongo litɔnɔ, a boso boNjambe Sangwa’su, a bodoa boKumu osu Yesu na basɛnɔke bande basusu.

1 Yoane 2:3

Bokasuma mibeko mide, bodi bojeba na soti bo bomojebaka, oko na mojɔ momina.

Mokanda Momibae Mosɔnɔ Pɛtɛlo - 2PE 3:14

A mojɔ momina baninga, alɛndɛkɛ no ngando jimina, kɔni na bingi bo yo abolojae no, pɛpɛ nongo litɔnɔ, pɛpɛ nongo mojɔ, oko na bowi.

1 Yoane 3:7

Bana bambi, T’ojimeni oko bo moto alabojae no. Yona odi na ekɔmɛli ebodongo adi moto obodongo, o adi yo na bodongo.

1 Yoane 2:29

Isa ojebakani bo yo adi na bodongo, ojebakani bo moto na moto yona odi na ekɔmɛli ebodongo abotami na nde.

Bakɔlɔsai 1:22

Iyo ko akwea bosiili, na akataneja no koko a njea ebogwa bomokuku monde, bo amejae no a boso bonde na bosɛnɔ, pɛpɛ nongo litɔnɔ, pɛpɛ nongo mojɔ,

2 Bakolinto 1:12

Iso bosepaka na mojɔ mumu; molema mosu motataka bo ekɔmɛli esu a miso mabato, na a miso manu bɛnɛ, edaka na bosɛnɔ na lisuma ai Njambe; te nongo na bowɛi bongondo, oko na mo-nganji moNjambe.

1 Bakolinto 11:2

Nasakoaka no mojɔ bo olɛkɛni mbi bihole bisusu, na otabosakani ngando jikoja mbi no.

Bikɔmɛli 23:1

Paulo anja likita linjenje; abala na bu bo, Baninga, molema mombi motadumbaka mbi a mojɔ moekɔmɛli embi masu masusu a miso maNjambe.

Luka 16:15

Iyo ko abala na bu bo, Ino odukakani lilonga a boso bobato. Njambe ko ajebaka milema minu. Gina bo, mojɔ mua modi na ekumu a miso mabato mokɔkɔ Njambe maneene.

Luka 1:7

Baidaka ko na mwana, mojɔ bo Elisabeta adaka motete, na bo basusu babae bama kɔmɔ.

Luka 2:25

Okina momi adaka a Yelusalema, kombe ende Simeona; yo adaka moto obodongo, moto olisuma ai Njambe. Ambaka bogɔmbeja boYisalaele na tɛndɛ, na Mwembo Mosɛnɔke modaka ai yo.

Bikɔmɛli 2:25

Mojɔ bo Dawidi abala mojɔ monde bo, Mbi nanɛkɛ Kumu ombi a boso bombi masu masusu; Mojɔ bo adi a dɔngɔ dimbi diebɔ ebami bo ambilimejae mbi.

Bikɔmɛli 8:21

Wɛ opeliti nongo libondo limojɔ mu, pɛpɛ nongo mweka; mojɔ bo molema mowɛ moditi bojo a miso maNjambe.

Baloma 8:4

Akɔ boa bo bocingoame a Mibeko, oko so baya badalaka a njea eMwembo, te nongo njea emunu.